കണ്ണൂരിൽനിന്ന്​ ​തെക്കോട്ടും മംഗളൂരുവിൽനിന്ന്​ വടക്കോട്ടും മാത്രം ട്രെയ്നുകൾ; കാഴ്ചക്കാരായി കാസർ​കോട്ടുകാർ

കാ​സ​ർ​കോ​ട്​: വെ​ള്ളം വെ​ള്ളം സ​ർ​വ​ത്ര, തു​ള്ളി​കു​ടി​ക്കാ​നി​ല്ല​ത്രെ എ​ന്നു പ​റ​യു​ന്നതു ​പോ​ലെ​യാ​ണ് കാ​സ​ർ​കോ​ടു​കാ​രു​ടെ തീ​വ​ണ്ടി​യാ​ത്ര സൗ​ക​ര്യം. വ​ണ്ടി​ക​ൾ തി​രു​വ​ന​ന്ത​പു​ര​ത്തേ​ക്കും ഡ​ൽ​ഹി​യി​ലേ​ക്കും ത​ല​ങ്ങും​വി​ല​ങ്ങും പാ​യു​ന്നു​ണ്ട്. എ​ന്നാ​ൽ, സ​ന്ധ്യ​മ​യ​ങ്ങും മു​മ്പ് വീ​ടെ​ത്താ​നു​ള്ള വ​ണ്ടി​ക​ൾ കാ​സ​ർ​കോ​ടു​കാ​ർ​ക്കി​ല്ല.

ഒ​രു ദി​വ​സ​ത്തെ ആവശ്യത്തിനാണെങ്കിലും അ​ടു​ത്ത നഗരങ്ങളായ കോ​ഴി​ക്കോ​ടും മം​ഗ​ളൂ​രു​വി​ലും മു​റി​യെ​ടു​ത്ത്​ താ​മ​സി​ച്ച് യാ​ത്ര ചെയ്യേണ്ട സ്ഥി​തി​യാ​ണ്. ക​ണ്ണൂ​രി​ൽ​നി​ന്ന് തെ​ക്കോ​ട്ടും മം​ഗ​ളൂരു​വി​ൽ​നി​ന്ന് വ​ട​ക്കോ​ട്ടും ന​ഗ​ര​ങ്ങ​ൾ തീ​വ​ണ്ടി​യാ​ത്ര​യു​ടെ വാ​തി​ൽ​തു​റ​ക്കു​മ്പോ​ൾ കാ​സ​ർ​കോടുകാ​ർ പ്ലാ​റ്റു​ഫോ​മി​ൽ ഇ​രു​ന്ന് വ​ണ്ടി​പോ​കു​ന്ന കാ​ഴ്ച​ക​ൾ കാ​ണാ​ൻ വി​ധി​ക്ക​പ്പെ​ടു​ന്നു. വൈ​കീ​ട്ട് ആ​റ​ര​ക്ക് കോ​ഴി​ക്കോ​ട് എ​ത്തി​യ ഒരാൾക്ക് കാ​സ​ർ​കോ​ട് എ​ത്തണമെങ്കിൽ ഒ​രു ദി​വ​സം കാ​ത്തി​രി​ക്കേ​ണ്ട സ്ഥി​തി​യാ​ണ്.

തു​റ​മു​ഖ-​വി​മാ​ന​ത്താ​വ​ള ന​ഗ​ര​ങ്ങ​ളാ​ണ് കോ​ഴി​ക്കോ​ടും മം​ഗ​ളൂരു​വും. ഇരു ന​ഗ​ര​ങ്ങ​ളു​മാ​യും നി​ര​ന്ത​രം ബ​ന്ധ​പ്പെ​ടു​ന്ന​വ​രാ​ണ് കാ​സ​ർ​കോ​ട് ജി​ല്ല​ക്കാ​ർ. ചി​കി​ത്സ, വി​ദ്യാ​ഭ്യാ​സം, വ്യാ​പാ​രം, എ​യ​ർ​പോ​ർ​ട്ട്​ എ​ല്ലാത്തിനും ആശ്രയം മം​ഗ​ളൂ​രുവാണ്. എന്നാൽ, ഇ​വി​ടെ​നി​ന്ന് 6.15ന് ​ശേ​ഷം തെ​ക്കോട്ടേക്ക് ​വ​ണ്ടി​യി​ല്ല. മം​ഗ​ളൂ​രുവിലെ ആ​ശു​പ​ത്രി​ക​ളി​ൽ​നി​ന്ന് മ​ട​ങ്ങു​ന്ന​വ​ർ ഏ​റെ​യും അ​വി​ടെ ത​ങ്ങേ​ണ്ടി​വ​രുന്നു. പി​ന്നെ​യു​ള്ള​ത് അ​ർ​ധ​രാ​ത്രി​യിലെ ചെ​ന്നൈ മെ​യി​ലാ​ണ്.

