മദ്യഷാപ്പ് വേണ്ട, ഞങ്ങൾക്ക് പഠിക്കണം; കലക്ടർക്ക് 1000 കത്തെഴുതി വിദ്യാർഥികൾ

കു​മ​ളി: സ്കൂ​ൾ പ​രി​സ​ര​ത്ത് മ​ദ്യ​ഷാ​പ്പ് സ്ഥാ​പി​ക്കാ​നു​ള്ള സ​ർ​ക്കാ​ർ ന​ട​പ​ടി​യി​ൽ ക​ല​ക്ട​ർ​ക്ക് 1000 ക​ത്തെ​ഴു​തി വി​ദ്യാ​ർ​ഥി​ക​ൾ. തേ​നി ജി​ല്ല​യി​ലെ ക​മ്പ​ത്താ​ണ് വി​ദ്യാ​ർ​ഥി​ക​ൾ ക​ല​ക്ട​ർ കെ.​വി. മു​ര​ളീ​ധ​ര​ന് 1000 ക​ത്തു​ക​ൾ അ​യ​ച്ച​ത്.

ക​മ്പ​ത്ത് ആ​യി​ര​ത്തി​ല​ധി​കം വി​ദ്യാ​ർ​ഥി​ക​ൾ പ​ഠി​ക്കു​ന്ന ശ്രീ​മു​ത്ത​യ്യ​പി​ള്ള സ്മാ​ര​ക ഹൈ​സ്കൂ​ൾ വി​ദ്യാ​ർ​ഥി​ക​ളാ​ണ് സ്കൂ​ളി​ന് സ​മീ​പ​ത്ത് പു​തു​താ​യി പ്ര​വ​ർ​ത്ത​നം തു​ട​ങ്ങാ​നി​രി​ക്കു​ന്ന മ​ദ്യ​ഷാ​പ്പി​നെ​തി​രെ പ്ര​തി​ഷേ​ധ​വു​മാ​യി രം​ഗ​ത്തെ​ത്തി​യ​ത്.ക​മ്പം ആ​ങ്കൂ​ർ പാ​ള​യം റോ​ഡി​ലാ​ണ് സ്കൂ​ളു​ക​ൾ​ക്കും വ​നി​ത ശി​ശു​സം​ര​ക്ഷ​ണ സ​മി​തി ഓ​ഫി​സി​ന് സ​മീ​പ​ത്താ​യി മ​ദ്യ​ഷാ​പ്പ് തു​റ​ക്കാ​ൻ ന​ട​പ​ടി ആ​രം​ഭി​ച്ച​ത്.

പ്ര​ദേ​ശ​ത്ത് പു​തി​യ മ​ദ്യ​ഷാ​പ്പ് തു​റ​ക്കു​ന്ന​തോ​ടെ സ്വ​സ്ഥ​മാ​യു​ള്ള പ​ഠ​നം ഇ​ല്ലാ​താ​കു​മെ​ന്നും പ്ര​ദേ​ശം മ​ദ്യ​പാ​നി​ക​ളു​ടെ​യും ക്രി​മി​ന​ലു​ക​ളു​ടെ​യും സ​ങ്കേ​ത​മാ​യി മാ​റു​മെ​ന്നാ​ണ് വി​ദ്യാ​ർ​ഥി​ക​ൾ പോ​സ്റ്റ് കാ​ർ​ഡി​ൽ അ​യ​ച്ച പ​രാ​തി​യി​ൽ പ​റ​യു​ന്ന​ത്.

പ്ര​ശ്ന​ത്തി​ൽ അ​ടി​യ​ന്ത​ര​മാ​യി ഇ​ട​പെ​ടാ​മെ​ന്ന് തേ​നി ക​ല​ക്ട​ർ അ​റി​യി​ച്ചി​ട്ടു​ണ്ട്. മ​ദ്യ​ഷാ​പ്പ് തു​റ​ക്കു​ന്ന ന​ട​പ​ടി​യു​മാ​യി മു​ന്നോ​ട്ട് പോ​യാ​ൽ വി​ദ്യാ​ർ​ഥി​ക​ൾ​ക്കൊ​പ്പം ര​ക്ഷി​താ​ക്ക​ളും അ​ധ്യാ​പ​ക​രും സ​മ​ര​വു​മാ​യി തെ​രു​വി​ലി​റ​ങ്ങാ​നാ​ണ് തീ​രു​മാ​നം.