അടിമാലി: മാരക ലഹരി മരുന്നുമായി അഞ്ചുപേരെ എക്സൈസ് സംഘം പിടികൂടി. തൃശൂര്‍ സ്വദേശികളായ കൊടകര ഇട്ടിയാംപുറത്ത് റോഷിത് രവീന്ദ്രന്‍ (36), വലപ്പാട് കരയില്‍ പൂഴിക്കുന്നത്ത് നിതിന്‍ കൃഷ്ണ (24), കണിമംഗലം കരയില്‍ റിസ്വാന്‍ റഹ്മാന്‍ (24), കണിമംഗലം കരയില്‍ ഷിനാസ് ഷറഫുദ്ദീന്‍ (23), ചാഴൂര്‍ കരയില്‍ ചെമ്പെയില്‍ ദിലീഷ് ധര്‍മ്മപാലന്‍ (29) എന്നിവരാണ് പിടിയിലായത്.
അടിമാലി എക്സൈസ് ഇന്‍സ്‌പെക്ടര്‍ പി.കെ രഘുവിന്‍റെ നേതൃത്വത്തിലെ സംഘമാണ് ഇവരെ പിടികൂടിയത്. അടിമാലി എക്സൈസ് റേഞ്ച് പാര്‍ട്ടി കൊച്ചി - ധനുഷ്‌കോടി ദേശീയപാതയില്‍ രാത്രികാല വാഹന പരിശോധനക്കിടയില്‍ വാളറ യാക്കോബായ പളളിക്ക് സമീപം വെച്ചാണ് ഇവരെ പിടികൂടിയത്. ഇവര്‍ സഞ്ചരിച്ചിരുന്ന കാറും കസ്റ്റഡിയില്‍ എടുത്തു. സംഘത്തില്‍ പ്രിവന്‍റീവ് ഓഫീസര്‍ വി.പി സുരേഷ് കുമാര്‍, സിവില്‍ എക്സൈസ് ഓഫീസര്‍മാരായ മീരാന്‍ കെ.എസ്, ഉണ്ണികൃഷ്ണന്‍ കെ.പി., ശരത്ത് എസ്.പി എന്നിവരും പങ്കെടുത്തു.
പ്രതികളെ അടിമാലി കോടതിയില്‍ ഹാജരാക്കി പീരുമേട് സബ് ജയിലില്‍ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.