ആലപ്പുഴ: വിൽപനക്കായി കൊണ്ടുവന്ന മെത്താഫിറ്റമിനും കഞ്ചാവുമായി മൂന്ന് യുവാക്കൾ പിടിയിൽ. മണ്ണഞ്ചേരി പഞ്ചായത്ത് വാർഡ് 19ൽ വടക്കേക്കര വീട്ടിൽ ദിൽഷാദ് (25), ആലപ്പുഴ വെസ്റ്റ് വില്ലേജ് ആലിശ്ശേരി വാർഡിൽ സാബിത്ത് മൻസിലിൽ സജിത്ത് (23), ആലപ്പുഴ മുനിസിപ്പാലിറ്റി ജില്ലകോടതി വാർഡിൽ വെളിയിൽ വീട്ടിൽ വിഷ്ണു (30) എന്നിവരെയാണ് എക്സൈസ് പിടികൂടിയത്.
ക്രിസ്മസ്-പുതുവത്സര സ്പെഷൽ ഡ്രൈവിന്‍റെ ഭാഗമായി ആലപ്പുഴ എക്സൈസ് റേഞ്ച് ഇൻസ്പെക്ടർ എസ്. സതീഷിന്‍റെ നേതൃത്വത്തിൽ നടത്തിയ രാത്രികാല പരിശോധനയിലാണ് ഇവർ കുടുങ്ങിയത്. വിൽപനക്കായി എത്തിച്ച 7.5 ഗ്രാം മെത്താഫിറ്റമിനും 12ഗ്രാം കഞ്ചാവും പിടിച്ചെടുത്തു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു. എക്സൈസ് പ്രിവന്‍റിവ് ഓഫിസർമാരായ ഇ.കെ. അനിൽ, അക്ബർ, ഡി. മായാജി, വനിത സിവിൽ എക്സൈസ് ഓഫിസർ വിജി, സിവിൽ എക്സൈസ് ഓഫിസർമാരായ പ്രതീഷ് പി. നായർ, എച്ച്. മുസ്തഫ, ടി. അനിൽകുമാർ, കെ.എസ്. ഷഫീക്ക് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.