ഇ​രു​ട്ടി​ൽ ത​പ്പി തൊ​ടു​പു​ഴ; വിളക്കുമരമെ, വെളിച്ചമെവിടെ...

തൊ​ടു​പു​ഴ: സ​ന്ധ്യ​ക​ഴി​ഞ്ഞ്​ തൊ​ടു​പു​ഴ ന​ഗ​ര​ത്തി​ലെ​ത്തി​യാ​ൽ ഇ​രു​ട്ടി​ൽ ത​പ്പി​ത്ത​ട​യേ​ണ്ടി വ​രും. ന​ഗ​ര​ത്തി​ലെ പ്ര​ധാ​ന വ​ഴി​ക​ളി​ലെ വ​ഴി​വി​ള​ക്കു​ക​ളി​ൽ ഭൂ​രി​ഭാ​ഗ​വും ത​ക​രാ​റി​ലാ​യ​തോ​ടെ രാ​ത്രി ന​ഗ​ര​ത്തി​ന്റെ പ​ല ഭാ​ഗ​വും ഇ​രു​ട്ടി​ലാ​യി. നി​ല​വി​ൽ ക​ട​ക​ളി​ൽ​നി​ന്നു​ള്ള വെ​ളി​ച്ച​വും വാ​ഹ​ന​ങ്ങ​ളു​ടെ ലൈ​റ്റും മാ​ത്ര​മാ​ണ് കാ​ൽ​ന​ട​ക്കാ​ർ​ക്ക് ആ​ശ്ര​യം.

ക​ട​ക​ൾ അ​ട​ക്കു​ന്ന​തോ​ടെ അ​തും ഇ​ല്ലാ​താ​കും. പി​ന്നെ രാ​ത്രി അ​പൂ​ർ​വ​മാ​യി പോ​കു​ന്ന വാ​ഹ​ന​ങ്ങ​ളു​ടെ വെ​ളി​ച്ചം മാ​ത്രം. ന​ഗ​ര​ത്തി​ലെ പ്ര​ധാ​ന റോ​ഡാ​യ ഇ​ടു​ക്കി റോ​ഡ് പൂ​ർ​ണ​മാ​യും ഇ​രു​ട്ടി​ലാ​ണ്. ഗാ​ന്ധി സ്ക്വ​യ​റി​ലും കെ.​എ​സ്.​ആ​ർ.​ടി.​സി ജ​ങ്​​ഷ​നി​ലും ഓ​രോ ഹൈ​മാ​സ്റ്റ് പ്ര​വ​ർ​ത്തി​ക്കു​ന്നു​ണ്ടെ​ങ്കി​ലും പ​ല​യി​ട​ത്തും ഒ​രു വ​ഴി​വി​ള​ക്കു​പോ​ലും തെ​ളി​യു​ന്നി​ല്ല.

ന​ഗ​ര​ത്തി​ലെ 50 ശ​ത​മാ​ന​ത്തോ​ളം വ​ഴി വി​ള​ക്കു​ക​ളും തെ​ളി​യു​ന്നി​ല്ലെ​ന്നാ​ണ്​ പ്ര​തി​പ​ക്ഷ കൗ​ൺ​സി​ല​ർ​മാ​ർ ആ​രോ​പി​ക്കു​ന്ന​ത്. ഇ​ടു​ക്കി ഭാ​ഗ​ത്തേ​ക്കു​ള്ള ബ​സു​ക​ൾ നി​ർ​ത്തു​ന്ന ടൗ​ൺ ഹാ​ൾ സ്റ്റോ​പ്പി​ലും സ​ന്ധ്യ​ക​ഴി​ഞ്ഞാ​ൽ ഇ​രു​ട്ടാ​ണ്. മ​ത്സ്യ മാ​ർ​ക്ക​റ്റി​ന്‍റെ ഹൃ​ദ​യ​ഭാ​ഗ​ത്തും വെ​ളി​ച്ച​മി​ല്ല.

