കൊല്ലപ്പെട്ട റിയാസ് മൗലവി
കാസർകോട്: നാടൊന്നടങ്കം ഉറ്റുനോക്കിയ വിധി. ശനിയാഴ്ച ജില്ല സെഷൻസ് കോടതി പ്രസ്താവിച്ച വിധി കാസർകോട്ടെന്നല്ല, കേരളം മുഴുവൻ കാതോർത്തിരുന്നതായിരുന്നു. എന്നാൽ, മതേതര മനസ്സിന് മുറിവേൽക്കും വിധം ആശ്ചര്യപ്പെടുത്തിയ വിധിയായിരുന്നു റിയാസ് മൗലവിയുടെ വധക്കേസിൽ ശനിയാഴ്ചയുണ്ടായത്. മൗലവിയുടെ കുടുംബത്തിനും കാസർകോടിന്റെ മതേതര മനസ്സിനും ഒരിക്കലും അംഗീകരിക്കാൻ പറ്റാത്ത വിധിയായിരുന്നു ജില്ല പ്രിന്‍സിപ്പല്‍ സെഷന്‍സ് കോടതിയിൽനിന്നുണ്ടായിരിക്കുന്നതെന്ന് കോടതി പരിസരത്ത് കാത്തിരുന്നവരുടെ മുഖത്തുനിന്ന് വായിച്ചെടുക്കാമായിരുന്നു.
പഴയ ചൂരി മദ്‌റസയിലെ അധ്യാപകനായിരുന്ന കുടക് സ്വദേശി മുഹമ്മദ് റിയാസ് മൗലവിയെ കഴുത്തറുത്ത് കൊലപ്പെടുത്തിയ കേസിലാണ് ഏഴുവർഷത്തിനിപ്പുറം വിധി വന്നിരിക്കുന്നത്. 2017 മാര്‍ച്ച് 20ന് പുലര്‍ച്ചയാണ് റിയാസ് മൗലവി പള്ളിയിൽ കൊല്ലപ്പെട്ടത്. കേസിൽ വിധിപറയുന്ന ശനിയാഴ്ചവരെ ജാമ്യം ലഭിക്കാത്തതിനാല്‍ പ്രതികള്‍ ഏഴുവര്‍ഷമായി ജയിലിൽത്തന്നെയായിരുന്നു. ഏഴ് ജഡ്ജിമാരാണ് കേസ് ഇതുവരെ പരിഗണിച്ചത്. ഒടുവില്‍ ശനിയാഴ്ച ജില്ല പ്രിന്‍സിപ്പല്‍ സെഷന്‍സ് കോടതി ജഡ്ജി കെ.കെ. ബാലകൃഷ്ണനാണ് ഒറ്റവരിയിൽ ‘വെറുതെ വിട്ടു’ വിധി പറഞ്ഞത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.