കോവിഡ് ബാധിതർ പനി ഗുളിക കഴിച്ച് പണിക്കിറങ്ങുന്നു; ഇടുക്കിയിൽ പരിശോധന തുടങ്ങി

നെ​ടു​ങ്ക​ണ്ടം: കോ​വി​ഡ് ബാ​ധി​ത​രാ​യ തൊ​ഴി​ലാ​ളി​ക​ൾ പ​രി​ശോ​ധ​ന ന​ട​ത്താ​ൻ ത​യാ​റാ​കാ​തെ പ​നി ഗു​ളി​ക​ക​ള്‍ ക​ഴി​ച്ച് പ​ണി​ക്കി​റ​ങ്ങു​ന്ന​താ​യി വി​വ​രം. ഇ​തി​െൻറ അ​ടി​സ്ഥാ​ന​ത്തി​ൽ ആ​രോ​ഗ്യ​വ​കു​പ്പ്​ ഉ​ടു​മ്പ​ന്‍ചോ​ല പാ​റ​ത്തോ​ട് മേ​ഖ​ല​ക​ളി​ൽ ന​ട​ത്തി​യ ആ​ൻ​റി​ജ​ൻ പ​രി​ശോ​ധ​ന​യി​ല്‍ 107 പേ​ര്‍ക്ക് രോ​ഗം സ്ഥി​രീ​ക​രി​ച്ചു. ഇ​തോ​ടെ പ്ര​ദേ​ശ​ത്ത് നി​യ​ന്ത്ര​ണം ക​ടു​പ്പി​ച്ചി​രി​ക്കു​ക​യാ​ണ്.

ക​ഴി​ഞ്ഞ ദി​വ​സം നെ​ടു​ങ്ക​ണ്ടം, ഉ​ടു​മ്പ​ന്‍ചോ​ല പ്ര​ദേ​ശ​ത്തെ മെ​ഡി​ക്ക​ല്‍ ഷോ​പ്പു​ക​ളി​ല്‍നി​ന്ന്​ പ​നി​ക്കു​ള്ള ഗു​ളി​ക​ക​ള്‍ പാ​ക്ക​റ്റ് ക​ണ​ക്കി​ന് ധാ​രാ​ള​മാ​ളു​ക​ള്‍ വാ​ങ്ങു​ന്ന​താ​യി ശ്ര​ദ്ധ​യി​ല്‍പെ​ട്ടു. തു​ട​ർ​ന്ന്​ ജ​ന​മൈ​ത്രി പൊ​ലീ​സും ന​ട​ത്തി​യ അ​ന്വേ​ഷ​ണ​ത്തി​ലാ​ണ് വി​വ​രം ശ്ര​ദ്ധ​യി​ൽ​പെ​ട്ട​ത്.

ഗു​ളി​ക വാ​ങ്ങി​യ​വ​രി​ല്‍ ഏ​റെ​യും പാ​റ​ത്തോ​ട് പ്ര​ദേ​ശ​ത്തു​ള്ള​വ​രാ​ണെ​ന്ന് ക​ണ്ടെ​ത്തി. തു​ട​ര്‍ന്നാ​ണ് പ്ര​ദേ​ശ​ത്ത് ആ​ളു​ക​ളെ കൂ​ട്ട​ത്തോ​ടെ ആ​ൻ​റി​ജ​ന്‍ പ​രി​ശോ​ധ​ന​ക്ക്​ വി​ധേ​യ​മാ​ക്കി​യ​ത്. പ​രി​ശോ​ധി​ച്ച​തി​ല്‍ നാ​ലി​ല്‍ ഒ​രാ​ള്‍ക്ക് വീ​തം രോ​ഗം സ്ഥി​രീ​ക​രി​ച്ചു.

