അടിമാലി: നേര്യമംഗലം റേഞ്ചിലെ താൽക്കാലിക വാച്ചർമാര്‍ക്ക് മാസങ്ങളായി ശമ്പളമില്ല. കൃഷിയിടങ്ങളില്‍ കാട്ടനകള്‍ ഇറങ്ങുന്നത് തടയുന്നതടക്കം ദുഷ്‌കരമായ ജോലിചെയ്യുന്ന വാച്ചര്‍മാരാണ് ശമ്പളം ലഭിക്കാത്തത് മൂലം ദുരിതത്തിലായത്. ആറുമാസത്തിലേറെയായി നേര്യമംഗലം റേഞ്ചില്‍ റേഞ്ച് ഓഫിസറില്ല. അടിമാലി റേഞ്ച് ഓഫിസര്‍ക്കായിരുന്നു ചുമതല. മരംവെട്ടുമായി ബന്ധപ്പെട്ട് അടിമാലി റേഞ്ച് ഓഫിസറെ സ്ഥലം മാറ്റിയതോടെ അടിമാലിക്കും നേര്യമംഗലത്തിനും പുതിയ റേഞ്ച് ഓഫിസര്‍മാര്‍ എത്തി. എന്നാല്‍, നേര്യമംഗലം റേഞ്ച് ഓഫിസർ അവധിയിൽ പോയതോടെ താൽക്കാലിക വാച്ചര്‍മാരുടെ ശമ്പളം ഉൾപ്പെടെ മുടങ്ങിയെന്നാണ് പരാതി. അടിമാലി റേഞ്ച് ഓഫിസര്‍ക്ക് വീണ്ടും ചുമതല നൽകിയിട്ടുണ്ടെങ്കിലും പല ദൈനംദിന ജോലികളും അവതാളത്തിലാണെന്നും ഇതാണ് താൽക്കാലിക ജീവനക്കാരുടെ ശമ്പളം മുടങ്ങാന്‍ കാരണമെന്നുമാണ് പറയുന്നത്. മൂന്നാര്‍ ഡിവിഷന് കീഴിലാണ് നേര്യമംഗലം റേഞ്ച്. വീട്ടില്‍നിന്ന് ഫോറസ്റ്റ് സ്റ്റേഷനിലേക്കും തുടര്‍ന്ന് ഫീല്‍ഡ് പ്രവര്‍ത്തനങ്ങള്‍ക്കുമൊക്കെ പോകാനാവശ്യമായ യാത്രാ ചെലവുപോലും ഇല്ലാതെ ഏറെ ബുദ്ധിമുട്ടുകയാണെന്ന് വാച്ചര്‍മാര്‍ പറയുന്നു. കോവിഡ് മൂലമുള്ള വലിയ പ്രതിസന്ധി മറ്റ് തൊഴില്‍തേടി പോകുന്നതിന് ഇവര്‍ക്ക് തടസ്സമായി മാറുകയും ചെയ്യുന്നു. അധികൃതരുടെ അടിയന്തര ഇടപെടല്‍ വേണമെന്നാണ് ആവശ്യം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.