മുട്ടം: മുട്ടത്തെ ഓടകളിലേക്ക് മാലിന്യം നിക്ഷേപിക്കുന്നവർക്കെതിരെ നടപടി സ്വീകരിക്കുമെന്ന് ആരോഗ്യ വകുപ്പ്. ഇതിനായി വ്യാപാരി വ്യവസായികളുടെയും നാട്ടുകാരുടെയും യോഗം പഞ്ചായത്ത് ഓഫിസിൽ ചേരുമെന്ന് മുട്ടം സാമൂഹികാ രോഗ്യ കേന്ദ്രം ഹെൽത്ത് ഇൻസ്പെക്ടർ ജൂബി പറഞ്ഞു. തൊടുപുഴ - പുളിയൻമല സംസ്ഥാന പാതയിലെ പ്രധാന ടൗണായ മുട്ടത്തെ ഓടകളിൽ മാലിന്യം നിറഞ്ഞ് ദുർഗന്ധം വമിക്കുന്നത് കഴിഞ്ഞ ദിവസം മാധ്യമം റിപ്പോർട്ട് ചെയ്തിരുന്നു. വാർത്തയെ തുടർന്നാണ് ആരോഗ്യ വകുപ്പിന്‍റെ ഇടപെടൽ. ഹോട്ടൽ മാലിന്യങ്ങളും ഗാർഹിക മാലിന്യങ്ങളും ഉൾപ്പെടെ ഒഴുക്കുന്നത് പൊതുമരാമത്തിന്‍റെ ഓടയിലേക്കാണ്. ഓടകളിൽ മാലിന്യം നിറഞ്ഞ് കവിഞ്ഞതോടെ റോഡിലൂടെ നടക്കണമെങ്കിൽ മൂക്ക് പൊത്തേണ്ട അവസ്ഥയാണ്. മഴ പെയ്യുമ്പോൾ ഓടയിലെ മാലിന്യം ഒഴുകിയെത്തുന്നത് ലക്ഷക്കണക്കിന് ജനങ്ങളുടെ കുടിവെള്ള സ്രോതസ്സായ മലങ്കരയാറ്റിലേക്കാണ്. മലങ്കര പുഴയിലെയും ഡാമിലെയും വെള്ളത്തിൽ ക്രമാതീതമായ അളവിൽ കോളിഫോം ബാക്ടീരിയ അടങ്ങിയിട്ടുള്ളതായി അടുത്തിടെ കണ്ടെത്തിയിരുന്നു. tdl mltm ഓടകളിലെ മാലിന്യത്തെക്കുറിച്ച് കഴിഞ്ഞ ദിവസം മാധ്യമം പ്രസിദ്ധീകരിച്ച വാർത്ത
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.