ഓറഞ്ച്​ അലർട്ട്​; ക്യാമ്പുകൾ തുറക്കാൻ നിർദേശം

ആ​ല​പ്പു​ഴ: ജി​ല്ല​യി​ൽ വ്യാ​ഴാ​ഴ്​​ച വ​രെ ഓ​റ​ഞ്ച്​ അ​ല​ർ​ട്ട്​ പ്ര​ഖ്യാ​പി​ച്ച സാ​ഹ​ച​ര്യ​ത്തി​ൽ ആ​വ​ശ്യ​മെ​ങ്കി​ൽ ക്യാ​മ്പു​ക​ൾ തു​റ​ക്കാ​ൻ ക​ല​ക്ട​ർ അ​ല​ക്സ്​ വ​ർ​ഗീ​സ്​ നി​ർ​ദേ​ശം ന​ൽ​കി. ക​ല​ക്ട​റേ​റ്റി​ൽ ചേ​ർ​ന്ന ദു​ര​ന്ത​നി​വാ​ര​ണ അ​തോ​റി​റ്റി​യു​ടെ​യും ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രു​ടെ​യും യോ​ഗ​ത്തി​ലാ​ണ്​ തീ​രു​മാ​നം. കു​ടി​വെ​ള്ളം, ടോ​യ്​​​ലെ​റ്റ്​ സൗ​ക​ര്യ​ങ്ങ​ൾ, ഭ​ക്ഷ്യ​സാ​ധ​ന​ങ്ങ​ൾ, ഗ്യാ​സ്, പാ​ത്ര​ങ്ങ​ൾ എ​ന്നി​വ ഉ​റ​പ്പു​വ​രു​ത്താ​ൻ ത​ഹ​സി​ൽ​ദാ​ർ​മാ​ർ​ക്ക് നി​ർ​ദേ​ശം ന​ൽ​കി.

അ​പ​ക​ട​ക​ര​ങ്ങ​ളാ​യ വൃ​ക്ഷ​ങ്ങ​ളും ശാ​ഖ​ക​ളും വെ​ട്ടി​മാ​റ്റാ​ൻ നി​ർ​ദേ​​ശി​ച്ചു. ദേ​ശീ​യ​പാ​ത നി​ർ​മാ​ണ​വു​മാ​യി ബ​ന്ധ​പ്പെ​ട്ട്​ രൂ​പ​പ്പെ​ട്ട വെ​ള്ള​ക്കെ​ട്ടു​ക​ൾ അ​ടി​യ​ന്തി​ര​മാ​യി നീ​ക്കാ​ൻ ദേ​ശീ​യ​പാ​ത അ​തോ​റി​റ്റി​ക്ക്​ നി​ർ​ദേ​ശം ന​ൽ​കി. ഇ​ത്​ ത​ഹ​സി​ൽ​ദാ​ർ​മാ​ർ പ​രി​ശോ​ധി​ച്ച് ഉ​റ​പ്പു​വ​രു​ത്ത​ണം. അ​ന്ധ​കാ​ര​ന​ഴി പൊ​ഴി മു​റി​ക്കു​ന്ന​തി​ന്​ അ​ടി​യ​ന്തി​ര​ഘ​ട്ടം ഉ​ണ്ടാ​യാ​ൽ ജോ​ലി തു​ട​ങ്ങു​ന്ന​തി​ന് ത​യാ​റാ​യി​രി​ക്കാ​ൻ ഉ​ദ്യോ​ഗ​സ്ഥ​രോ​ട്​ ആ​വ​ശ്യ​പ്പെ​ട്ടു.