കോ​വി​ഡ് സ്ഥി​രീ​ക​രി​ച്ചാ​ല്‍ വീ​ട്ടി​ലെ വ​രു​മാ​നം നി​ല​ക്കു​മെ​ന്ന​തി​നാ​ലാ​ണ് പ​ല​രും പ​രി​ശോ​ധ​ന​പോ​ലും ഒ​ഴി​വാ​ക്കു​ന്ന​ത്. 545 രോ​ഗി​ക​ളാ​ണ് നി​ല​വി​ല്‍ ഉ​ടു​മ്പ​ന്‍ചോ​ല പ​ഞ്ചാ​യ​ത്തി​ല്‍ മാ​ത്ര​മു​ള്ള​ത്. നി​യ​മം ലം​ഘി​ക്കു​ക​യും രോ​ഗം പ​ട​ര്‍ത്താ​ന്‍ ശ്ര​മി​ക്കു​ന്ന​വ​ര്‍ക്കു​മെ​തി​രെ ക​ര്‍ശ​ന ന​ട​പ​ടി​യും കൂ​ടു​ത​ല്‍ ഫോ​ഴ്‌​സി​നെ പ​ഞ്ചാ​യ​ത്തി​ല്‍ വി​ന്യ​സി​പ്പി​ക്ക​ണ​മെ​ന്നും ഭ​ര​ണ​സ​മി​തി ജി​ല്ല ഭ​ര​ണ​കൂ​ട​ത്തോ​ട് ആ​വ​ശ്യ​പ്പെ​ട്ടു.

കു​മ​ളി മൂ​ന്നാ​ര്‍ സം​സ്ഥാ​ന പാ​ത​യും പോ​ക്ക​റ്റ്​ റോ​ഡു​ക​ളു​മെ​ല്ലാം ബാ​രി​ക്കേ​ഡു​ക​ള്‍െ​വ​ച്ച് അ​ട​ച്ച് പൊ​ലീ​സ് ഉ​ദ്യോ​ഗ​സ്ഥ​ര്‍ കാ​വ​ല്‍ നി​ന്നി​ട്ടും ശ​രി​യാ​യ രീ​തി​യി​ല്‍ മാ​സ്‌​ക് ധ​രി​ക്കാ​തെ​യും സ​ത്യ​വാ​ങ്മൂ​ലം ക​രു​താ​തെ​യും തോ​ട്ടം തൊ​ഴി​ലാ​ളി​ക​ള്‍ നി​സ്സാ​ര ആ​വ​ശ്യ​ങ്ങ​ള്‍ക്കു​വ​രെ ടൗ​ണി​ലേ​ക്ക് ഇ​റ​ങ്ങു​ന്ന​താ​യി ആ​ക്ഷേ​പ​മു​ണ്ട്. തോ​ട്ട​ങ്ങ​ളി​ലെ പ​ണി പൂ​ര്‍ണ​മാ​യി നി​ര്‍ത്തി​വെ​ച്ചി​ട്ടും അ​ധി​കൃ​ത​രു​ടെ ക​ണ്ണു​വെ​ട്ടി​ച്ച് ഊ​ടു​വ​ഴി​ക​ളി​ലൂ​ടെ​യും മ​റ്റും കൂ​ട്ട​മാ​യെ​ത്തി പ​ണി ചെ​യ്തു മ​ട​ങ്ങു​ന്ന​ത് നൂ​റു​ക​ണ​ക്കി​ന് ആ​ളു​ക​ളാ​ണ്. പ​ഞ്ചാ​യ​ത്തി​ലെ സ്ഥി​തി​ഗ​തി​ക​ള്‍ വി​ല​യി​രു​ത്തു​ന്ന​തി​ൻ ക​ല​ക്ട​ര്‍, എ​സ്.​പി, ആ​രോ​ഗ്യ വ​കു​പ്പ് അ​ധി​കൃ​ത​ര്‍, ജ​ന​പ്ര​തി​നി​ധി​ക​ള്‍ എ​ന്നി​വ​രു​ടെ നേ​തൃ​ത്വ​ത്തി​ല്‍ അ​ടി​യ​ന്ത​ര ഓ​ണ്‍ലൈ​ന്‍ യോ​ഗം ചേ​ര്‍ന്നു.

സ്ഥി​തി അ​തി ഗു​രു​ത​ര​മാ​ണെ​ങ്കി​ലും നി​യ​ന്ത്ര​ണ വി​ധേ​യ​മാ​െ​ണ​ന്നാ​ണ് വി​ല​യി​രു​ത്ത​ല്‍. കൂ​ടു​ത​ല്‍ ഉ​ദ്യോ​ഗ​സ്ഥ​രെ വി​ന്യ​സി​പ്പി​ക്കു​ന്ന​തി​നൊ​പ്പം ല​യ​ങ്ങ​ള്‍ ക​യ​റി​യു​ള്ള പ​രി​ശോ​ധ​ന കാ​മ്പ​യി​ന്‍ ന​ട​ത്താ​നും തീ​രു​മാ​ന​മാ​യി.