ക​ട​ക​ള​ട​ച്ചാ​ൽ ഇ​വി​ടം ഇ​രു​ട്ടി​ൽ മു​ങ്ങും. ഗാ​ന്ധി സ്ക്വ​യ​റി​ൽ​നി​ന്ന് മു​നി​സി​പ്പ​ൽ ബ​സ് സ്റ്റാ​ൻ​ഡി​ലേ​ക്കു​ള്ള എ​ളു​പ്പ​മാ​ർ​ഗം എ​ന്ന നി​ല​യി​ൽ ഒ​ട്ടേ​റെ പേ​ർ ഇ​തു​വ​ഴി ക​ട​ന്നു​പോ​കു​ന്നു​ണ്ട്. ഇ​രു​ട്ടി​ൽ അ​ല​ഞ്ഞു​തി​രി​യു​ന്ന തെ​രു​വു​നാ​യ്ക്ക​ളും ഇ​വ​ർ​ക്ക് ഭീ​ഷ​ണി​യാ​ണ്.

കെ.​എ​സ്.​ആ​ർ.​ടി.​സി ജ​ങ്​​ഷ​നി​ൽ​നി​ന്ന്​ പാ​ലാ റോ​ഡ് വ​രെ​യെ​ത്തു​ന്ന കോ​താ​യി​ക്കു​ന്ന് ബൈ​പാ​സി​ൽ ലൈ​റ്റു​ക​ൾ ത​ക​രാ​റി​ലാ​ണ്. കോ​താ​യി​ക്കു​ന്ന് സ​ർ​ക്കി​ളി​ൽ സ്ഥാ​പി​ച്ചി​ട്ടു​ള്ള ഒ​രു ഹൈ​മാ​സ്റ്റ് മാ​ത്ര​മാ​ണ് തെ​ളി​യു​ന്ന​ത്. പ​ല സ​മ​യ​ങ്ങ​ളി​ലാ​യി ഒ​ട്ടേ​റെ ദീ​ർ​ഘ​ദൂ​ര ബ​സു​ക​ളാ​ണ് തൊ​ടു​പു​ഴ വ​ഴി ക​ട​ന്നു​പോ​കു​ന്ന​ത്.

രാ​ത്രി ബ​സി​ൽ വ​ന്ന് ഇ​റ​ങ്ങു​ന്ന​വ​രും പോ​ക​നു​ള്ള​വ​ർ​ക്കും വാ​ഹ​നം ഇ​ല്ലാ​തെ ന​ഗ​ര​ത്തി​ലെ റോ​ഡി​ലൂ​ടെ ന​ട​ക്കാ​ൻ പ​റ്റാ​ത്ത സ്ഥി​തി​യാ​ണ്. ഇ​രു​ട്ടി​ന്‍റെ മ​റ​വി​ൽ സാ​മൂ​ഹി​ക​വി​രു​ദ്ധ​രു​ടെ​യും മോ​ഷ്ട​ക്ക​ളു​ടെ​യും ഉ​പ​ദ്ര​വം ഉ​ണ്ടാ​കു​മോ എ​ന്ന ഭീ​തി​യു​ണ്ട്. രാ​ത്രി എ​ട്ട്​ ക​ഴി​ഞ്ഞാ​ൽ ന​ഗ​ര​ത്തി​ലെ പ​ല റോ​ഡു​ക​ളി​ലൂ​ടെ​യും ഒ​റ്റ​ക്ക്​ ന​ട​ന്നു​പോ​കാ​ൻ ക​ഴി​യാ​ത്ത സാ​ഹ​ച​ര്യ​മാ​ണെ​ന്ന് ആ​ളു​ക​ൾ പ​റ​യു​ന്നു. ഇ​തു​മാ​യി ബ​ന്ധ​പ്പെ​ട്ട്​ കൗ​ൺ​സി​ലി​ൽ ​പ​ല ത​വ​ണ ച​ർ​ച്ച​ക​ൾ വ​ന്നെ​ങ്കി​ലും ന​ട​പ​ടി​ക​ളി​ലേ​ക്കെ​ത്തി​യി​ട്ടി​ല്ല. 