കെ.​എ​സ്.​ആ​ർ.​ടി.​സിയാവട്ടെ രാ​ത്രി​യോ​ടെ സ​ർ​വി​സ് നി​ർ​ത്തും. കോ​ഴി​ക്കോ​ടു​നി​ന്നും വ​ട​ക്കോട്ടേക്കുള്ള അ​വ​സാ​ന വ​ണ്ടി 5.15നാ​ണ്. അ​തു​ക​ഴി​ഞ്ഞാ​ൽ ബ​സ് സ​ർ​വി​സ് പോ​ലും ല​ഭ്യ​മ​ല്ല. പ​ല ബ​സു​ക​ൾ ക​യ​റി​യി​റ​ങ്ങി വ​ന്നാ​ൽപോ​ലും ക​ണ്ണൂ​രു​ം കാ​ഞ്ഞ​ങ്ങാ​ടും വ​രെ​യേ എത്തൂ.

വ​ന്ദേ ഭാ​ര​ത് ​ട്രെയിൻ വ​ന്നെ​ങ്കി​ലും അ​ത് സാ​ധാ​ര​ണ​ക്കാ​ര​ന്റെ ആവശ്യങ്ങൾക്ക് ഉതകുന്നതല്ല. റി​സ​ർ​വ് ചെ​യ്ത് മാ​ത്രം യാ​ത്ര ചെ​യ്യു​ന്ന​വ​ര​ല്ല എല്ലാവരും. സാ​ധാ​ര​ണ​ക്കാർക്ക് ഉ​പ​കാ​ര​പ്പെ​ടു​ന്നവിധം തീവണ്ടി യാത്ര സു​ഗ​മ​മാ​ക്കു​ന്ന​തി​ന് ചി​ല നി​ർ​ദേ​ശ​ങ്ങ​ളു​​ണ്ടെ​ങ്കി​ലും അ​ത് ഗൗ​നി​ക്കു​ന്നി​ല്ല.

രാ​വി​ലെ സ​ർ​വി​സ് ന​ട​ത്തു​ന്ന മം​ഗ​ലാ​പു​രം- കോ​ഴി​ക്കോ​ട് പാ​സ​ഞ്ച​ർ വ​ണ്ടി ഒ​മ്പ​ത​ര​ക്ക് കോ​ഴി​ക്കോ​ട് എ​ത്തു​ന്ന വി​ധ​ത്തി​ൽ സ​മ​യം ക്ര​മ​പ്പെ​ടു​ത്തു​ക​യാ​ണ് അതിലൊന്ന്. പ​ര​ശു​റാം എ​ക്സ്പ്ര​സ് രാ​വി​ലെ മം​ഗ​ളൂ​രുവിൽനി​ന്ന് പ​ത്തു മി​നി​റ്റ് നേ​ര​ത്തെ പു​റ​പ്പെ​ട്ടാ​ൽ കൂ​ടു​ത​ൽ ഉ​പ​കാ​രപ്ര​ദ​മാ​കും.

രാ​വി​ലെ മം​ഗ​ളൂ​രു​വിൽനി​ന്ന്​ കോ​ഴി​ക്കോ​ട് പോ​കു​ന്ന 16610 പാ​സ​ഞ്ച​ർ വ​ണ്ടി തി​രി​ച്ച് ഉ​ച്ച​തി​രി​ഞ്ഞ് 2.05 ന് 06481 ​ന​മ്പ​റാ​യി അ​ധി​കം യാ​ത്ര​ക്കാ​ർ ഇ​ല്ലാ​തെ ക​ണ്ണൂ​രേ​ക്കും തു​ട​ർ​ന്ന് 06469 ആ​യി ചെ​റു​വ​ത്തൂ​രി​ലെ​ക്കും പോ​കു​ന്ന​തി​നു പ​ക​രം കോ​ഴി​ക്കോ​ടു​നി​ന്ന് ഏ​റെ തി​ര​ക്ക് ഉ​ള്ള വൈ​കീ​ട്ട് 5.30 ന് ​നേ​രി​ട്ട് മം​ഗ​ളൂ​രു​വി​ലേ​ക്ക്​ വി​ടു​ക​യാ​ണ് മ​റ്റൊ​രു പോം​വ​ഴി.

