യാത്രക്കാർക്ക് ‘ഇടിവെട്ടായി’ ദേശീയപാതയിലെ കുഴികൾ

അ​മ്പ​ല​പ്പു​ഴ: തു​ലാ​മ​ഴ​യി​ൽ യാ​ത്ര​ക്കാ​ർ​ക്ക് ‘ഇ​ടി​വെ​ട്ടാ​യി​’ മാ​റി​യി​രി​ക്കു​ക​യാ​ണ്​ ദേ​ശീ​യ​പാ​ത​യി​ലെ ആ​ഴ​മേ​റി​യ കു​ഴി​ക​ൾ. അ​മ്പ​ല​പ്പു​ഴ മേ​ഖ​ല​ക​ളി​ലെ പ്ര​ധാ​ന ജ​ങ്ഷ​നു​ക​ളി​ലെ കു​ഴി​ക​ളാ​ണ് രാ​ത്രി​കാ​ല​ങ്ങ​ളി​ലെ തു​ലാ​മ​ഴ​യി​ൽ യാ​ത്ര​ക്കാ​ർ​ക്ക് ദു​ര​തം വി​ത​ക്കു​ന്ന​ത്. ഇ​ട​ക്കി​ടെ​യു​ള്ള ആ​ഴ​മു​ള്ള കു​ഴി​ക​ൾ ശ്ര​ദ്ധ​യി​ൽ​പ്പെ​ടാ​തെ അ​പ​ക​ട​ത്തി​ൽ​പെ​ടു​ന്ന​ത് ഇ​രു​ച​ക്ര​വാ​ഹ​ന യാ​ത്ര​ക്കാ​രാ​ണ്. ക​ന​ത്ത​മ​ഴ​യി​ൽ റോ​ഡി​ൽ വെ​ള്ളം​കെ​ട്ടി കി​ട​ക്കു​ന്ന​തി​നാ​ൽ കു​ഴി​ക​ൾ തി​രി​ച്ച​റി​യാ​നാ​വാ​തെ​യാ​ണ് അ​പ​ക​ട​ങ്ങ​ൾ. ദേ​ശീ​യ​പാ​ത​യി​ലെ കു​ഴി​യി​ൽ​വീ​ണ പ​ല​രും നി​സാ​ര​പ​രി​ക്കു​ക​ളോ​ടെ​ ര​ക്ഷ​പ്പെ​ട്ട​ത് ഭാ​ഗ്യം​ കൊ​ണ്ടാ​ണ്​. കു​ഴി​ക​ൾ പെ​ട്ടെ​ന്ന്​ ശ്ര​ദ്ധ​യി​ൽ​പ്പെ​ട്ട് ബ്രേ​ക്കി​ടു​ന്ന​വ​ർ വീ​ണ് പ​രി​ക്കേ​റ്റ സം​ഭ​വ​ങ്ങ​ളും ഉ​ണ്ടാ​കാ​റു​ണ്ട്.

ദേ​ശീ​യ​പാ​ത​യി​ലെ കു​ഴി​ക​ൾ അ​ടി​യ​ന്ത​ര​മാ​യി അ​ട​ക്ക​ണ​മെ​ന്ന് എ​ച്ച്. സ​ലാം എം.​എ​ൽ.​എ​യു​ടെ നേ​തൃ​ത്വ​ത്തി​ൽ ക​ല​ക്ട​റു​ടെ സാ​ന്നി​ധ്യ​ത്തി​ൽ ദേ​ശീ​യ​പാ​ത എ​ൻ.​എ​ച്ച്.​എ.​ഐ ഉ​ദ്യോ​ഗ​സ്ഥ​രു​മാ​യി ച​ർ​ച്ച ചെ​യ്ത് നി​ർ​ദേ​ശം ന​ൽ​കി​യ​താ​ണ്. കൂ​ടാ​തെ മ​ഴ​യ​ത്ത് ദേ​ശീ​യ​പാ​ത​യി​ലെ വെ​ള്ള​ക്കെ​ട്ട് ഒ​ഴി​വാ​ക്കു​ന്ന​തി​നും വേ​ന​ലി​ൽ ഉ​യ​രു​ന്ന പൊ​ടി​പ​ട​ല​ങ്ങ​ൾ​ക്ക് ശാ​ശ്വ​ത​പ​രി​ഹാ​രം കാ​ണെ​ണ​മെ​ന്ന തീ​രു​മാ​ന​വും എ​ടു​ത്തി​രു​ന്നു. എ​ന്നാ​ൽ, എ​ൻ.​എ​ച്ച്.​എ.​ഐ വി​ഭാ​ഗം വേ​ണ്ട ന​ട​പ​ടി​ക​ൾ സ്വീ​ക​രി​ച്ചി​ട്ടി​ല്ല. ഇ​താ​ണ് യാ​ത്ര​ക്കാ​രെ ഏ​റെ ദു​രി​ത​ത്തി​ലാ​ക്കി​യ​ത്. പ്ര​തി​ഷേ​ധം ശ​ക്ത​മാ​യ​തോ​ടെ ചി​ല​യി​ട​ങ്ങ​ളി​ൽ ക​ഴി​ഞ്ഞ ദി​വ​സം കു​ഴി​യ​ട​ക്ക​ൽ ന​ട​പ​ടി ഉ​ണ്ടാ​യെ​ങ്കി​ലും തൊ​ട്ട​ടു​ത്ത ദി​വ​സ​ങ്ങ​ളി​ൽ പൊ​ട്ടി​പ്പൊ​ളി​യാ​ൻ തു​ട​ങ്ങി.

