ബാർ നികുതിയിൽ കണ്ണടച്ചു; കോടികൾ നഷ്ടം

തി​രു​വ​ന​ന്ത​പു​രം: മ​ദ്യ​ന​യ​ത്തി​​ലെ ഇ​ള​വ്​ നീ​ക്ക​ങ്ങ​ൾ​ക്കൊ​പ്പം ബാ​റു​ക​ളി​ൽ​നി​ന്നു​ള്ള നി​കു​തി പി​രി​വി​ൽ സ​ർ​ക്കാ​ർ ‘സൗ​ക​ര്യ​പൂ​ർ​വം’ വ​രു​ത്തു​ന്ന​ത്​ ഗു​രു​ത​ര വീ​ഴ്​​ച. ​മ​ദ്യ​വി​ൽ​പ​ന​യു​ടെ അ​ടി​സ്ഥാ​ന​ത്തി​ൽ ബാ​റു​ക​ളി​ൽ​നി​ന്ന്​ ഈ​ടാ​ക്കു​ന്ന ടേ​ൺ ഓ​വ​ർ ടാ​ക്​​സി​ലാ​ണ്​ നി​കു​തി വ​കു​പ്പ്​ ക​ണ്ണ​ട​ക്കു​ന്ന​ത്​. വി​ൽ​പ​ന​യു​ടെ 10 ശ​ത​മാ​ന​മാ​ണ്​ നി​ല​വി​ൽ നി​കു​തി. ഇ​ത്​ ഉ​പ​ഭോ​ക്​​താ​വി​ൽ​നി​ന്ന്​ ഈ​ടാ​ക്കേ​ണ്ട​ത​ല്ല. ബാ​റു​ക​ൾ വാ​ങ്ങു​ന്ന മ​ദ്യ​ത്തി​ന്‍റെ ക​യ​റ്റി​റ​ക്ക്, ഗ​താ​ഗ​ത​ച്ചെ​ല​വ്, ലാ​ഭം എ​ന്നി​വ​യ​ട​ങ്ങു​ന്ന തു​ക​യാ​ണ് വി​റ്റു​വ​ര​വാ​യി ക​ണ​ക്കാ​ക്കു​ന്ന​ത്.

നി​കു​തി വ​കു​പ്പ്​ ഉ​ദ്യോ​ഗ​സ്ഥ​ർ ഓ​രോ ബാ​റും സ​ന്ദ​ർ​ശി​ക്കു​ക​യും രേ​ഖ​ക​ൾ പ​രി​ശോ​ധി​ച്ച്​ വി​ൽ​പ​ന ക​ണ​ക്കാ​ക്കു​ക​യും സ​മ​ർ​പ്പി​ച്ച റി​ട്ടേ​ണു​ക​ൾ ഒ​ത്തു​നോ​ക്കു​ക​യും ഇ​ത്​ അ​ടി​സ്ഥാ​ന​മാ​ക്കി ടേ​ൺ ഓ​വ​ർ നി​കു​തി നി​ശ്ച​യി​ക്കു​ക​യു​മാ​ണ് ചെ​യ്തി​രു​ന്ന​ത്. ഇ​തി​നു പു​റ​മേ, റി​ട്ടേ​ണി​ൽ ത​ട്ടി​പ്പ്​ ക​ണ്ടെ​ത്തി​യാ​ൽ പി​ഴ​യും ചു​മ​ത്തി​യി​രു​ന്നു. എ​ന്നാ​ൽ, ഒ​ന്നാം പി​ണ​റാ​യി സ​ർ​ക്കാ​ർ അ​ധി​കാ​ര​ത്തി​ൽ വ​ന്ന​തി​നു ശേ​ഷം 2017 ഓ​ടെ ബാ​റു​ക​ളി​ലെ ഇ​ത്ത​​രം പ​രി​ശോ​ധ​ന അ​വ​സാ​നി​ച്ചു. മ​ദ്യ​വി​ൽ​പ​ന​യും ലാ​ഭ​വും സം​ബ​ന്ധി​ച്ച്​ ബാ​ർ ഉ​ട​മ​ക​ൾ സ​മ​ർ​പ്പി​ക്കു​ന്ന റി​പ്പോ​ർ​ട്ട്​ മാ​ത്ര​മാ​യി​ നി​കു​തി വ​കു​പ്പി​ന്​​ ആ​ശ്ര​യം. ഇ​ത​നു​സ​രി​ച്ചാ​ണ്​​ ടേ​ൺ ഓ​വ​ർ നി​കു​തി ക​ണ​ക്കാ​ക്കു​ന്ന​ത്.

