തെരുവുനായ്ക്കൾ മുന്നൂറോളം താറാവുകളെ കടിച്ചുകൊന്നു

അരൂർ: ഗ്രാമപഞ്ചായത്ത് പത്താം വാർഡിൽ പാലേക്കാട്ട് കളം ബിനുവി​െൻറ താറാവുകൃഷിക്കളത്തിൽ തെരുവ്നായ്ക്കൾ മുന്നൂറോളം താറാവുകളെ  കടിച്ചു കൊന്നു.

വിനുവി​െൻറ വീടിന് അകലെയാണ് താറാവുകളെ വളർത്തുന്നത്. അതുകൊണ്ട് താറാവിനെ ആക്രമിച്ചപ്പോൾ ശബ്​ദം കേൾക്കാൻ കഴിഞ്ഞില്ല. പുലർച്ചെ താറാവുകളെ നോക്കാൻ ചെന്നപ്പോഴാണ് നായ്ക്കൾ അക്രമം നടത്തിയത് അറിയുന്നത്.

ബാങ്കിൽ നിന്ന് വായ്​പ എടുത്താണ് താറാവ് കൃഷി നടത്തിയിരുന്നതെന്ന്​ ബിനു പറഞ്ഞു. സമീപത്തുള്ള  മറ്റു താറാവ്  വളർത്തു കേന്ദ്രങ്ങളിലും തെരുവുനായ്ക്കളുടെ അക്രമം ഉണ്ടായെങ്കിലും കൂട്ടത്തോടെ നായ്ക്കൾ താറാവ് കൂടുകൾ പൊളിച്ച് അകത്തു കടന്നപ്പോൾ വെള്ളത്തിലിറങ്ങി താറാവുകൾ രക്ഷപ്പെടുകയായിരുന്നു.