എ.സി റോഡ്‌ നവീകരണം: രാത്രിയിൽ ഗതാഗത നിരോധനം

ആലപ്പുഴ: എ.സി റോഡ്​ നവീകരണത്തിന്‍റെ ഭാഗമായി ഒന്നാംകര ഫ്ലൈഓവർ സർവിസ്‌ റോഡ്‌ നിർമാണത്തിന്‍റെ ഭാഗമായി പാതയിൽ രാത്രിയിൽ ഗതാഗതം നിരോധിച്ചു. ബുധൻ, വ്യാഴം ദിവസങ്ങളിൽ രാത്രി ഒമ്പത്​ മുതൽ പുലർച്ച 5.30 വരെ ഒന്നാംകര പാലം വഴിയുള്ള ഗതാഗതമാണ്​ നിരോധിച്ചത്​. ഇതിലൂടെ പോകാനുള്ള എല്ലാ വാഹനങ്ങളും (എമർജൻസി വാഹനങ്ങളുൾപ്പെടെ) കിടങ്ങറ-വെളിയനാട്‌-മങ്കൊമ്പ്‌ ബ്ലോക്ക്‌ വഴിയും വേഴപ്ര-ചമ്പക്കുളം-മങ്കൊമ്പ്‌ വഴിയും ആലപ്പുഴക്കും ആലപ്പുഴയിൽനിന്നുള്ള വാഹനങ്ങൾ മങ്കൊമ്പ്‌-ചമ്പക്കുളം-വേഴപ്ര വഴിയും മങ്കൊമ്പ്‌ ബ്ലോക്ക്‌-വെളിയനാട്‌-കിടങ്ങറ വഴിയും തിരിഞ്ഞുപോകണം. മങ്കൊമ്പ്‌ ഫ്ലൈഓവറിന്റെ സർവിസ്‌ റോഡ്‌ നിർമാണം ആരംഭിക്കുന്ന 27 മുതൽ 29 വരെയും രാത്രി ഒമ്പത്​ മുതൽ പുലർച്ച 5.30 വരെ മങ്കൊമ്പ്‌ പാലം വഴിയുള്ള ഗതാഗതത്തിനും നിരോധനമുണ്ട്​. ഉദ്യോഗ് തൊഴിൽ മേള ഇന്ന് ആലപ്പുഴ: ജില്ല പഞ്ചായത്ത്‌ നടപ്പാക്കുന്ന വിവിധ സാമൂഹിക സേവന പദ്ധതികളുടെ ഭാഗമായി ജില്ലയിലെ ആദ്യ തൊഴിൽ മേള ബുധനാഴ്ച രാവിലെ 10ന്​ കലവൂർ പൊള്ളേത്തൈ ഗവ: ഹൈസ്കൂളിൽ നടക്കും. പി.പി. ചിത്തരഞ്​ജൻ എം.എൽ.എ ഉദ്ഘാടനം നിർവഹിക്കും. ജില്ല പഞ്ചായത്ത്‌ പ്രസിഡന്‍റ്​ കെ.ജി. രാജേശ്വരി അധ്യക്ഷത വഹിക്കും. 12 കമ്പനികൾ പങ്കെടുക്കും. ബാങ്കിങ്​, ഇൻഷുറൻസ്, നഴ്സിങ്​, എജുക്കേഷൻ, സെയിൽസ്, കസ്റ്റമർ റിലേഷൻസ്, ഓട്ടോമൊബൈൽ, സെക്യൂരിറ്റി സർവിസ് എന്നീ മേഖലകളിൽ ഒഴിവുകൾ. പരിപാടികൾ ഇന്ന്​ ആലപ്പുഴ കലക്ടറേറ്റ്​: സംസ്ഥാന സർക്കാറിന്‍റെ തൊഴിലാളി വിരുദ്ധനയങ്ങളിൽ പ്രതിഷേധിച്ച്​ ഐ.എൻ.ടി.യു.സി ധർണ ഉദ്​ഘാടനം കെ.പി.സി.സി ജന. സെക്രട്ടറി എ.എ. ഷുക്കൂർ-രാവി​ലെ 10.00 ആലപ്പുഴ കലക്ടറേറ്റ്​: കേരള കോ-ഓപറേറ്റിവ്​ സർവിസ്​ പെൻഷനേഴ്​സ്​ അസോസിയേഷൻ ജില്ലകമ്മിറ്റിയുടെ നേതൃത്വത്തിൽ മാർച്ചും ധർണയും-രാവിലെ 11.00 ആലപ്പുഴ ബീച്ച്​ കടൽപാലം: എസ്​.ബി.ഐ ബാങ്ക്​മേള-വൈകു. 3.00 കലവൂർ പൊള്ളേത്തൈ ഗവ. ഹൈസ്കൂൾ: ഉദ്യോഗ് തൊഴിൽ മേള ഉദ്​ഘാടനം പി.പി. ചിത്തരഞ്ജൻ എം.എൽ.എ-രാവിലെ 10.00 കുട്ടനാട്​ താലൂക്ക്​ ഓഫിസ്​ കോൺഫറൻസ്​ ഹാൾ: മൂലംജലോത്സവം, ആലോചനായോഗം-വൈകു. 3.00