വണ്ണപ്പുറം: കാളിയാറിൽ സ്കൂട്ടറും പിക്അപ് വാഹനവും കൂട്ടിയിടിച്ച് സ്കൂട്ടർ യാത്രക്കാരായ മാതാവിനും മകനും ഗുരുതരപരിക്ക്. കാളിയാർ കൊമ്പനാൽ അനു (36), മകൻ സ്വാമിനാഥൻ എന്നിവർക്കാണ് പരിക്ക്. ഇവരെ വണ്ണപ്പുറത്ത് സ്വകാര്യ ആശുപത്രിയിലും പിന്നീട് തൊടുപുഴയിൽ സ്വകാര്യ ആശുപത്രിയിലും പ്രവേശിപ്പിച്ചെങ്കിലും സ്വാമിനാഥന്റെ അവസ്ഥ വഷളായതോടെ ഇരുവരെയും പാലായിലെ സ്വകാര്യ ആശുപത്രിയിലേക്ക് മാറ്റി. കാളിയാർ മുപ്പത്താറുകവലയിൽ ശനിയാഴ്ച വൈകീട്ട് നാലോടെയാണ് അപകടം. ഇടവഴിയിൽനിന്ന് പ്രധാന റോഡിലേക്കിറങ്ങിയ സ്കൂട്ടറിന്റെ പിന്നിൽ വണ്ണപ്പുറം ഭാഗത്തുനിന്ന് വന്ന പിക്അപ് ഇടിക്കുകയായിരുന്നു. കാളിയാർ പൊലീസ് മേൽ നടപടി സ്വീകരിച്ചു ആടുഗ്രാമം പദ്ധതി ജില്ലതല ഉദ്ഘാടനം കട്ടപ്പന: ജില്ലയിലെ തെരഞ്ഞെടുത്ത പഞ്ചായത്തുകളിൽ ആട് ഗ്രാമങ്ങൾ രൂപവത്കരിക്കുന്നതിന്റെ ജില്ലതല ഉദ്ഘാടനം കട്ടപ്പനയിൽ നടന്നു. ബൈസൺവാലി പഞ്ചായത്തിലും കട്ടപ്പന മുനിസിപ്പാലിറ്റിയിലെ രണ്ട്, മൂന്ന് വാർഡുകളിലുമാണ് ആട് ഗ്രാമങ്ങൾ രൂപവത്കരിക്കുന്നത്. ഭാരത് ഫാർമേഴ്സ് മ്യൂച്ചൽ ബെനഫിറ്റ് ക്രഡിറ്റ് ട്രസ്റ്റിന്റെ സാമ്പത്തിക സഹായത്തോടെ നടപ്പാക്കുന്ന പദ്ധതിയുടെ ഉദ്ഘാടനം ജില്ല ചെയർമാൻ വൈ.സി. സ്റ്റീഫൻ നിർവഹിച്ചു. ജില്ലയിലെ 20 പഞ്ചായത്തുകളിൽ ഈവർഷം പ്രോജക്ട് നടപ്പാക്കും. യോഗത്തിൽ രാജേന്ദ്രൻ മാരിയിൽ, പി.എ. അഷ്റഫ്, കെ.ഇ. ജോസ്, സൈജി ജോസ്, ആര്യ മുരളി, എം.വി. ടെസി, ശ്രീജ സിജൻ, കെ.ജെ. രാജീവ്, ജസി പോൾ, വിജി ജയകുമാർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.