പാലം പുനർനിർമിച്ചില്ല; കൊക്കരക്കുളത്ത് മറുകര കടക്കാൻ തോട്ടിലിറങ്ങണം

ചെ​റു​തോ​ണി: പ്ര​ള​യ​ത്തി​ൽ ത​ക​ർ​ന്ന പാ​ലം പു​തു​ക്കി​പ്പ​ണി​യു​മെ​ന്ന ജ​ന​പ്ര​തി​നി​ധി​ക​ളു​ടെ വാ​ഗ്ദാ​നം മ​ല​വെ​ള്ള​ത്തി​ൽ ഒ​ലി​ച്ചു​പോ​യി. ​വാ​ഴ​ത്തോ​പ്പ് പ​ഞ്ചാ​യ​ത്തി​ലെ കൊ​ക്ക​ര​ക്കു​ള​ത്താ​ണ് ത​ക​ർ​ന്ന പാ​ലം. കാ​ല​വ​ർ​ഷം ശ​ക്തി​പ്രാ​പി​ക്കു​ന്ന​തോ​ടെ പ്ര​ദേ​ശ​വാ​സി​ക​ളു​ടെ മ​ന​സ്സി​ൽ ആ​ശ​ങ്ക​യു​ടെ കാ​ർ​മേ​ഘം ഉ​രു​ണ്ടു​കൂ​ടു​ക​യാ​ണ്. തോ​ട്ടി​ൽ വെ​ള്ള​മു​യ​ർ​ന്നാ​ൽ ​പ്ര​ദേ​ശ​ത്തെ കു​ട്ടി​ക​ൾ​ക്ക്​ സ്​​കൂ​ളി​ൽ​പോ​ലും പോ​കാ​ൻ ക​ഴി​യാ​ത്ത സാ​ഹ​ച​ര്യ​മാ​ണു​ള്ള​ത്.

പ​ഞ്ചാ​യ​ത്തി​ലെ ഒ​ന്നും ര​ണ്ടും വാ​ർ​ഡു​ക​ളു​ടെ അ​തി​ർ​ത്തി പ​ങ്കി​ടു​ന്ന പാ​ൽ​ക്കു​ളം തോ​ടി​ന് കു​റു​കെ​യു​ള്ള കോ​ൺ​ക്രീ​റ്റ് പാ​ലം 2018ലെ ​പ്ര​ള​യ​ത്തി​ലാ​ണ് ത​ക​ർ​ന്ന​ത്. ജി​ല്ല ക​ല​ക്ട​ർ​ക്ക് നി​വേ​ദ​നം ന​ൽ​കി​യെ​ങ്കി​ലും ന​ട​പ​ടി​യു​ണ്ടാ​യി​ല്ല. തു​ട​ർ​ന്ന് നാ​ട്ടു​കാ​ർ മ​ര​ത്ത​ടി വെ​ട്ടി​യി​ട്ട് പാ​ലം നി​ർ​മി​ച്ചു. ക​ഴി​ഞ്ഞ വ​ർ​ഷം ത​ടി​പ്പാ​ല​വും ത​ക​ർ​ന്നു. ര​ണ്ടു​പേ​ർ​ക്ക് പാ​ലം ത​ക​ർ​ന്ന് തോ​ട്ടി​ൽ വീ​ണ് പ​രി​ക്കു പ​റ്റി​യി​രു​ന്നു.

തു​ട​ർ​ന്ന് ഈ ​പാ​ല​വും ഉ​പ​യോ​ഗ​ശൂ​ന്യ​മാ​യി. റോ​ഷി അ​ഗ​സ്റ്റി​ൻ എം.​എ​ൽ.​എ ആ​യി​രു​ന്ന​പ്പോ​ൾ ഇ​വി​ടെ പാ​ലം നി​ർ​മി​ക്കാ​മെ​ന്ന് ഉ​റ​പ്പ് ന​ൽ​കി​യി​രു​ന്നു. പി​ന്നീ​ട് റീ​ബി​ൾ​ഡ് കേ​ര​ള​യി​ൽ​പെ​ടു​ത്തി പാ​ലം നി​ർ​മി​ക്കു​മെ​ന്ന് അ​ദ്ദേ​ഹം പ്ര​ഖ്യാ​പി​ക്കു​ക​യും ചെ​യ്തു. വാ​ഴ​ത്തോ​പ്പ് പ​ഞ്ചാ​യ​ത്ത് ന​ട​പ്പാ​ലം നി​ർ​മി​ച്ചു ന​ൽ​കാ​മെ​ന്ന് പ്ര​ഖ്യാ​പി​ച്ചെ​ങ്കി​ലും അ​തു​മു​ണ്ടാ​യി​ല്ല. മ​ന്ത്രി​യു​ടെ​യും പ​ഞ്ചാ​യ​ത്ത് ജ​ന​പ്ര​തി​നി​ധി​ക​ളു​ടെ​യും വാ​ഗ്ദാ​ന​ങ്ങ​ളെ​ല്ലാം പാ​ഴാ​കു​ക​യാ​യി​രു​ന്നു.

ഇ​പ്പോ​ൾ വി​ദ്യാ​ർ​ഥി​ക​ൾ​ക്ക​ട​ക്കം സ്കൂ​ളി​ൽ എ​ത്താ​ൻ തോ​ട്ടി​ലൂ​ടെ ഇ​റ​ങ്ങി ക​ട​ക്കേ​ണ്ട അ​വ​സ്ഥ​യാ​ണ്. തോ​ട്ടി​ൽ വെ​ള്ളം ഉ​യ​രു​ന്ന​തോ​ടെ വി​ദ്യാ​ർ​ഥി​ക​ളു​ടെ സ്കൂ​ളി​ലെ​ത്തി​യു​ള്ള പ​ഠ​നം നി​ർ​ത്തി​വെ​ക്കേ​ണ്ടി വ​രു​മെ​ന്നാ​ണ് ര​ക്ഷാ​ക​ർ​ത്താ​ക്ക​ൾ പ​റ​യു​ന്ന​ത്. രോ​ഗി​ക​ളെ ആ​ശു​പ​ത്രി​യി​ലെ​ത്തി​ക്കാ​നും ഇ​വ​ർ ബു​ദ്ധി​മു​ട്ടു​ക​യാ​ണ്. എ​ത്ര​യും വേ​ഗം പാ​ലം നി​ർ​മി​ച്ച് വി​ദ്യാ​ർ​ഥി​ക​ളു​ടെ പ​ഠ​നം ത​ട​സ്സ​പ്പെ​ടാ​തി​രി​ക്കാ​ൻ ആ​വ​ശ്യ​മാ​യ ന​ട​പ​ടി​യു​ണ്ടാ​ക​ണ​മെ​ന്നാ​ണ് നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്.