വീൽ ചെയറില്ല; ഇടുക്കി മെഡി. കോളജിൽ രോഗികളെ ചുമക്കണം

ചെ​റു​തോ​ണി: ഇ​ടു​ക്കി മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ലെ​ത്തു​ന്ന ന​ട​ക്കാ​ൻ വ​യ്യാ​ത്ത രോ​ഗി​ക​ൾ​ക്ക് ഡോ​ക്ട​റെ കാ​ണ​ണ​മെ​ങ്കി​ൽ കൂ​ടെ​യു​ള്ള​വ​ർ എ​ടു​ത്തു കൊ​ണ്ടു​പോ​ക​ണം.

അ​ല്ലെ​ങ്കി​ൽ വീ​ട്ടി​ൽ​നി​ന്ന്​ വീ​ൽ ചെ​യ​റു​മാ​യി വ​ര​ണം. നൂ​റു​ക​ണ​ക്കി​ന് രോ​ഗി​ക​ൾ ചി​കി​ത്സ തേ​ടി​യെ​ത്തു​ന്ന മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ലാ​ണ് രോ​ഗി​ക​ൾ​ക്ക് ഈ ​ദു​ര​വ​സ്ഥ. പു​തി​യ കെ​ട്ടി​ടം പൂ​ർ​ത്തീ​ക​രി​ച്ച് പ്ര​വ​ർ​ത്ത​നം സ​ജ്ജ​മാ​യ​പ്പോ​ൾ ചി​ല സം​ഘ​ട​ന​ക​ളും ബാ​ങ്കു​ക​ളും സം​ഭാ​വ​ന ചെ​യ്ത വീ​ൽ​ചെ​യ​റാ​ണ് ആ​ശു​പ​ത്രി​ക്കു​ള്ള​ത്. ഇ​തി​ൽ പ​ല​തു​മി​പ്പോ​ൾ വി​ക​ലാം​ഗ​നാ​യി​ട്ടു​ണ്ട്. വ​ള​രെ പ്ര​യാ​സ​പ്പെ​ട്ടാ​ണ് രോ​ഗി​ക​ളെ അ​ത്യാ​ഹി​ത വി​ഭാ​ഗ​ത്തി​ലേ​ക്കും ഒ​ന്നാം നി​ല​യി​ൽ പ്ര​വ​ർ​ത്തി​ക്കു​ന്ന ഒ.​പി​യി​ലേ​ക്ക് റാ​മ്പു വ​ഴി​യും എ​ത്തി​ക്കു​ന്ന​ത്. ആ​വ​ശ്യ​ത്തി​ന് വീ​ൽ​ചെ​യ​ർ ഇ​ല്ലാ​ത്ത​തി​നാ​ൽ വാ​ഹ​ന​ങ്ങ​ളി​ലെ​ത്തു​ന്ന രോ​ഗി​ക​ൾ രോ​ഗി​ക​ളു​മാ​യി പോ​യി​രി​ക്കു​ന്ന വീ​ൽ​ചെ​യ​ർ എ​ത്തു​ന്ന​തു​വ​രെ കാ​ത്തി​രി​ക്ക​ണം.

അ​ല്ലെ​ങ്കി​ൽ കൂ​ടെ​യു​ള്ള​വ​ർ രോ​ഗി​യെ കൈ​ക​ളി​ൽ താ​ങ്ങി​യെ​ടു​ത്ത്​ കൊ​ണ്ടു​പോ​ക​ണം. വീ​ൽ​ചെ​യ​ർ ല​ഭി​ക്കാ​തെ വ​രു​മ്പോ​ൾ രോ​ഗി​ക​ളും കൂ​ടെ​യു​ള്ള​വ​രും ആ​ശു​പ​ത്രി ജീ​വ​ന​ക്കാ​രെ ചീ​ത്ത​വി​ളി​ക്കു​ന്ന​താ​യി ജീ​വ​ന​ക്കാ​ർ പ​റ​യു​ന്നു. എ​ത്ര​യും വേ​ഗം ആ​ശു​പ​ത്രി​ക്കാ​വ​ശ്യ​മാ​യ വീ​ൽ ചെ​യ​റു​ക​ൾ ല​ഭ്യ​മാ​ക്ക​ണ​മെ​ന്നാ​ണ് രോ​ഗി​ക​ളും ബ​ന്ധു​ക്ക​ളും ആ​വ​ശ്യ​പ്പെ​ടു​ന്ന​ത്.