എല്ലാ റോഡുകളും തകർന്നു; വാഗമണ്ണിൽ റോഡില്ലെന്ന്​ പറഞ്ഞാൽ മന്ത്രി വിശ്വസിക്കുമോ...?

തൊ​ടു​പു​ഴ: ടൂ​റി​സ​മാ​ണ്​ നാ​ടി​ന്‍റെ പു​രോ​ഗ​തി​ക്കു​ള്ള ഒ​റ്റ​മൂ​ലി എ​ന്നാ​ണ്​ വ​കു​പ്പു​മ​ന്ത്രി ആ​വ​ർ​ത്തി​ക്കു​ന്ന​ത്. അ​തി​നാ​യി പ്ര​ത്യേ​ക പ​രി​ഗ​ണ​ന​യും പ​ര​സ്യ​വു​മൊ​ക്കെ മു​റ​​തെ​റ്റാ​​തെ ന​ൽ​കു​ന്നു​മു​ണ്ട്. ദൈ​വ​ത്തി​ന്‍റെ സ്വ​ന്തം ദേ​ശം കാ​ണാ​ൻ വി​ദേ​ശി​ക​ളും സ്വ​ദേ​ശി​ക​ളു​മാ​യ ടൂ​റി​സ്റ്റു​ക​ൾ കേ​ര​ള​ത്തി​ലേ​ക്ക്​ ഒ​ഴു​കു​മെ​ന്നാ​ണ്​ വെ​പ്പ്.

ടൂ​റി​സ​ത്തി​ന്‍റെ മാ​ത്രം മ​ന്ത്രി​യ​ല്ല ഈ ​പ​റ​യു​ന്ന​ത്. അ​രി​ക്കൊ​മ്പ​നെ നാ​ടു​ക​ട​ത്തി​യ ദൃ​ശ്യം ചാ​ന​ലു​ക​ൾ ത​ത്സ​മ​യം സം​പ്രേ​ഷ​ണം ചെ​യ്ത​പ്പോ​ൾ കേ​ര​ള​ത്തി​ലെ റോ​ഡു​ക​ളു​ടെ നി​ല​വാ​ര​വും മ​നോ​ഹാ​രി​ത​യും ക​ണ്ട്​ മ​റു​നാ​ട്ടു​കാ​ർ​പോ​ലും ഞെ​ട്ടി​പ്പോ​യെ​ന്ന്​ പ​റ​ഞ്ഞ​ത്​ പൊ​തു​മ​രാ​മ​ത്ത്​ മ​ന്ത്രി​യാ​ണ്. അ​തേ മ​ന്ത്രി​ത​ന്നെ ടൂ​റി​സം വ​കു​പ്പി​ന്‍റെ​യും ത​ല​പ്പ​ത്തി​രി​ക്കു​​മ്പോ​ൾ ഇ​ടു​ക്കി​യി​ലെ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ൽ ഏ​റ്റ​വും പ്ര​ധാ​ന​പ്പെ​ട്ട വാ​ഗ​മ​ണി​ലേ​ക്കു​കൂ​ടി ക​ണ്ണു​ക​ൾ തി​രി​ച്ചു​വെ​ക്ക​ണം.

പു​ൽ​മേ​ടു​ക​ളാ​ൽ അ​തി​രു​തി​രി​ച്ച വാ​ഗ​മ​ണ്ണി​ന്‍റെ സൗ​ന്ദ​ര്യം കാ​ണാ​ൻ വി​ദൂ​ര​ങ്ങ​ളി​ൽ​നി​ന്നു​പോ​ലും ആ​യി​ര​ങ്ങ​ൾ ദി​നേ​ന എ​ത്തു​ന്നു​ണ്ട്. അ​വ​ധി ദി​ന​ങ്ങ​ളി​ലും ആ​ഘോ​ഷ നാ​ളു​ക​ളി​ലും ജ​ന​സാ​ഗ​ര​മാ​കും വാ​ഗ​മ​ൺ. പ​ക്ഷേ, ന​ടു​വൊ​ടി​ഞ്ഞു​വേ​ണം സ​ഞ്ചാ​രി​ക​ൾ​ക്ക്​ വാ​ഗ​മ​ണ്ണി​ലെ​ത്താ​ൻ. ഏ​ല​പ്പാ​റ ക​ഴി​ഞ്ഞ്​ വാ​ഗ​മ​ൺ ടൗ​ണി​ലേ​ക്ക്​ പ്ര​വേ​ശി​ക്കു​ന്ന​തു മു​ത​ൽ യാ​ത്ര​ക്കാ​രു​ടെ ന​ട്ടെ​ല്ല്​ ബ​ല​പ​രീ​ക്ഷ​ണ വ​സ്തു​വാ​യി മാ​റും. ന​ട​ന്നു​പോ​കാ​ൻ​പോ​ലും പ​റ്റാ​ത്ത അ​വ​സ്ഥ​യി​ൽ പ​ല​യി​ട​ങ്ങ​ളും പൊ​ട്ടി​പ്പൊ​ളി​ഞ്ഞു കി​ട​ക്കു​ന്നു.

