തിരുവനന്തപുരം: മാരകമായ കൊറോണ വൈറസ് ബാധയെ നേരിടാൻ സംസ്ഥാനം സജ്ജമാണെന്ന് ആരോഗ്യമന്ത്രി കെ.കെ. ശൈലജ. നിയമസഭയിലെ ചോദ്യോത്തര വേളയിൽ മറുപടി നൽകുകയായിരുന്നു മന്ത്രി.
കൊറോണയെ നേരിടാൻ കേരളം കൃത്യമായ മുൻകരുതൽ എടുത്തിരുന്നു. ആശങ്കപ്പെടേണ്ട സാഹചര്യം സംസ്ഥാനത്തില്ലെന്നും കെ.കെ. ശൈലജ പറഞ്ഞു. പ്രതിരോധ നടപടികളെ കുറിച്ചും സംസ്ഥാനത്തെ സാഹചര്യത്തെ കുറിച്ചും വിശദമായ പ്രസ്താവന മന്ത്രി സഭയിൽ നടത്തും.
കേരളത്തിൽ കഴിഞ്ഞ ദിവസം ഒരാൾക്കുകൂടി കൊറോണ റിപ്പോർട്ട് ചെയ്തതോടെ വൈറസ് ബാധിച്ചവരുടെ എണ്ണം രണ്ടായി. കേന്ദ്ര ആരോഗ്യ മന്ത്രാലയമാണ് ചൈനയിൽ നിന്നെത്തിയ വിദ്യാർഥിക്ക് കൊറോണ ബാധ സ്ഥിരീകരിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.