അപകട മുനമ്പിൽ നല്ലാണിക്കലും പെരുമ്പള്ളിയും തീരദേശ റോഡ് ഏത് നിമിഷവും കടലെടുക്കാം

ആ​റാ​ട്ടു​പു​ഴ: ചെ​റു​താ​യൊ​ന്ന് ക​ട​ലി​ള​കി​യാ​ൽ മ​തി ന​ല്ലാ​ണി​ക്ക​ൽ പെ​രു​മ്പ​ള്ളി ഭാ​ഗ​ത്തെ തീ​ര​ദേ​ശ റോ​ഡ് ഇ​ല്ലാ​താ​കാ​ൻ. അ​ത്ര​യേ​റെ അ​പ​ക​ടാ​വ​സ്ഥ​യി​ലാ​ണ് ഈ ​പ്ര​ദേ​ശ​ങ്ങ​ൾ.

ക​ഴി​ഞ്ഞ ക​ട​ലാ​ക്ര​മ​ണ​ങ്ങ​ളി​ൽ ദു​രി​ത​ങ്ങ​ൾ ഏ​റ്റു​വാ​ങ്ങു​ക​യും ഭാ​ഗ്യം കൊ​ണ്ട് മാ​ത്രം പൂ​ർ​ണ നാ​ശ​ത്തി​ലെ​ത്താ​തെ ര​ക്ഷ​പ്പെ​ടു​ക​യും ചെ​യ്ത സ്ഥ​ല​മാ​യി​ട്ടു കൂ​ടി അ​ധി​കൃ​ത​ർ പ്ര​ശ്നം ഗൗ​ര​വ​ത്തി​ലെ​ടു​ത്തി​ട്ടി​ല്ല. കാ​ല​വ​ർ​ഷം എ​ത്താ​ൻ ആ​ഴ്ച​ക​ൾ മാ​ത്രം ബാ​ക്കി​നി​ൽ​ക്കു​മ്പോ​ൾ അ​ധി​കാ​രി​ക​ൾ തു​ട​രു​ന്ന മൗ​നം പ്ര​ദേ​ശ​വാ​സി​ക​ളെ ഭീ​തി​യി​ലാ​ഴ്​​ത്തു​ന്നു.

ന​ല്ലാ​ണി​ക്ക​ൽ എ​ൽ.​പി.​എ​സ് ജ​ങ്ഷ​ന് വ​ട​ക്ക് ഭാ​ഗ​ത്ത് ക​ട​ൽ തീ​ര​ദേ​ശ റോ​ഡി​ന് അ​ടു​ത്ത് എ​ത്തി​ക്ക​ഴി​ഞ്ഞു. ക​ഴി​ഞ്ഞ ക​ട​ലാ​ക്ര​മ​ണ​ത്തി​ൽ ഈ ​ഭാ​ഗ​ത്ത് തീ​ര​ദേ​ശ റോ​ഡ് മു​റി​ഞ്ഞ് പോ​കു​മെ​ന്ന അ​വ​സ്ഥ​യി​ൽ എ​ത്തി​യി​രു​ന്നു. റോ​ഡി​ന് കി​ഴ​ക്ക് ഭാ​ഗ​ത്ത് താ​മ​സി​ക്കു​ന്ന വീ​ട്ടു​കാ​ർ സ്വ​ന്തം പ​ണം ഉ​പ​യോ​ഗി​ച്ച് എ​ക്​​സ്ക​വേ​റ്റ​ർ വാ​ട​ക​ക്കെ​ടു​ത്ത് മ​ണ​ൽ​ഭി​ത്തി കെ​ട്ടി​യ​താ​ണ് റോ​ഡി​നും ഇ​വ​രു​ടെ വീ​ടി​നും ര​ക്ഷ​യാ​യ​ത്. ക​ട​ൽ അ​ട​ങ്ങി​യ​തി​ന് ശേ​ഷ​മാ​ണ് സ​ർ​ക്കാ​ർ താ​ൽ​ക്കാ​ലി​ക ആ​ശ്വാ​സ​ത്തി​ന് ഇ​വി​ടെ ജി​യോ ബാ​ഗ് അ​ടു​ക്കു​ക​യും ചെ​യ്തി​രു​ന്നു.

തീ​ര​ത്ത് അ​ടു​ക്കി​യ ജി​യോ ബാ​ഗു​ക​ൾ ഭൂ​രി​ഭാ​ഗ​വും ഇ​ന്ന് മ​ണ്ണി​ന​ടി​യി​ലാ​ണ്. അ​ടു​ത്തി​ടെ​യു​ണ്ടാ​യ വേ​ലി​യേ​റ്റ​ങ്ങ​ളി​ൽ ജി​യോ​ബാ​ഗും ക​ട​ന്ന് തി​ര​മാ​ല​ക​ൾ അ​ടി​ച്ചു​ക​യ​റു​ക​യും തീ​രം ന​ഷ്​​ട​മാ​കു​ക​യും ചെ​യ്തി​ട്ടു​ണ്ട്. തെ​ര​ഞ്ഞെ​ടു​പ്പ് കാ​ല​ത്ത് നാ​ട്ടു​കാ​ർ വോ​ട്ട് ബ​ഹി​ഷ്ക​രി​ക്കു​ക​യും നേ​താ​ക്ക​ളെ ത​ട​യു​ക​യും ചെ​യ്തി​രു​ന്നു.

