ദുരൂഹ സാഹചര്യത്തിൽ ഓയിൽ മിൽ കത്തിനശിച്ചു

കാ​ഞ്ഞ​ങ്ങാ​ട്: എ​ട​ത്തോ​ട് ടൗ​ണി​ൽ പ്ര​വ​ർ​ത്തി​ക്കു​ന്ന ഓ​യി​ൽ​ മി​ൽ സ്ഥാ​പ​ന​ത്തി​ൽ വ​ൻ​തീ​പി​ടിത്തം. ഉ​പ​ക​ര​ണ​ങ്ങ​ള​ട​ക്കം പൂ​ർ​ണ​മാ​യും ക​ത്തി​ന​ശി​ച്ച​തി​നാ​ൽ 23 ല​ക്ഷം രൂ​പ​യു​ടെ ന​ഷ്ടം ക​ണ​ക്കാ​ക്കു​ന്നു. എ​ട​ത്തോ​ട് ജു​മാ​മ​സ്ജി​ദ് വ​ക ടൗ​ണി​ൽ പ്ര​വ​ർ​ത്തി​ക്കു​ന്ന ഷോ​പ്പി​ങ്​ കോം​പ്ല​ക്സി​ൽ ഞാ​യ​റാ​ഴ്ച പു​ല​ർ​ച്ച മൂ​ന്നു മ​ണി​യോ​ടെ​യാ​ണ് തീ​പി​ടിത്ത​മു​ണ്ടാ​യ​ത്. പ​ര​പ്പ ക​ന​ക​പ്പ​ള്ളി​യി​ലെ റ​ഷീ​ദി​ന്‍റെ ഉ​ട​മ​സ്ഥ​ത​യി​ൽ പ്ര​വ​ർ​ത്തി​ക്കു​ന്ന യാ​സീ​ൻ ഓ​യി​ൽ ഫ്ല​വ​ർ മി​ൽ സ്ഥാ​പ​ന​മാ​ണ്​ പൂ​ർ​ണ​മാ​യും ക​ത്തി​ന​ശി​ച്ച​ത്. പ​തി​ന​ഞ്ചു ല​ക്ഷ​ത്തി​ലേ​റെ രൂ​പ വി​ല​വ​രു​ന്ന ഉ​പ​ക​ര​ണ​ങ്ങ​ൾ പൂ​ർ​ണ​മാ​യും ക​ത്തി​ന​ശി​ച്ചു. പൊ​ടി​ക്കാ​നാ​യി കൊ​ണ്ടു​വ​ന്ന ധാ​ന്യ വ​സ്തു​ക്ക​ളും മൂ​ന്നു ക്വി​ൻ​റ​ലി​ലേ​റെ തൂ​ക്കം​വ​രു​ന്ന കൊ​പ്ര​യും എ​ണ്ണ​ക​ളും ക​ത്തി​ന​ശി​ച്ച​വ​യി​ൽ ഉ​ൾ​പ്പെ​ടും. കെ​ട്ടി​ട​വും ഭാ​ഗി​ക​മാ​യി ക​ത്തി​യെ​രി​ഞ്ഞു.

കെ​ട്ടി​ട​ത്തി​ൽ താ​മ​സി​ക്കു​ന്ന ഇതര ​സം​സ്ഥാ​ന തൊ​ഴി​ലാ​ളി​ക​ളാ​ണ് തീ​പിടിത്തം ക​ണ്ട് ജു​മാ മ​സ്ജി​ദ് ഭാ​ര​വാ​ഹി​ക​ളു​ടെ ശ്ര​ദ്ധ​യി​ൽ​പ്പെ​ടു​ത്തി​യ​ത്. ഉ​ട​ൻ ത​ന്നെ നാ​ട്ടു​കാ​ർ ഓ​ടി​ക്കൂ​ടി ഒ​രു മ​ണി​ക്കൂ​റി​ലേ​റെ​നീ​ണ്ട പ​രി​ശ്ര​മ​ത്തി​ൽ തീ ​അ​ണ​ക്കു​ക​യാ​യി​രു​ന്നു. കു​റ്റി​ക്കോ​ലി​ൽ നി​ന്നും ഫ​യ​ർ​ഫോ​ഴ്സ് സം​ഘ​വും എ​ത്തി​യി​രു​ന്നു.

തീ​പിടിത്ത കാ​ര​ണം വ്യ​ക്ത​മ​ല്ല. ക​ഴി​ഞ്ഞ ര​ണ്ടു വ​ർ​ഷ​ത്തി​ലേ​റെ​യാ​യി ന​ല്ല നി​ല​യി​ൽ പ്ര​വർത്തി​ക്കു​ന്ന മി​ല്ലി​ൽ ഏ​റ്റ​വും ന​ല്ല ഉ​പ​ക​ര​ണ​ങ്ങ​ൾ ഉ​പ​യോ​ഗി​ച്ചാ​ണ് ധാ​ന്യ​ങ്ങ​ൾ പൊ​ടി​ക്കാ​റു​ള്ള​ത്. അ​തു​കൊ​ണ്ടു​ത​ന്നെ ദൂ​രെ ദി​ക്കി​ൽ നി​ന്ന് പോ​ലും ധാ​രാ​ളം ആ​ളു​ക​ൾ ഇ​വി​ടെ​നി​ന്നാ​ണ് ധാ​ന്യ​ങ്ങ​ൾ പൊ​ടി​ക്കാ​റു​ള്ള​ത്. വൈ​ദ്യു​തി ഷോ​ട്ട്​ സ​ർ​ക്യൂ​ട്ടാ​ണ് തീ​പി​ടിത്ത​കാ​ര​ണ​മെ​ന്നു പ​റ​യു​ന്നു​ണ്ടെ​ങ്കി​ലും ദു​രൂ​ഹ​ത ഉ​യ​ർ​ന്നി​ട്ടു​ണ്ട്. വെ​ള്ള​രി​ക്കു​ണ്ട് പൊ​ലീ​സ്‌ സ്ഥ​ലം സ​ന്ദ​ർ​ശി​ച്ച്‌ അ​ന്വേ​ഷ​ണം ആ​രം​ഭി​ച്ചു.