അദാലത്തിലെ മന്ത്രിമാരുടെ നിർദേശത്തിന്​ പുല്ലുവില കൽപിച്ച് ഉദ്യോഗസ്ഥർ

ഫോ​ർ​ട്ട്​​കൊ​ച്ചി: ക​രു​ത​ലും കൈ​ത്താ​ങ്ങും അ​ദാ​ല​ത്തി​ലെ മ​ന്ത്രി​മാ​രു​ടെ നി​ർ​ദേ​ശം ന​ട​പ്പാ​ക്കാ​തെ ഉ​ദ്യോ​ഗ​സ്ഥ​ർ. ഫോ​ർ​ട്ട്കൊ​ച്ചി​യി​ലെ കൊ​ച്ചി​ൻ ക്ല​ബി​ന്​ ലീ​സി​ന് ന​ൽ​കി​യ ഭൂ​മി​യി​ൽ കീ​ഴ് വാ​ട​ക​ക്ക് എ​ടു​ത്ത് പ്ര​വ​ർ​ത്തി​ക്കു​ന്ന ഹോ​ട്ട​ൽ ഫോ​ർ​ട്ട് പാ​ര​ഗ​ന്റെ പ്ര​വ​ർ​ത്ത​നം നി​ർ​ത്തി​വെ​ക്കാ​ൻ ഫോ​ർ​ട്ട്കൊ​ച്ചി വി​ല്ലേ​ജ് ഓ​ഫി​സ​ർ ന​ൽ​കി​യ ഉ​ത്ത​ര​വി​ൽ തു​ട​ർ​ന​ട​പ​ടി​ക​ൾ സ്വീ​ക​രി​ക്കാ​നാ​ണ് മ​ന്ത്രി​മാ​രാ​യ പി. ​രാ​ജീ​വും പി. ​പ്ര​സാ​ദും പ​ങ്കെ​ടു​ത്ത ക​രു​ത​ലും കൈ​ത്താ​ങ്ങും അ​ദാ​ല​ത്തി​ൽ ഉ​ത്ത​ര​വി​ട്ട​ത്. ടി.​എം. അ​ബു സാം​സ്കാ​രി​ക സ​മി​തി പ്ര​സി​ഡ​ന്റ് കെ.​ബി. ഹ​നീ​ഫ് ന​ൽ​കി​യ പ​രാ​തി​യി​ലാ​ണ് അ​ദാ​ല​ത്തി​ൽ ന​ട​പ​ടി നി​ർ​ദേ​ശി​ച്ച​ത്. എ​ന്നാ​ൽ, അ​ദാ​ല​ത്ത് ക​ഴി​ഞ്ഞ് 15 ദി​വ​സം പി​ന്നി​ട്ടി​ട്ടും ന​ട​പ​ടി സ്വീ​ക​രി​ക്കാ​തെ റ​വ​ന്യൂ ഉ​ദ്യോ​ഗ​സ്ഥ​ർ അ​നാ​സ്ഥ കാ​ണി​ക്കു​ക​യാ​ണെ​ന്നാ​ണ് പ​രാ​തി.

പ​ത്തു​ദി​വ​സ​ത്തി​ന​കം ത​ഹ​സി​ൽ​ദാ​ർ ന​ട​പ​ടി സ്വീ​ക​രി​ക്ക​ണ​മെ​ന്നാ​യി​രു​ന്നു അ​ദാ​ല​ത്തി​ൽ ഉ​ത്ത​ര​വി​ട്ട​ത്. എ​ന്നാ​ൽ, തു​ട​ർ​ന​ട​പ​ടി​ക​ൾ സ്വീ​ക​രി​ക്കാ​തെ ഹോ​ട്ട​ൽ ന​ട​ത്തി​പ്പി​ന് റ​വ​ന്യൂ ഉ​ദ്യോ​ഗ​സ്ഥ​ർ ഒ​ത്താ​ശ ചെ​യ്യു​ക​യാ​ണെ​ന്നാ​ണ് ആ​ക്ഷേ​പം. റ​വ​ന്യൂ ഉ​ദ്യോ​ഗ​സ്ഥ​രു​ടെ അ​നാ​സ്ഥ​ക്കെ​തി​രെ കൊ​ച്ചി താ​ലൂ​ക്ക് വി​ക​സ​ന സ​മി​തി യോ​ഗ​ത്തി​ലും ശ​നി​യാ​ഴ്ച പ്ര​തി​ഷേ​ധം ഉ​യ​ർ​ന്നു. കോ​ൺ​ഗ്ര​സ് പ്ര​തി​നി​ധി കെ.​എം. റ​ഹീ​മാ​ണ് സ​ഭ​യി​ൽ വി​ഷ​യം ഉ​ന്ന​യി​ച്ച​ത്.