ബാ​ർ ലൈ​സ​ൻ​സ്​ പ​ഞ്ച ന​ക്ഷ​ത്ര ബാ​റു​ക​ൾ​ക്ക്​ മാ​ത്ര​മാ​യി നി​ജ​പ്പെ​ടു​ത്തി​യ 2016-17ൽ ​ബാ​റു​ക​ളു​ടെ എ​ണ്ണം 29 ആ​യി ചു​രു​ങ്ങി​യി​രു​ന്നു. ഇ​ക്കാ​ല​യ​ള​വി​ൽ പ്ര​തി​വ​ർ​ഷം 300 കോ​ടി​യാ​ണ്​ ടേ​ൺ ഓ​വ​ർ നി​കു​തി ഇ​ന​ത്തി​ൽ സം​സ്ഥാ​ന ഖ​ജ​നാ​വി​ലേ​ക്കെ​ത്തി​യി​രു​ന്ന​ത്. എ​ന്നാ​ൽ, നി​ല​വി​ൽ 801 ബാ​റു​ക​ൾ സം​സ്ഥാ​ന​ത്ത്​ പ്ര​വ​ർ​ത്തി​ക്കു​മ്പോ​ഴും 600 കോ​ടി​യി​ൽ താ​​ഴെ​യാ​ണ്​ നി​കു​തി വ​രു​മാ​ന​മെ​ന്നാ​ണ്​ വി​വ​രം. ഇ​ക്കാ​ല​യ​ള​വി​ൽ മ​ദ്യ​ത്തി​ന്‍റെ വി​ല​യും വ​ർ​ധി​ച്ചി​ട്ടു​ണ്ട്. സ്വാ​ഭാ​വി​ക​മാ​യും ലാ​ഭ​വും നി​കു​തി​യും ഉ​യ​ര​ണം. പ​തി​ന്മ​ട​ങ്ങ്​ വ​ർ​ധി​ക്കേ​ണ്ട നി​കു​തി എ​വി​ടെ​യാ​ണ്​ ചോ​രു​ന്ന​തെ​ന്ന​തി​ന്​ സ​ർ​ക്കാ​റി​നും മ​റു​പ​ടി​യി​ല്ല. കൃ​ത്യ​മാ​യ ക​ണ​ക്ക്​ പു​റ​ത്തു​വി​ടാ​ൻ സ​ർ​ക്കാ​ർ സ​ന്ന​ദ്ധ​വു​മ​ല്ല. നി​യ​മ​സ​ഭ​യി​ൽ 2023 മാ​ർ​ച്ച്​ ആ​റി​ന്​ റോ​ജി എം. ​ജോ​ൺ ഈ ​വി​ഷ​യ​ത്തി​ൽ ഉ​ന്ന​യി​ച്ച ചോ​ദ്യ​ത്തി​ന്​ ഒ​രു വ​ർ​ഷം പി​ന്നി​ട്ടി​ട്ടും ധ​ന​മ​ന്ത്രി മ​റു​പ​ടി ന​ൽ​കി​യി​ട്ടി​ല്ല. ബാ​റു​ട​മ​ക​ളു​മാ​യി സ​ർ​ക്കാ​ർ ഒ​ത്തു​ക​ളി​ക്കു​ക​യാ​ണെ​ന്ന ആ​ക്ഷേ​പം ശ​ക്ത​മാ​ണ്. സ​ർ​ക്കാ​ർ ക​ണ്ണ​ട​ച്ച​തോ​ടെ ഭൂ​രി​ഭാ​ഗം ബാ​ർ ഹോ​ട്ട​ലു​ക​ളും നി​കു​തി റി​ട്ടേ​ൺ സ​മ​യ​ബ​ന്ധി​ത​മാ​യി ഫ​യ​ൽ ചെ​യ്യാ​ത്ത സ്ഥി​തി​യു​മു​ണ്ട്.