തോ​ട്ട​പ്പ​ള്ളി ഷ​ട്ട​റു​ക​ൾ കൃ​ത്യ​മാ​യി റെ​ഗു​ലേ​റ്റ് ചെ​യ്യാ​നും പൊ​ഴി​മു​ഖം കൃ​ത്യ​മാ​യി തു​റ​ക്കാ​നും ന​ട​പ​ടി സ്വീ​ക​രി​ക്കാ​ൻ മേ​ജ​ർ ഇ​റി​ഗേ​ഷ​ൻ എ​ക്‌​സി​ക്യൂ​ട്ടീ​വ് എ​ൻ​ജി​നീ​യ​ർ​ക്ക് നി​ർ​ദേ​ശം ന​ൽ​കി. പാ​ണ്ടി, പെ​രു​മാ​ങ്ക​ര, ഇ​രു​പ​ത്തി​യെ​ട്ടി​ൽ​ക്ക​ട​വ് പാ​ല​ങ്ങ​ളു​ടെ താ​ഴെ അ​ടി​ഞ്ഞു​കൂ​ടു​ന്ന മാ​ലി​ന്യ​ങ്ങ​ൾ എ​ല്ലാ ആ​ഴ്ച​യും വൃ​ത്തി​യാ​ക്കാ​ൻ ന​ട​പ​ടി സ്വീ​ക​രി​ക്ക​ണം. ചേ​ർ​ത്ത​ല, അ​മ്പ​ല​പ്പു​ഴ, കാ​ർ​ത്തി​ക​പ്പ​ള്ളി താ​ലൂ​ക്ക് പ​രി​ധി​യി​ൽ ക​ട​ലി​ലേ​ക്ക്​ തു​റ​ക്ക​പ്പെ​ടു​ന്ന ചെ​റി​യ പൊ​ഴി​ക​ൾ അ​ടി​യ​ന്തി​ര​മാ​യി തു​റ​ക്കും. കി​ട​പ്പ് രോ​ഗി​ക​ൾ, മ​റ്റ് തീ​വ്ര പ​രി​ച​ര​ണം ആ​വ​ശ്യ​മു​ള്ള രോ​ഗി​ക​ൾ എ​ന്നി​വ​ർ​ക്ക് ആ​വ​ശ്യ​മാ​യ വൈ​ദ്യ സ​ഹാ​യം ന​ൽ​കു​ന്ന​തി​ന് ജി​ല്ല​യി​ലെ എ​ല്ലാ​സ​ർ​ക്കാ​ർ ആ​ശു​പ​ത്രി​ക​ളി​ലും കു​റ​ഞ്ഞ​ത് അ​ഞ്ച്​ കി​ട​ക്ക വീ​തം സ​ജ്ജ​മാ​ക്കും.

ജ​ല​ഗ​താ​ഗ​ത​വ​കു​പ്പി​ന്‍റെ വാ​ട്ട​ർ ആം​ബു​ല​ൻ​സി​ലേ​ക്ക്​ ആ​വ​ശ്യ​മാ​യ മെ​ഡി​ക്ക​ൽ ടീ​മി​നെ​യും നി​യോ​ഗി​ക്കും. ബ​സു​ക​ൾ, ബോ​ട്ടു​ക​ൾ എ​ന്നി​വ ഇ​ന്ധ​നം നി​റ​ച്ച് ജീ​വ​ന​ക്കാ​രെ സ​ഹി​തം സ​ജ്ജ​മാ​ക്കും. ടി​പ്പ​ർ, ടോ​റ​സ്, കു​ടി​വെ​ള്ള വി​ത​ര​ണ​ത്തി​ന് ആ​വ​ശ്യ​മാ​യ ടാ​ങ്ക​ർ​ലോ​റി​ക​ൾ, ജെ.​സി.​ബി, ഹി​റ്റാ​ച്ചി തു​ട​ങ്ങി​യ​വ ലി​സ്റ്റ്​ (താ​ലൂ​ക്ക് തി​രി​ച്ച്) ഓ​ൺ കോ​ളി​ൽ ല​ഭി​ക്ക​ത്ത​ക്ക​വി​ധം സ​ജ്ജ​മാ​ക്കും. മാ​ലി​ന്യ​ങ്ങ​ൾ നീ​ക്കാ​ൻ ശു​ചി​ത്വ മി​ഷ​ൻ ന​ട​പ​ടി​യെ​ടു​ക്കും.

ആ​ല​പ്പു​ഴ ന​ഗ​ര​സ​ഭ ക​ൺ​ട്രോ​ൾ റൂം ​തു​റ​ന്നു

ആ​ല​പ്പു​ഴ: ക​ന​ത്ത​മ​ഴ​യി​ൽ അ​ടി​യ​ന്തി​ര സാ​ഹ​ച​ര്യം നേ​രി​ടാ​ൻ ആ​ല​പ്പു​ഴ ന​ഗ​ര​സ​ഭ ദ്രു​ത​ക​ർ​മ​സേ​ന​യു​ടെ​യും പ്ര​ത്യേ​ക ക​ണ്‍ട്രോ​ള്‍ റൂ​മി​ന്‍റെ​യും പ്ര​വ​ര്‍ത്ത​നം ആ​രം​ഭി​ച്ചു. തീ​ര​ദേ​ശ വാ​ര്‍ഡു​ക​ളി​ലെ വെ​ള്ള​ക്കെ​ട്ട് ഒ​ഴി​വാ​ക്കാ​ന്‍ പൊ​ഴി കൃ​ത്യ​സ​മ​യ​ത്ത്​ മു​റി​ക്കാ​നു​ള്ള സം​വി​ധാ​ന​ങ്ങ​ൾ സ​ജ്ജ​മാ​ക്കി. പൊ​ലീ​സ്, ഫ​യ​ര്‍ഫോ​ഴ്സ് സേ​വ​ന​ങ്ങ​ളും കോ​ള്‍സെ​ന്‍റ​റു​മാ​യി ഏ​കോ​പി​പ്പി​ച്ചി​ട്ടു​ണ്ട്. ​ഫോ​ൺ: 9188955147, 9747473253.