നി​ല​വി​ൽ അ​പ​ക​ട​മൊ​ഴി​വാ​ക്കാ​ൻ പ​ല​യി​ട​ങ്ങ​ളി​ലും റോ​ഡി​ന് ന​ടു​വ​ല്യ സു​ര​ക്ഷ ഉ​പ​ക​ര​ണം സ്ഥാ​പി​ച്ചി​രി​ക്കു​കാ​യാ​ണ്. തി​ര​ക്കേ​റി​യ അ​മ്പ​ല​പ്പു​ഴ ക​ച്ചേ​രി​മു​ക്ക്, മെ​ഡി​ക്ക​ൽ​കോ​ള​ജ്, വ​ണ്ടാ​നം പോ​സ്റ്റ്​ ഓ​ഫി​സ്, മെ​ഡി​ക്ക​ൽ​കോ​ള​ജ് ആ​ശു​പ​ത്രി ജ​ങ്​​ഷ​ൻ എ​ന്നി​വി​ട​ങ്ങ​ളി​ലാ​ണ് ദേ​ശീ​യ​പാ​ത​യി​ൽ കു​ഴി രൂ​പ​പ്പെ​ട്ടി​ട്ടു​ള്ള​ത്. വ്യാ​പ​ക പ​രാ​തി​യെ​ത്തു​ട​ർ​ന്ന് ഏ​താ​നും ആ​ഴ്ച​ക​ൾ​ക്ക് മു​മ്പാ​ണ് അ​റ്റ​കു​റ്റ​പ്പ​ണി​യെ​ന്ന പേ​രി​ൽ കു​ഴി​ക​ളി​ൽ മെ​റ്റ​ൽ നി​ര​ത്തി​യ​ത്. ഇ​താ​ണ് ക​ഴി​ഞ്ഞ മ​ഴ​യി​ൽ ഒ​ലി​ച്ച് പോ​യി കു​ഴി​ക​ൾ വ​ലി​യ ഗ​ർ​ത്ത​ങ്ങ​ളാ​യി മാ​റി​യ​ത്.

മു​മ്പെ​ങ്ങു​മി​ല്ലാ​ത്ത ത​ര​ത്തി​ൽ ത​ക​ർ​ന്ന​തോ​ടെ ദേ​ശീ​യ പാ​ത​യി​ലൂ​ടെ യാ​ത്ര ചെ​യ്യു​ന്ന​വ​രു​ടെ ന​ടു​വൊ​ടി​യു​ക​യാ​ണ്. ഓ​രോ ദി​വ​സ​വും റോ​ഡി​ലെ കു​ഴി​ക​ളു​ടെ എ​ണ്ണം പെ​രു​കി​വ​രി​ക​യാ​ണ്. ക​ന​ത്ത മ​ഴ​യി​ൽ ദേ​ശീ​യ​പാ​ത​യി​ൽ എ​ല്ലാ​യി​ട​ത്തും റോ​ഡ് ത​ക​ർ​ന്നു​കി​ട​ക്കു​ക​യാ​ണ്. തു​ട​ർ​ച്ച​യാ​യ മ​ഴ​യി​ൽ ദേ​ശീ​യ പാ​ത​യി​ലെ​ല്ലാം വ​ലി​യ കു​ഴി​ക​ൾ രൂ​പ​പ്പെ​ട്ട​തോ​ടെ മ​ണി​ക്കൂ​റു​ക​ൾ നീ​ണ്ട രൂ​ക്ഷ​മാ​യ ഗ​താ​ഗ​ത​ക്കു​രു​ക്കാ​ണ് ഉ​ണ്ടാ​കു​ന്ന​ത്. നി​ർ​മാ​ണം ന​ട​ക്കു​ന്ന​തി​നാ​ൽ പ​ല​യി​ട​ത്തും റോ​ഡ് പൊ​ളി​ച്ചി​ട്ടി​രി​ക്കു​ക​യാ​ണ്.

ഇ​തും ഗ​താ​ഗ​ത​ക്കു​രു​ക്കി​ന് കാ​ര​ണ​മാ​യി​ട്ടു​ണ്ട്. മു​ൻ​കാ​ല​ങ്ങ​ളി​ൽ കാ​ല​വ​ർ​ഷാ​രം​ഭ​ത്തി​ന് മു​മ്പ്​ സം​സ്ഥാ​ന​സ​ർ​ക്കാ​ർ അ​റ്റ​കു​റ്റ​പ്പ​ണി​ക​ൾ ന​ട​ത്തി​യി​രു​ന്നു. എ​ന്നാ​ൽ ദേ​ശീ​യ​പാ​ത വി​ക​സ​ന​ത്തി​ന്‍റെ ഭാ​ഗ​മാ​യി എ​ൻ.​എ​ച്ച്. എ.​ഐ പൂ​ർ​ണ​ചു​മ​ത​ല ഏ​റ്റെ​ടു​ത്ത​തോ​ടെ സം​സ്ഥാ​ന സ​ർ​ക്കാ​റി​ന് ഇ​ത്ത​രം പ്ര​വൃ​ത്തി​ക​ൾ ന​ട​ത്താ​നു​ള്ള അ​നു​മ​തി ഇ​ല്ലാ​താ​യ​തും റോ​ഡി​ന്‍റെ ശോ​ച്യാ​സ്ഥ​ക്ക് കാ​ര​ണ​മാ​ണ്.