സ​മാ​ന​മാ​യ അ​വ​സ്ഥ​യാ​ണ് പെ​രു​മ്പ​ള്ളി​യി​ലേ​തും. ആ​ഗ​സ്​​റ്റി​ലു​ണ്ടാ​യ ക​ട​ലാ​ക്ര​മ​ണ​ത്തി​ൽ ഇ​വി​ടെ റോ​ഡ് ഭൂ​രി​ഭാ​ഗ​വും ത​ക​ർ​ന്നി​രു​ന്നു. ഗ​താ​ഗ​തം താ​റു​മാ​റാ​യ​തി​നെ തു​ട​ർ​ന്ന് ഇ​വി​ടെ എ​ത്തി​യ അ​ധി​കാ​രി​ക​ൾ മൂ​ന്നാ​ഴ്ച​ക്കു​ള്ളി​ൽ തീ​രം സം​ര​ക്ഷി​ച്ച് റോ​ഡ് ഗ​താ​ഗ​ത​യോ​ഗ്യ​മാ​ക്കാ​മെ​ന്ന ഉ​റ​പ്പ് ന​ൽ​കി മ​ട​ങ്ങു​ക​യാ​യി​രു​ന്നു. എ​ന്നാ​ൽ, ത​ക​ർ​ന്ന് റോ​ഡ് താ​ൽ​ക്കാ​ലി​ക​മാ​യി ചേ​ർ​ത്തു​വെ​ച്ച് നാ​ട്ടു​കാ​രു​ടെ ക​ണ്ണി​ൽ പൊ​ടി​യി​ടാ​നാ​ണ് അ​ധി​കാ​രി​ക​ൾ ശ്ര​മി​ച്ച​ത്. മാ​സ​ങ്ങ​ൾ പി​ന്നി​ട്ടി​ട്ടും ആ​രും തി​രി​ഞ്ഞ് നോ​ക്കി​യി​ട്ടി​ല്ല. ഇ​വി​ടെ റോ​ഡും ക​ട​ലും ത​മ്മി​ൽ ചു​വ​ടു​ക​ളു​ടെ അ​ക​ലം മാ​ത്ര​മാ​ണു​ള്ള​ത്. കൂ​ടാ​തെ കാ​യ​ലും ക​ട​ലും ത​മ്മി​ലു​ള്ള ദൂ​രം 50 മീ​റ്റ​റി​ൽ താ​ഴെ​മാ​ത്ര​മാ​ണ്. രൂ​ക്ഷ​മാ​യ ക​ട​ലാ​ക്ര​മ​ണ​ത്തി​ൽ കാ​യ​ലും ക​ട​ലും ഒ​ന്നി​ച്ച് ചേ​ർ​ന്ന് മ​റ്റൊ​രു പൊ​ഴി​കൂ​ടി രൂ​പ​പ്പെ​ടാ​നു​ള്ള സാ​ധ്യ​ത​യും ഏ​റെ​യാ​ണ്.

ആ​റാ​ട്ടു​പു​ഴ ബ​സ്​​സ്​​റ്റാ​ൻ​ഡ്​ മു​ത​ൽ ക​ള്ളി​ക്കാ​ട് എ.​കെ.​ജി. ന​ഗ​ർ വ​രെ​യു​ള്ള ഭാ​ഗ​ത്തെ കി​ഫ്ബി പു​ലി​മു​ട്ട് നി​ർ​മാ​ണം ആ​രം​ഭി​ക്കാ​ത്ത​ത് നാ​ട്ടു​കാ​രി​ൽ പ്ര​തി​ഷേ​ധം ശ​ക്ത​മാ​ണ്. പ്ര​ധാ​ന അ​പ​ക​ട മേ​ഖ​ല കൂ​ടി​യാ​യ ഇ​വി​ടെ ക​ട​ലാ​ക്ര​മ​ണ സ​മ​യ​ങ്ങ​ളി​ൽ റോ​ഡി​ലാ​ണ് തി​ര​മാ​ല​ക​ൾ പ​തി​ക്കു​ന്ന​ത്. ജൂ​ണി​ൽ കി​ഫ്ബി പു​ലി​മു​ട്ട് യാ​ഥാ​ർ​ഥ്യ​മാ​കു​മെ​ന്ന് ഉ​റ​പ്പ് ന​ൽ​കി​യി​രു​ന്നെ​ങ്കി​ലും ക​ല്ല് തൂ​ക്കു​ന്ന​തി​നു​ള്ള വേ ​ബ്രി​ഡ്ജി​െൻറ പ​ണി മാ​ത്ര​മാ​ണ് പൂ​ർ​ത്തീ​ക​രി​ച്ചി​ട്ടു​ള്ള​ത്. വ​ട്ട​ച്ചാ​ൽ, ആ​റാ​ട്ടു​പു​ഴ എം.​എ.​എ​സ്.​ജ​ങ്ഷ​ൻ, വ​ലി​യ​ഴീ​ക്ക​ൽ എ​ന്നി​വി​ട​ങ്ങ​ളി​ലും അ​പ​ക​ടാ​വ​സ്ഥ നി​ല​നി​ൽ​ക്കു​ന്നു.