നെടുങ്കണ്ടം: വീട് നിർമിക്കാൻ കൈവശാവകാശ സർട്ടിഫിക്കറ്റ് നൽകുന്നില്ലെന്നാരോപിച്ച് ഉടുമ്പൻചോല താലൂക്ക് ഓഫിസിന് മുന്നിൽ ചിന്നക്കാനാൽ പഞ്ചായത്തിലെ ഭരണ-പ്രതിപക്ഷ അംഗങ്ങൾ കൂട്ടധർണ നടത്തി. ലൈഫ് ഭവനപദ്ധതിയിൽ വീട് നിർമിക്കാൻപോലും ഭൂമിക്ക് കൈവശാവകാശ രേഖ നൽകാത്ത റവന്യൂ വകുപ്പ് നടപടിയിൽ പ്രതിഷേധിച്ചാണ് സമരം. തോട്ടം തൊഴിലാളികൾ ഉൾപ്പെടെ 490 പേർക്ക് ചിന്നക്കനാൽ പഞ്ചായത്ത് ലൈഫ് ഭവന പദ്ധതിയിൽ വീട് അനുവദിച്ചിരുന്നു. എന്നാൽ, 91 എണ്ണം മാത്രമാണ് പൂർത്തിയാക്കാനായത്. 280 എണ്ണത്തിന്‍റെ ഫണ്ട് ലാപ്സായി. വീടുവെക്കാൻ ആവശ്യമായ മൂന്നു സെന്‍റ് ഭൂമിക്കു പോലും റവന്യൂ വകുപ്പ് കൈവശാവകാശ സർട്ടിഫിക്കറ്റ് നൽകാത്തതാണ് കാരണം. മന്ത്രിമാർക്കുൾപ്പെടെ പലതവണ നിവേദനം നൽകിയിട്ടും നടപടിയുണ്ടാകാതെ വന്നതോടെയാണ് പഞ്ചായത്തംഗങ്ങൾ സമരം രംഗത്തിറങ്ങിയത്. ചിന്നക്കനാൽ പഞ്ചായത്ത് പ്രസിഡന്‍റ് സിനി ബേബി, പ്രതിപക്ഷ പഞ്ചായത്തംഗം എ.പി. അശോകൻ എന്നിവരുൾപ്പെടെ 13 അംഗങ്ങളുടെ നേതൃത്വത്തിലായിരുന്നു ധർണ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.