ഇരട്ടക്കുളങ്ങരയിൽ അപകടത്തിൽപെട്ട വാഹനങ്ങൾ
അമ്പലപ്പുഴ: റോഡ് മുറിച്ചുകടന്ന ബൈക്ക് യാത്രികനെ രക്ഷിക്കാൻ കാർ വെട്ടിച്ച് മാറ്റുന്നതിനിടെയുണ്ടായ അപകടത്തിൽ ഏഴുപേർക്ക് പരിക്ക്. കാൽനടക്കാരായ ആലപ്പുഴ മെഡിക്കൽ കോളജിലെ ഹൗസ് സർജൻ വിദ്യാർഥിനികളായ സുവർണ (24), സ്വാതി (24), വീണ (24), കാർ യാത്രികരായ മോഹനൻ (75), ഭാര്യ വനജ (55), മകൾ നിഷ (40), ഇരുചക്രവാഹന യാത്രക്കാരൻ ജോബിൻ ജോസഫ് (28) എന്നിവർക്കാണ് പരിക്കേറ്റത്.
ചൊവ്വാഴ്ച വൈകീട്ട് അഞ്ചോടെ അമ്പലപ്പുഴ ഇരട്ടക്കുളങ്ങരയിലായിരുന്നു അപകടം. തെക്ക് ഭാഗത്തേക്ക് പോകുകയായിരുന്ന കാറിന്‍റെ മുന്നിലൂടെ ബൈക്ക് യാത്രികൻ റോഡ് മുറിച്ചുകടക്കുന്നതിനിടെയാണ് അപകടമുണ്ടായത്. അമ്പലപ്പുഴ പൊലീസും നാട്ടുകാരും പരിക്കേറ്റവരെ ആലപ്പുഴ മെഡിക്കൽ കോളജ് ആശുപത്രിയിൽ എത്തിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.