ടൗ​ൺ ക​ട​ന്ന്​ മൊ​ട്ട​ക്കു​ന്നു​ക​ൾ എ​ത്തു​ന്ന​തി​നു മു​മ്പു​ള്ള ടാ​ക്സി സ്റ്റാ​ൻ​ഡി​ന്‍റെ മു​ൻ​വ​ശ​മാ​ണ്​ ഏ​റ്റ​വും പൊ​ളി​ഞ്ഞു കി​ട​ക്കു​ന്ന​ത്. പൊ​ളി​ഞ്ഞ പാ​ത​യി​ലൂ​ടെ ഓ​രോ വാ​ഹ​ന​ങ്ങ​ളും ക​ട​ന്നു​പോ​കാ​ൻ ഇ​ര​ട്ടി​യി​ലേ​റെ സ​മ​യം വേ​ണ്ടി​വ​രു​ന്നു. കു​ഴി​യി​ൽ വീ​ഴാ​തി​രി​ക്കാ​ൻ വാ​ഹ​ന​ങ്ങ​ൾ വെ​ട്ടി​ക്കു​മ്പോ​ൾ മ​റ്റ്​ വാ​ഹ​ന​ങ്ങ​ളെ ഇ​ടി​ച്ചി​ടു​ന്ന​ത്​ പ​തി​വാ​ണെ​ന്ന്​ ടാ​ക്സി ഡ്രൈ​വ​ർ​മാ​ർ സാ​ക്ഷ്യ​പ്പെ​ടു​ത്തു​ന്നു. ക​ട്ട​പ്പ​ന ഭാ​ഗ​ത്തു​നി​ന്നും കോ​ട്ട​യം ഭാ​ഗ​ത്തു​നി​ന്നും തൊ​ടു​പു​ഴ ഭാ​ഗ​ത്തു​നി​ന്നും വാ​ഗ​മ​ണ്ണി​ലേ​ക്ക്​ വ​ന്നു​ചേ​രു​ന്ന എ​ല്ലാ റോ​ഡു​ക​ളു​ടെ​യും ഗ​തി അ​ധോ​ഗ​തി ത​ന്നെ. മ​ഴ​ക്കാ​ലം​കൂ​ടി ക​ഴി​ഞ്ഞ​തോ​ടെ പ​ല​യി​ട​ത്തും റോ​ഡി​ന്‍റെ അ​സ്ഥി​പ​ഞ്ജ​രം മാ​ത്രം. ഇ​വി​ടെ റോ​ഡു​ണ്ടാ​യി​രു​ന്നു എ​ന്നു തോ​ന്നി​പ്പി​ക്കു​ന്നു​ണ്ട്​ പ​ല​യി​ട​ത്തെ​യും അ​വ​സ്ഥ.

