പേരുമാറ്റത്തിനൊരുങ്ങി ഹൈറേഞ്ചിലെ​ ​കോളനികൾ

ചെ​റു​തോ​ണി: ഇ​ടു​ക്കി കോ​ള​നി മു​ത​ൽ കൊ​ലു​മ്പ​ൻ കോ​ള​നി വ​രെ... എ​ണ്ണി​യാ​ൽ തീ​രാ​ത്ത കോ​ള​നി​ക​ളാ​ണ്​ ഇ​ടു​ക്കി ഹൈ​റേ​ഞ്ചി​ലു​ള്ള​ത്.

കോ​ള​നി​ക​ൾ എ​ന്ന പേ​ര്​​ ഇ​നി വേ​ണ്ടെ​ന്ന ഉ​ത്ത​ര​വ് ന​ട​പ്പാ​യാ​ൽ രേ​ഖ​ക​ളി​ൽ ഇ​ടം പി​ടി​ച്ച കോ​ള​നി​ക​ൾ​ക്ക്​ എ​ല്ലാം പു​തി​യ പേ​രു​ക​ൾ​വ​രും. ഇ​ടു​ക്കി ജി​ല്ല​യു​ടെ തു​ട​ക്കം ത​ന്നെ ഇ​ടു​ക്കി കോ​ള​നി പി.​ഒ എ​ന്ന പേ​രി​ലാ​ണ്. 1965ലാ​ണ് ഈ ​കോ​ള​നി നി​ല​വി​ൽ വ​രു​ന്ന​ത്. ഇ​ടു​ക്കി ഡാ​മി​​ന്‍റെ നി​ർ​മാ​ണ ജോ​ലി​ക​ൾ​ക്ക് പ​ണി​ക്കാ​രെ താ​മ​സി​പ്പി​ക്കാ​ൻ ഡാ​മി​ന്‍റെ ക​രാ​റു​കാ​രാ​യ ഹി​ന്ദു​സ്ഥാ​ൻ ക​മ്പ​നി കെ​ട്ടി​ട​ങ്ങ​ൾ പ​ണി തു​ജോ​ലി​ക്കാ​രെ താ​മ​സി​പ്പി​ച്ചു .പു​തി​യ പോ​സ്റ്റോ​ഫീ​സും നി​ല​വി​ൽ വ​ന്നു. ഇ​ടു​ക്കി കോ​ള​നി പി.​ഒ. 60 വ​ർ​ഷ​മാ​യി രേ​ഖ​ക​ളി​ലെ​ല്ലാം ഇ​ടു​ക്കി കോ​ള​നി പി.​ഒ ആ​ണ്. അ​തി​നും മു​മ്പ്​ നി​ല​വി​ൽ വ​ന്ന പ​ട്ടം കോ​ള​നി​യാ​ണ് കേ​ര​ള​ത്തി​ലെ ആ​ദ്യ​ത്തെ കോ​ള​നി​യാ​യി അ​റി​യ​പ്പെ​ടു​ന്ന​ത്. പ​ട്ടം​താ​ണു​പി​ള്ള മു​ഖ്യ​മ​ന്ത്രി​യാ​യി​രു​ന്ന​പ്പോ​ൾ കു​റെ കു​ടും​ബ​ങ്ങ​ളെ കു​ടി​യി​രു​ത്തി അ​ദ്ദേ​ഹ​ത്തി​നോ​ടു​ള്ള ബ​ഹു​മാ​നാ​ർ​ഥം ഇ​ട്ട പേ​രാ​ണ് പ​ട്ടം കോ​ള​നി.

ക​ഞ്ഞി​ക്കു​ഴി പ​ഞ്ചാ​യ​ത്തി​ലെ ഉ​മ്മ​ൻ ചാ​ണ്ടി കോ​ള​നി​യു​ടെ പേ​രു മ​ഴു വ​ടി എ​ന്നാ​യി​രു​ന്നു. ഉ​മ്മ​ൻ ചാ​ണ്ടി​യു​ടെ ശ്ര​മ​ഫ​ല​മാ​യി മ​ന്നാ​ൻ സ​മു​ദാ​യ​പ്പെ​ട്ട കു​റെ​പ്പേ​ർ​ക്ക് ഭൂ​മി​യും വീ​ടും ന​ൽ​കി കു​ടി​യി​രു​ത്തി. അ​ന്ന് കോ​ൺ​ഗ്ര​സ് പ്ര​വ​ർ​ത്ത​ക​നാ​യി​രു​ന്ന ക​രി​മ്പ​ൻ ജോ​സാ​ണ് ഉ​മ്മ​ൻ ചാ​ണ്ടി​യു​ടെ പേ​രു നി​ർ​ദ്ദേ​ശി​ച്ച​ത്. ഇ​ടു​ക്കി ഡാ​മി​ന്‍റെ നി​ർ​മാ​ണ കാ​ല​ത്ത് കു​ടി​യി​റ​ക്കി പ​ക​രം പാ​ർ​പ്പി​ച്ച സ്ഥ​ല​മാ​ണ് കൊ​ലു​മ്പ​ൻ കോ​ള​നി. അ​റി​യ​പ്പെ​ടു​ന്ന കോ​ള​നി​ക​ൾ വേ​റെ​യു​മു​ണ്ട് ചേ​ല​ച്ചു​വ​ട്ടി​ലു​ണ്ട്. മ​ദ​ർ തെ​രേ​സ​കോ​ള​നി വി​ധ​വാ ക്കോ​ള​നി, ഗാ​ന്ധി​ന​ഗ​ർ എ​ന്നി​ങ്ങ​നെ നി​ര​വ​ധി കോ​ള​നി​ക​ളു​ണ്ട്. ക​ഞ്ഞി​ക്കു​ഴി, വാ​ഴ​ത്തോ​പ്പ് പ​ഞ്ചാ​യ​ത്തു​ക​ളി​ലാ​യി മു​പ്പ​തോ​ളം ആ​ദി​വാ​സി കോ​ള​നി​ക​ളു​ണ്ട്. വാ​ഴ​ത്തോ​പ്പി​ൽ ല​ക്ഷം വീ​ട് കോ​ള​നി​യു​ണ്ട്. അ​തി​പ്പോ​ൾ അ​റി​യ​പ്പെ​ടു​ന്ന​തു ല​ക്ഷം ക​വ​ല എ​ന്നാ​ണ്.