മ​ക​നേ നീ ​എ​വി​ടെ​?

കാ​സ​ർ​കോ​ട്: മ​ക​നെ കാ​ണാ​ത്ത പ​രാ​തി​യു​മാ​യി ഒ​രു​വ​ർ​ഷ​മാ​യി പ​ല ഓ​ഫി​സു​ക​ളും ക​യ​റി​യി​റ​ങ്ങു​ക​യാ​ണ് മ​ഹ​മ്മൂ​ദ്. ജ​ന്മ​നാ ഒ​രു ക​ണ്ണി​ന് കാ​ഴ്ച​ശ​ക്തി​യും ഒ​രു ചെ​വി​ക്ക് കേ​ൾ​വി​യു​മി​ല്ലാ​ത്ത മ​ക​ൻ നി​സാ​റി​നെ 2023 ഏ​പ്രി​ൽ ഏ​ഴി​നാ​ണ് കാ​ണാ​താ​വു​ന്ന​ത്.

അ​ന്ന് പ​തി​വു​പോ​ലെ ബ​ന്തി​യോ​ട് അ​ട്ക്ക​ത്തു​ള്ള ത​ങ്ങ​ളു​ടെ ത​ട്ടു​ക​ട തു​റ​ക്കാ​ൻ രാ​വി​ലെ 10.30ന് ​ഇ​റ​ങ്ങി​യ​താ​ണ്. പി​ന്നീ​ട് നി​സാ​റി​നെ ആ​രും ക​ണ്ടി​ല്ല. ഉ​പ്പ മ​ഹ​മ്മൂ​ദും ത​ട്ടു​ക​ട​യി​ൽ സ​ഹാ​യ​ത്തി​ന് പോ​കാ​റു​ണ്ട്. ഉ​ച്ച​ക്ക് പ്രാ​ർ​ഥ​ന​ക്ക് പ​ള്ളി​യി​ൽ കാ​ണാ​ത്ത​തി​നെ തു​ട​ർ​ന്ന് സു​ഹൃ​ത്തു​ക്ക​ളോ​ട് അ​ന്വേ​ഷി​ച്ച​പ്പോ​ഴാ​ണ് ക​ട തു​റ​ക്കാ​ൻ നി​സാ​ർ എ​ത്തി​യി​ട്ടി​ല്ലെ​ന്ന് അ​റി​യു​ന്ന​ത്. ബ​ന്തി​യോ​ടു​നി​ന്ന് കാ​സ​ർ​കോ​ട്ടേ​ക്ക് കെ.​എ​സ്.​ആ​ർ.​ടി.​സി ബ​സി​ൽ ക​യ​റിപ്പോ​കു​ന്ന​ത് ക​ണ്ടെ​ന്ന്, അ​റി​യു​ന്നൊ​രാ​ൾ മ​ഹ​മ്മൂ​ദി​നോ​ട് പ​റ​ഞ്ഞി​രു​ന്നു. ഇ​തെ​ല്ലാം ചൂ​ണ്ടി​ക്കാ​ട്ടി കു​മ്പ​ള പൊ​ലീ​സ് സ്റ്റേ​ഷ​നി​ൽ പ​രാ​തി ന​ൽ​കി​യെ​ങ്കി​ലും ഇ​തു​വ​രെ പൊ​ലീ​സി​ന് തു​മ്പൊ​ന്നും കി​ട്ടി​യി​ല്ലെ​ന്നാ​ണ് ഈ ​പി​താ​വ് പ​റ​യു​ന്ന​ത്. ക​ല​ക്ട​ർ​ക്കും മ​ഞ്ചേ​ശ്വ​രം എം.​എ​ൽ.​എ എ.​​​കെ.​എം. അ​ഷ്റ​ഫി​നും പ​രാ​തി ന​ൽ​കി​യി​രു​ന്നു. എ​ന്നാ​ൽ ഇ​തു​വ​രെ പ​രി​ഹാ​ര​മാ​യി​ല്ല.

ന​വ​കേ​ര​ള സ​ദ​സ്സി​ന് മു​ഖ്യ​മ​ന്ത്രി മ​ഞ്ചേ​ശ്വ​ര​ത്തെ​ത്തി​യ​പ്പോ​ൾ നിവേദനം ന​ൽ​കു​ക​യും അ​തി​ന് ജി​ല്ല പൊ​ലീ​സ് മേ​ധാ​വി​യെ നി​യോ​ഗി​ച്ചു​കൊ​ണ്ടു​ള്ള നടപ​ടി​യും വ​ന്നി​രു​ന്നു. തു​ട​ർ​ന്ന് പൊ​ലീ​സ് മേ​ധാ​വി​യു​ടെ ഓ​ഫി​സി​ൽ​നി​ന്ന് വി​ളി​പ്പി​ക്കു​ക​യും ​മൊ​ഴി​യെ​ടു​ക്കു​ക​യും ചെ​യ്ത​ത​ല്ലാ​തെ പി​ന്നീ​ട് ആ ​കേ​സി​ന് ഒ​ര​ന​ക്ക​വു​മു​ണ്ടാ​യി​ട്ടി​ല്ല. കു​മ്പ​ള സ്റ്റേ​ഷ​നു​മാ​യി ബ​ന്ധ​പ്പെ​ട്ട​പ്പോ​ൾ അ​ന്വേ​ഷ​ണം ന​ട​ക്കു​ന്നു​ണ്ടെ​ന്നും ​നി​സാ​റി​ന്റെ കൈ​യി​ൽ മൊ​ബൈ​ൽ ഇ​ല്ലാ​ത്ത​തു​കൊ​ണ്ട് എ​ങ്ങ​നെ ക​ണ്ടു​പി​ടി​ക്കു​മെ​ന്നു​മാ​ണ് ചോ​ദി​ക്കു​ന്ന​തെ​ന്നും മ​ഹ​മ്മൂ​ദ് പ​റ​ഞ്ഞു.

ഭാ​ര്യ​യും നാ​ലു മ​ക്ക​ളു​മ​ട​ങ്ങു​ന്ന കു​ടും​ബ​ത്തി​ലെ മൂ​ത്ത മ​ക​നെ​യാ​ണ് കാ​ണാ​താ​യി​രി​ക്കു​ന്ന​ത്. ഇ​ദ്ദേ​ഹ​ത്തി​ന് മൂ​ന്ന് ആ​ൺ​മ​ക്ക​ളും ഒ​രു മ​ക​ളു​മാ​ണു​ള്ള​ത്. കാ​ണാ​താ​യ മ​ക​ന് പ​ല സ്ഥ​ല​ങ്ങ​ളി​ലും ക​ല്യാ​ണാ​ലോ​ച​ന ന​ട​ത്തി​യി​രു​ന്നു​വെ​ന്നും ഒ​ന്നും ശ​രി​യാ​കാ​ത്ത​തി​ൽ മ​ക​ന് വി​ഷ​മ​മു​ണ്ടാ​യി​രു​ന്നു​വെ​ന്നും പി​താ​വ് പ​റ​ഞ്ഞു. മ​ക​നെ കാ​ണാ​താ​യി​ട്ട് ഒ​രു​വ​ർ​ഷ​വും ര​ണ്ടു​മാ​സ​വും ക​ഴി​ഞ്ഞെ​ന്നും ഇ​നി ആ​രോ​ടാ​ണ് ഞ​ങ്ങ​ൾ പ​രാ​തി പ​റ​യേ​ണ്ട​തെ​ന്നു​മാ​ണ് ഈ ​പി​താ​വി​ന്റെ ക​ണ്ണീ​ര​ണി​ഞ്ഞ ചോ​ദ്യം.