തിരുവനന്തപുരം: സിറാജ് ദിനപത്രം തിരുവനന്തപുരം യൂനിറ്റ് ചീഫായിരുന്ന കെ.എം. ബഷീറിനെ വാഹനമിടിപ്പിച്ച് കൊലപ്പെടുത്തിയ കേസില് ദൃശ്യങ്ങളടങ്ങിയ രണ്ട് ഡീവീഡികളുടെ ആധികാരികതയിലും കൃത്യതയിലും വിചാരണ വേളയില് ആക്ഷേപമുന്നയിക്കില്ലെന്ന് പ്രതികളായ ശ്രീറാം വെങ്കിട്ടരാമനും വഫയും കോടതിയില് സത്യവാങ്മൂലം സമര്പ്പിച്ചു. ജുഡീഷ്യല് മജിസ്ട്രേട്ട് അനീസയുടെ നിര്ദേശപ്രകാരമാണ് പ്രതികള് സത്യവാങ്മൂലം സമര്പ്പിച്ചത്.
ഡി.വി.ആര് ദൃശ്യങ്ങള് കോടതിയില് പ്രദര്ശിപ്പിച്ച് പകര്പ്പെടുക്കാന് ഡിവൈസ് സഹിതം ഹൈടെക് സെല് എസ്.പിയും അന്വേഷണ ഉദ്യോഗസ്ഥനായ ക്രൈംബ്രാഞ്ച് എസ്.പി ഷാനവാസും ഹാജരാകാന് കോടതി ഉത്തരവിട്ടിരുന്നു. ഇത് പ്രകാരമാണ് അടച്ചിട്ട കോടതി ഹാളില് പ്രോസിക്യൂട്ടറുടെയും പ്രതിഭാഗത്തിെൻറയും സാന്നിധ്യത്തില് ലാപ്ടോപ്പില് ദൃശ്യങ്ങള് പ്രദര്ശിപ്പിച്ച് പകര്പ്പെടുത്തത്.
ഉച്ച തിരിഞ്ഞ് 2.30ന് ആരംഭിച്ച പ്രദര്ശനം 4.30വരെ നീണ്ടു. തിരുവനന്തപുരം മൂന്നാം ജുഡീഷ്യല് ഫസ്റ്റ് ക്ലാസ് മജിസ്ട്രേട്ട് കോടതിയിലാണ് രണ്ട് ഡീവീഡി ദൃശ്യങ്ങളുടെ പകര്പ്പെടുത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.