പ്രഖ്യാപനവും ഉദ്​ഘാടനവും വഴിപാട്​; ദുർഗതി മാറാതെ ഇടമലക്കുടി റോഡ്

മൂ​ന്നാ​ർ: സ​ർ​ക്കാ​ർ 13 കോ​ടി അ​നു​വ​ദി​ക്കു​ക​യും മ​ന്ത്രി എ​ത്തി നി​ർ​മാ​ണ ഉ​ദ്ഘാ​ട​നം നി​ർ​വ​ഹി​ക്കു​ക​യും ചെ​യ്തി​ട്ട് ര​ണ്ടു​മാ​സം പി​ന്നി​ട്ടെ​ങ്കി​ലും വ​നാ​ന്ത​ര ഗോ​ത്ര​വ​ർ​ഗ പ​ഞ്ചാ​യ​ത്താ​യ ഇ​ട​മ​ല​ക്കു​ടി​യി​ലേ​ക്കു​ള്ള റോ​ഡി​ന്റെ അ​വ​സ്ഥ പ​ഴ​യ​തു​ത​ന്നെ.

ഉ​ദ്യോ​ഗ​സ്ഥ​ർ​ക്ക്‌ എ​ത്തി​പ്പെ​ടാ​ൻ ക​ഴി​യാ​ത്ത​തി​നാ​ൽ ക​ഴി​ഞ്ഞ മാ​സ​ത്തെ പ​ഞ്ചാ​യ​ത്ത്‌ ഭ​ര​ണ​സ​മി​തി യോ​ഗം​പോ​ലും ന​ട​ത്താ​നാ​യി​ല്ല. പ​ഞ്ചാ​യ​ത്ത് ആ​സ്ഥാ​ന​മാ​യ സൊ​സൈ​റ്റി​ക്കു​ടി​യി​ലെ റേ​ഷ​ൻ ക​ട​യി​ൽ റേ​ഷ​ൻ ഉ​ൽ​പ​ന്ന​ങ്ങ​ൾ എ​ത്തി​ക്കാ​ൻ ക​ഴി​യാ​ത്ത​തി​നാ​ൽ കാ​ടും മ​ല​യും താ​ണ്ടി​യും വ​ന്യ​മൃ​ഗ​ങ്ങ​ളെ ഭ​യ​ന്നും ര​ണ്ട​ര മ​ണി​ക്കൂ​ർ​വ​രെ ന​ട​ന്നാ​ണ് വി​ദൂ​ര ഊ​രു​ക​ളി​ലെ കു​ടും​ബ​ങ്ങ​ൾ റേ​ഷ​ൻ വാ​ങ്ങു​ന്ന​ത്. നി​ല​വി​ൽ ഇ​ഡ​ലി​പ്പാ​റ റേ​ഷ​ൻ ക​ട​യി​ൽ എ​ത്ത​ണം ഇ​വ​ർ​ക്ക് അ​രി കി​ട്ട​ണ​മെ​ങ്കി​ൽ.

വി​ദൂ​ര ഊ​രു​ക​ളാ​യ മു​ള​കു​ത​റ, കൂ​ട​ല്ലാ​ർ, മീ​ൻ​കു​ത്തി, നെ​ന്മ​ണ​ൽ തു​ട​ങ്ങി​യ കോ​ള​നി​ക​ളി​ൽ​നി​ന്നു​ള്ള​വ​രാ​ണ് ഇ​ത്ര​യും ദൂ​രം ന​ട​ന്ന് ഇ​ഡ​ലി​പ്പാ​റ​യി​ൽ എ​ത്തേ​ണ്ട​ത്. വ​നാ​തി​ർ​ത്തി​യാ​യ പെ​ട്ടി​മു​ടി​യി​ൽ​നി​ന്ന് ഇ​ഡ​ലി​പ്പാ​റ വ​രെ റോ​ഡ് ഗ​താ​ഗ​ത​യോ​ഗ്യ​മാ​ക്കു​ന്ന​തി​നാ​ണ് 13 കോ​ടി അ​നു​വ​ദി​ച്ച​ത്. പൊ​തു​മ​രാ​മ​ത്ത് വ​കു​പ്പി​നാ​ണ് നി​ർ​മാ​ണ ചു​മ​ത​ല. ഇ​വ​ർ ടെ​ൻ​ഡ​ർ ന​ൽ​കു​ക​യും നി​ർ​മാ​ണ​ക്ക​രാ​ർ ഒ​പ്പി​ടു​ക​യും ചെ​യ്തെ​ങ്കി​ലും പ​ണി തു​ട​ങ്ങി​യി​ല്ല.

മ​ഴ​ക്കാ​ല​മാ​യ​തോ​ടെ ചെ​ളി​ക്കു​ണ്ടാ​യി മാ​റി​യ ഈ ​പാ​ത​യി​ൽ വ​ട​വും തൂ​മ്പ​യു​മാ​യാ​ണ് ജീ​പ്പു​ക​ൾ ഓ​ടു​ന്ന​ത്. പ​ല​ഭാ​ഗ​ത്തും വ​ടം​കെ​ട്ടി വ​ലി​ച്ചും റോ​ഡി​ലെ ച​ളി​യും ക​ല്ലും നീ​ക്കം​ചെ​യ്യു​ക​യും ചെ​യ്താ​ലേ ജീ​പ്പു​ക​ൾ​ക്ക് മു​ന്നോ​ട്ടു​നീ​ങ്ങാ​ൻ ക​ഴി​യു​ക​യു​ള്ളൂ. ഉ​ദ്യോ​ഗ​സ്ഥ​ർ​ക്ക് എ​ത്താ​ൻ ബു​ദ്ധി​മു​ട്ടാ​യ​തി​നാ​ൽ പ​ഞ്ചാ​യ​ത്ത് ഓ​ഫി​സ് പേ​രി​നു​മാ​ത്ര​മാ​ണ് പ്ര​വ​ർ​ത്ത​നം.

ഊ​രു​നി​വാ​സി​ക​ൾ​ക്ക് പ​ഞ്ചാ​യ​ത്തു​മാ​യി ബ​ന്ധ​പ്പെ​ട്ട സേ​വ​ന​ങ്ങ​ൾ​ക്ക് 50 കി​ലോ​മീ​റ്റ​ർ താ​ണ്ടി ദേ​വി​കു​ള​ത്ത് എ​ത്ത​ണം. അ​നു​വ​ദി​ച്ച തു​ക ഉ​പ​യോ​ഗി​ച്ച് റോ​ഡ് നി​ർ​മാ​ണം ഉ​ട​ൻ ആ​രം​ഭി​ക്ക​ണ​മെ​ന്നാ​ണ് ഇ​ട​മ​ല​ക്കു​ടി ഭ​ര​ണ​സ​മി​തി അം​ഗ​ങ്ങ​ളു​ടെ​യും കു​ടി​നി​വാ​സി​ക​ളു​ടെ​യും ആ​വ​ശ്യം.