ആലപ്പുഴ: എ.ഐ.എസ്.എഫ് 45ാം സംസ്ഥാന സമ്മേളനത്തിന് ആലപ്പുഴയിൽ തിങ്കളാഴ്ച തുടക്കം. രാവിലെ 7.30ന് വയലാറിൽനിന്നും വലിയ ചുടുകാട് രക്തസാക്ഷിമണ്ഡപത്തിൽനിന്നും ആരംഭിക്കുന്ന നാടൻ കലാരൂപങ്ങളുടെയും വാദ്യമേളങ്ങളുടെയും അകമ്പടിയോടെ പതാക, ദീപശിഖ ജാഥകൾ സമ്മേളനനഗറിൽ സംഗമിക്കും. രാവിലെ 10.30ന് ആലപ്പുഴ ടൗൺഹാളിൽ ചേരുന്ന പ്രതിനിധിസമ്മേളനം സി.പി.ഐ സംസ്ഥാന സെക്രട്ടറി കാനം രാജേന്ദ്രൻ ഉദ്ഘാടനം ചെയ്യും.
ദേശീയ ജനറൽ സെക്രട്ടറി വിക്കി മഹേശ്വരി, പ്രസിഡന്‍റ് ശുഭം ബാനർജി, സി.പി.ഐ സംസ്ഥാന അസി. സെക്രട്ടറി സത്യൻ മൊകേരി തുടങ്ങിയവർ പങ്കെടുക്കും. വൈകീട്ട് അഞ്ചിന് ചേരുന്ന സാംസ്കാരിക സദസ്സ് സി.പി.ഐ ദേശീയ കൺട്രോൾ കമീഷൻ ചെയർമാൻ പന്ന്യൻ രവീന്ദ്രൻ ഉദ്ഘാടനം ചെയ്യും. ചൊവ്വാഴ്ച രാവിലെ 10ന് വിദ്യാഭ്യാസ സെമിനാർ മന്ത്രി വി. ശിവൻകുട്ടി ഉദ്ഘാടനം ചെയ്യും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.