ചേർത്തല കളവംകോടം വയലാർ വിമൻസ് വെൽഫെയർ ഇൻഡസ്ട്രിയൽ സൊസൈറ്റിയിൽ ദേശീയ പതാക തയാറാക്കുന്ന കുടുംബശ്രീ പ്രവർത്തകർ
ആലപ്പുഴ: സ്വാതന്ത്ര്യത്തിന്‍റെ അമൃത മഹോത്സവത്തോടനുബന്ധിച്ച് എല്ല വീടുകളിലും സ്ഥാപനങ്ങളിലും പൊതു സ്ഥലങ്ങളിലും ദേശീയ പതാക ഉയര്‍ത്തുന്ന ഹര്‍ ഘര്‍ തിരംഗ കാമ്പയിനിനായി ജില്ലയില്‍ കുടുംബശ്രീ ഒരുക്കുന്നത്‌ രണ്ടു ലക്ഷം ദേശീയ പതാകകള്‍.
വീടുകളിലും വിദ്യാഭ്യാസ സ്ഥാപനങ്ങളിലും സര്‍ക്കാര്‍, അര്‍ധസര്‍ക്കാര്‍, സ്വകാര്യ സ്ഥാപനങ്ങളിലും ഈ മാസം 13 മുതല്‍ 15 വരെ ദേശീയ പതാക ഉയര്‍ത്തണമെന്നാണ് സര്‍ക്കാര്‍ നിര്‍ദേശം. കുടുംബശ്രീയുടെ കീഴിലെ നല്‍പ്പതോളം തയ്യല്‍ യൂനിറ്റുകളില്‍ പതാകകള്‍ തയാറാക്കുന്നുണ്ട്.
മുന്‍കൂട്ടി പ്രിന്‍റ് ചെയ്ത് വന്ന തുണി മുറിച്ച് 30 ഇഞ്ച് നീളവും 20 ഇഞ്ച് വീതിയുമുള്ള പതാകയാക്കുകയാണ്.ഇവ 12 ന് മുമ്പ് തദ്ദേശ സ്ഥാപനങ്ങള്‍ക്ക് കൈമാറുമെന്ന് കുടുംബശ്രീ ജില്ല മിഷന്‍ കോഓഡിനേറ്റര്‍ ജെ. പ്രശാന്ത് ബാബു അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.