നേ​രത്തേ ക​ണ്ണൂ​ർ -മം​ഗ​ളൂ​രു റൂ​ട്ടി​ൽ അ​നു​വ​ദി​ച്ച് തി​രി​ച്ചെ​ടു​ത്ത മെ​മു പു​നഃ​സ്ഥാ​പി​ക്കു​ക. അ​ത് ഷൊ​ർ​ണൂ​ർ- ക​ണ്ണൂ​ർ മെ​മു​വു​മാ​യി ബ​ന്ധ​പ്പെ​ടു​ത്തി ക​ണ്ണൂ​ർ - ചെ​റു​വ​ത്തൂ​ർ വ​ണ്ടി​യെ ക​ണ്ണൂ​ർ - മം​ഗ​ലാ​പു​രം സെ​ൻ​ട്ര​ൽ വ​ണ്ടി​യാ​യി സ​ർ​വി​സ് നീ​ട്ടി​യാ​ൽ ജി​ല്ല​ക്ക് ആ​ശ്വാ​സമാകും.. ഇ​ങ്ങ​നെ ര​ണ്ടു മെ​മു​ക​ളെ ബ​ന്ധി​പ്പി​ക്കു​മ്പോ​ൾ ര​ണ്ടു പു​തി​യ സ​ർ​വി​സു​ക​ൾ ആ​രം​ഭി​ക്കാ​ൻ സാ​ധി​ക്കും. ഒ​ന്ന് രാ​വി​ലെ 11.30 ന് ​മം​ഗ​ളു​രു​വിൽനി​ന്ന്​ എ​ടു​ത്ത് ഉ​ച്ച തി​രി​ഞ്ഞ് 2.30 ന് ​ക​ണ്ണൂ​രി​ൽ അ​വ​സാ​നി​ക്കു​ന്ന സ​ർ​വി​സ് ന​ട​ത്താം.

മ​ല​ബാ​ർ എ​ക്സ്പ്ര​സ് മം​ഗ​ളൂ​രു​വി​ൽനി​ന്നും 6.15ന് ​പു​റ​പ്പെ​ട്ടാ​ൽ പി​ന്നെ​യു​ള്ള​ത് രൂ​ക്ഷ​മാ​യ യാ​ത്രാ പ്ര​ശ്ന​മാ​ണ്. രാ​ത്രി 11.30നാ​ണ് അ​ടു​ത്ത വ​ണ്ടി. അ​ത് ചെ​ന്നൈ​ക്കു​ള്ള​താ​ണ്. ഇ​ത് പ​രി​ഹ​രി​ക്കാ​ൻ രാ​ത്രി ഒ​മ്പ​തി​ന് മം​ഗ​ളൂ​രു​വി​ൽനി​ന്ന് 11.00 ന് ​ചെ​റു​വ​ത്തൂ​രി​ൽ യാ​ത്ര അ​വ​സാ​നി​പ്പി​ക്കു​ന്ന വ​ണ്ടി​യാ​ണ്. ക​ണ്ണൂ​രി​ൽ യാ​ത്ര അ​വ​സാ​നി​പ്പി​ക്കു​ന്ന മൂ​ന്ന് വ​ണ്ടി​ക​ൾ മം​ഗ​ളു​രു​വ​രെ നീ​ട്ടി​യാ​ൽ ഏ​റ​ക്കു​റെ യാ​ത്ര പ്ര​ശ്ന​ങ്ങ​ൾ പ​രി​ഹ​രി​ക്കാ​നാ​കു​മെ​ന്ന് റെ​യി​ൽ​വേ പാ​സ​ഞ്ചേ​ഴ്സ് അ​സോ​സി​യേ​ഷ​​െന്റ ആ​ർ.​പ്ര​ശാ​ന്ത് കു​മാ​ർ പ​റ​ഞ്ഞു. കാ​സ​ർ​കോ​ട് ജി​ല്ല​ക്കാ​ർ ചി​കി​ൽ​സ, വി​ദ്യാ​ഭ്യാ​സം, വ്യാ​പാ​രം, ജോ​ലി തു​ട​ങ്ങി​യ ആ​വ​ശ്യ​ങ്ങ​ൾ​ക്കെ​ല്ലാം ആ​ശ്ര​യി​ക്കു​ന്ന ന​ഗ​ര​മാ​ണ് മം​ഗ​ളൂ​രു എ​ന്ന് അ​സോ​സി​യേ​ഷ​ൻ ഭാ​ര​വാ​ഹി​ക​ളാ​യ നി​സാ​ർ പെ​റു​വാ​ഡ്, നാ​സ​ർ ചെ​ർ​ക്ക​ളം എ​ന്നി​വ​ർ പ​റ​ഞ്ഞു.