റീ ​ടെ​ന്‍ഡ​ര്‍ വി​ളി​ച്ച്​ ന​ഗ​ര​സ​ഭ

നി​ല​വി​ൽ വ​ഴി​വി​ള​ക്കു​ക​ളു​ടെ അ​റ്റ​കു​റ്റ​പ്പ​ണി​യു​മാ​യി ബ​ന്ധ​പ്പെ​ട്ട്​ ന​ഗ​ര​സ​ഭ റീ ​ടെ​ൻ​ഡ​ർ വി​ളി​ച്ചി​രി​ക്കു​ക​യാ​ണ്. ന​ഗ​ര​സ​ഭ ​നേ​ര​ത്തേ ക്ഷ​ണി​ച്ച ക്വ​ട്ടേ​ഷ​നി​ല്‍ ഇ​ല​ക്ട്രി​ക്ക​ല്‍ എ ​ക്ലാ​സ് ലൈ​സ​ന്‍സ് നി​ര്‍ബ​ന്ധ​മാ​യി​രു​ന്നു. ല​ഭ്യ​മാ​യ ക്വ​ട്ടേ​ഷ​നി​ല്‍ കു​റ​ഞ്ഞ നി​ര​ക്ക് ന​ല്‍കി​യ ആ​ള്‍ക്ക് മ​തി​യാ​യ ലൈ​സ​ന്‍സ് ഇ​ല്ലാ​യി​രു​ന്നു. ബാ​ക്കി മൂ​ന്നു​പേ​ര്‍ക്കും ബി ​ക്ലാ​സ് മാ​ത്ര​മാ​ണ് ഉ​ണ്ടാ​യി​രു​ന്ന​ത്. ഇ​തി​ല്‍ ര​ണ്ടാ​മ​ത്തെ​യാ​ള്‍ നി​ല​വി​ല്‍ ന​ഗ​ര​സ​ഭ​യി​ല്‍ ക​ഴി​ഞ്ഞ വ​ര്‍ഷം ക​രാ​ര്‍ എ​ടു​ത്തി​രു​ന്നു.

എ​ങ്കി​ലും കൃ​ത്യ​സ​മ​യ​ത്തു ജോ​ലി​ക​ള്‍ പൂ​ര്‍ത്തി​യാ​ക്കി​യി​ല്ലെ​ന്നും ഇ​യാ​ള്‍ക്ക് വീ​ണ്ടും ടെ​ന്‍ഡ​ര്‍ ന​ല്‍കു​ന്ന​തി​നെ എ​തി​ർ​ക്കു​ന്നു​വെ​ന്നും ഭ​ര​ണ-​പ്ര​തി​പ​ക്ഷ വ്യ​ത്യാ​സ​മി​ല്ലാ​തെ കൗ​ണ്‍സി​ല​ര്‍മാ​ര്‍ അ​റി​യി​ച്ച​​തോ​ടെ റീ ​ടെ​ൻ​ഡ​ർ വി​ളി​ക്കാ​ൻ തീ​രു​മാ​നി​ക്കു​ക​യാ​യി​രു​ന്നു. ന​ട​പ​ടി​ക​ൾ വേ​ഗ​ത്തി​ലാ​ക്കി പൊ​തു​ഇ​ട​ങ്ങ​ളി​ലെ ഇ​രു​ട്ട്​ ഇ​ല്ലാ​താ​ക്ക​ണ​മെ​ന്ന്​ യാ​ത്ര​ക്കാ​രും ന​ഗ​ര​വാ​സി​ക​ളു​മ​ട​ക്ക​മു​ള്ള​വ​ർ ആ​വ​ശ്യ​​പ്പെ​ട്ടു.