വിധി അപ്രായോഗികം -ഡീൻ കുര്യാക്കോസ് എം.പി

തൊടുപുഴ: വന്യജീവി സങ്കേതത്തിന്​ ചുറ്റും ഒരു കിലോമീറ്റർ ബഫർ സോണായി നിശ്ചയിച്ച വിധി പുനഃപരിശോധിക്കണമെന്ന്​ ഡീൻ കു​ര്യാക്കോസ്​ എം.പി. പരിസ്ഥിതി ലോല മേഖലകൾ സംരക്ഷിത വന പ്രദേശത്ത് ഒരു കി.മീ നിർബന്ധമാക്കിയുള്ള സുപ്രീം കോടതി വിധി അപ്രായോഗികവും നീതിരഹിതവുമാണ്​. ജില്ലയിൽ 350 കി.മീ ദൂരമാണ് വനാതിർത്തി പങ്കിടുന്നത്. തീർത്തും ജനവാസ കേന്ദ്രത്തിൽ കൃഷിഭൂമിയിൽനിന്ന് ബഫർ സോൺ പ്രഖ്യാപിക്കുന്നത് അനുവദിക്കാനാവില്ല. നിർമാണ പ്രവർത്തനങ്ങൾ നിരോധിക്കുകയും മറ്റ്​ വികസന പദ്ധതികൾ അനുവദിക്കാതിരിക്കുകയും ചെയ്യുന്നതാണ് ബഫർ സോൺ പ്രഖ്യാപിക്കുക വഴിയുള്ള അന്തിമഫലം. ഇക്കാര്യത്തിൽ കോടതി വിധി മറികടക്കുന്നതിന്​ നിയമനിർമാണമുൾപ്പെടെയുള്ള പരിഹാരമാർഗങ്ങൾ കേന്ദ്രസർക്കാർ തേടണമെന്നും സംസ്ഥാന സർക്കാർ കേരളത്തിനുണ്ടാകുന്ന ദൂഷ്യ വശങ്ങളെ സംബന്ധിച്ച് ശക്തമായ നിലപാട് അറിയിക്കുകയും കേന്ദ്രസർക്കാറും കേരള സർക്കാറും ഒരുമിച്ചുനിന്ന്​ ഈ പ്രതിസന്ധിയിൽനിന്ന്​ രക്ഷപ്പെടാനുള്ള നടപടി സ്വീകരിക്കണമെന്നും ഡീൻ കുര്യാക്കോസ് എം.പി ആവശ്യപ്പെട്ടു. പഠനോപകരണ വിതരണം കരിമണ്ണൂർ: ജനമൈത്രി ബീറ്റ് സഞ്ചാരത്തിനിടെ കണ്ടെത്തിയ നിർധനരായ 50ഓളം വിദ്യാർഥികൾക്ക് തൊടുപുഴ ജെ.സി.ഐ ഗ്രാൻഡ്, പ്രവാസി കൂട്ടായ്മ, കരിമണ്ണൂർ സ്റ്റേഷനിലെ പൊലീസ്​ ഉദ്യോഗസ്ഥർ എന്നിവരുടെ സഹായത്തോടെ ബാഗ്, കുട, നോട്ട്ബുക്കുകൾ ഉൾപ്പെടെ പഠനോപകരണങ്ങൾ വിതരണം ചെയ്തു. നിർധനരായ രോഗികൾക്ക് ചികിത്സാ സഹായം, ഒറ്റക്ക്​ താമസിക്കുന്ന നിർധനർക്ക് ഭക്ഷ്യക്കിറ്റുകൾ എന്നിവയും വിതരണം ചെയ്തു. കരിമണ്ണൂർ ഇൻസ്പെക്ടർ സുമേഷ് സുധാകരന്‍റെ നേതൃത്വത്തിൽ വിവിധ സ്ഥലങ്ങളിലായി നടത്തിയ പരിപാടികളിൽ എസ്.ഐമാരായ ഹാഷിം കെ.എച്ച്, പി.എൻ. ദിനേശ്, വിൻസൻെറ്, എ.എസ്.ഐമാരായ രാജേഷ് പി.ജി, സലിൽ, ചന്ദ്രബോസ്, അനസ് പ്രവാസികൂട്ടായ്മ പ്രസിഡന്‍റ്​ താഹ വെട്ടിപ്ലാക്കൽ, ചാരിറ്റി പ്രവർത്തകൻ അൻസാരി എം.എം, ജെ.സി.ഐ ഗ്രാൻഡ് ഭാരവാഹികളായ പ്രശാന്ത് കുട്ടപ്പാസ്, അനിൽകുമാർ സി.സി, വിനോദ് കണ്ണോളി, മനു തോമസ്, അഞ്ജലി, സന്തോഷ് എന്നിവർ പ​​ങ്കെടുത്തു. ജനമൈത്രി ബീറ്റ് ഓഫിസർമാരായ ഷെരീഫ് പി.എ, ജമാൽ ടി.എസ് എന്നിവരാണ് ബീറ്റ് സഞ്ചാരത്തിനിടയിൽ കരിമണ്ണൂർ സ്റ്റേഷൻ പരിധിയിലെ വീടുകളിലെത്തി വിവരങ്ങൾ ആരാഞ്ഞ് അർഹരെ കണ്ടെത്തിയത്. ​TDL POLICE കരിമണ്ണൂർ ജനമൈത്രി പൊലീസിന്‍റെ നേതൃത്വത്തിൽ നടത്തിയ പഠനോപകരണ വിതരണം