ജില്ല കായികമേളക്ക് ഒരുങ്ങിയ കട്ടപ്പന സെന്‍റ് ജോർജ് ഹയർ സെക്കൻഡറി സ്കൂൾ ഗ്രൗണ്ട്
കട്ടപ്പന: 19 ാമത് ജില്ല സ്കൂൾ കായികമേള ചൊവ്വ മുതൽ വ്യാഴം വരെ കട്ടപ്പന സെന്‍റ് ജോർജ് ഹയർ സെക്കൻഡറി സ്കൂൾ ഗ്രൗണ്ടിൽ നടക്കും. മൂന്ന് ദിവസത്തെ മേള ബുധനാഴ്ച മന്ത്രി റോഷി അഗസ്റ്റ്യൻ ഉദ്ഘാടനം ചെയ്യും. എം.എം. മണി എം.എൽ.എ അധ്യക്ഷത വഹിക്കും. ഗെയിംസ് ഇനങ്ങൾ ഇതിനകം പൂർത്തിയായിട്ടുണ്ട്. ഏഴ് ഉപജില്ലകളിൽ നിന്നായി 2200ൽ പരം കായിക പ്രതിഭകൾ മാറ്റുരയ്ക്കും. 22ന് 28 ഇനങ്ങളിലും 23ന് 68 ഇനങ്ങളിലും സമാപന ദിവസം 56 ഇനങ്ങളിലുമാണ് മത്സരം. ആദ്യ ദിനം കായിക താരങ്ങളുടെ മാർച്ച് പാസ്റ്റും ദീപശിഖ പ്രയാണവും നടക്കും.
24ന് വൈകീട്ട് 3.30ന് സമാപന സമ്മേളനം ഡീൻ കുര്യാക്കോസ് എം.പി ഉദ്ഘാടനം ചെയ്യും. ജില്ല പഞ്ചായത്ത് പ്രസിഡന്‍റ് ജിജി കെ. ഫിലിപ്പ് അധ്യക്ഷത വഹിക്കും. കട്ടപ്പന നഗരസഭ ചെയർപേഴ്സൻ ഷൈനി സണ്ണി ചെറിയാൻ ചെയർമാനായും ജില്ല വിദ്യാഭ്യാസ ഉപഡയറക്ടർ കെ. ബിന്ദു ജനറൽ കൺവീനറുമായി സംഘാടകസമിതി രൂപവത്കരിച്ചിട്ടുണ്ട്. എ.ഇ.ഒ ടോമി ഫിലിപ്, ജിമ്മി ജേക്കബ്, സുരേഷ് ബാബു, ജയ്മോൻ ജെ. ജോർജ്, തോമസ് ജോസ്, ബിജിമോൻ ജോസഫ്, ആനന്ദ് കൊട്ടിരി, ജി. അമ്പിളി, പി.എ. ഗബ്രിയേൽ എന്നിവരാണ് മേളക്ക് നേതൃത്വം നൽകുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.