മൂ​ത്ര​മൊ​ഴി​ക്കാ​നും സൗ​ക​ര്യ​മി​ല്ല

സ​ഞ്ചാ​രി​ക​ൾ ഏ​റ്റ​വും കൂ​ടു​ത​ൽ വ​രു​ന്ന​ത്​ മൊ​ട്ട​ക്കു​ന്നു​ക​ളി​ലും പൈ​ൻ​മ​ര കാ​ടു​ക​ളി​ലു​മാ​ണ്. ഇ​വി​ടെ എ​ത്തു​ന്ന സ​ഞ്ചാ​രി​ക​ൾ​ക്ക്​ പ്രാ​ഥ​മി​ക ആ​വ​ശ്യ​ങ്ങ​ൾ നി​ർ​വ​ഹി​ക്കാ​നു​ള്ള സം​വി​ധാ​ന​ങ്ങ​ളാ​ക​ട്ടെ പേ​രി​നു മാ​ത്രം. പൈ​ൻ​മ​ര​ക്കാ​ട്ടി​ലേ​ക്ക്​ പോ​കു​ന്ന വ​ഴി​യി​ൽ നൂ​റു​ക​ണ​ക്കി​ന്​ ക​ച്ച​വ​ട സ്ഥാ​പ​ന​ങ്ങ​ളു​ണ്ട്. പ​ക്ഷേ, ഒ​ന്നു മൂ​ത്ര​മൊ​ഴി​ക്കാ​ൻ​പോ​ലും സൗ​ക​ര്യ​മി​ല്ല. പാ​ർ​ക്കി​ന​ക​ത്ത്​ ഇ​ത്ത​രം ഒ​രു സം​വി​ധാ​ന​വും ഒ​രു​ക്കി​യി​ട്ടി​ല്ല. എ​ൻ​ട്രി ഫീ​സി​ന​ത്തി​ൽ ദി​വ​സ​വും ല​ക്ഷ​ങ്ങ​ൾ വ​രു​മാ​ന​മു​ള്ള ഒ​രി​ട​ത്തെ അ​വ​സ്ഥ​യാ​ണി​ത്. സെ​ക്യൂ​രി​റ്റി​ക്കാ​രോ​ട്​ ശൗ​ചാ​ല​യ​​ത്തെ​ക്കു​റി​ച്ച്​ ചോ​ദി​ച്ചാ​ൽ അ​വ​ർ റോ​ഡി​ന​പ്പു​റ​മു​ള്ള ക​യ​റ്റ​ത്തി​ലെ സ്വ​കാ​ര്യ ഹോ​ട്ട​ൽ ചൂ​ണ്ടി​ക്കാ​ണി​ക്കും.

അ​വി​ട​ത്തെ പ​രി​മി​ത സൗ​ക​ര്യം ഉ​പ​യോ​ഗി​ക്ക​ണ​മെ​ങ്കി​ൽ ത​ന്നെ 10 രൂ​പ കൊ​ടു​ക്ക​ണം. മാ​ത്ര​മ​ല്ല, ഏ​റെ സ​മ​യം ക്യൂ​വി​ൽ നി​ൽ​ക്കു​ക​യും വേ​ണം. സ്വ​കാ​ര്യ ഹോ​ട്ട​ലു​കാ​ർ​ക്ക്​ പ​ണ​മു​ണ്ടാ​ക്കാ​ൻ ടൂ​റി​സം വ​കു​പ്പ്​ ഒ​ത്താ​ശ ചെ​യ്യു​ന്ന​തു​പോ​ലെ​യാ​ണ്​ തോ​ന്നു​ക. അ​തേ​സ​മ​യം, കൂ​ട്ടി​ക്ക​ൽ പ​ഞ്ചാ​യ​ത്തി​ൽ​പെ​ട്ട അ​ഡ്വ​ഞ്ച​ർ പാ​ർ​ക്കി​ൽ താ​ര​ത​മ്യേ​ന ഭേ​ദ​പ്പെ​ട്ട സൗ​ക​ര്യ​വു​മു​ണ്ട്. സാ​ധാ​ര​ണ​ക്കാ​ർ​ക്ക്​ വ​ന്ന്​ ക​ണ്ടു​പോ​കാ​മെ​ന്ന​ല്ലാ​തെ ഗ്ലാ​സ്​ ബ്രി​ഡ്ജി​ലോ പാ​രാ​ഗ്രൈ​ഡി​ങ്ങി​ലോ ബ​ങ്കി​ജം​പി​ങ്ങി​ലോ ക​യ​റാ​നാ​വാ​ത്ത ക​ഴു​ത്ത​റ​പ്പ​ൻ ചാ​ർ​ജാ​ണ്​ വാ​ങ്ങു​ന്ന​ത്.

ശു​ചീ​ക​ര​ണ​ത്തി​ന്​ ആ​ളി​ല്ല

ശു​ചീ​ക​ര​ണ​ത്തി​ന്‍റെ കാ​ര്യം അ​ങ്ങേ​യ​റ്റം പ​രി​താ​പ​ക​ര​മാ​ണ്. പൈ​ൻ​മ​ര​ക്കാ​ട്ടി​ൽ പ്ലാ​സ്റ്റി​ക്​ ബോ​ട്ടി​ലു​ക​ൾ ചി​ത​റി​ത്തെ​റി​ച്ചു കി​ട​ക്കു​ന്നു. ഭ​ക്ഷ​ണാ​വ​ശി​ഷ്ട​ങ്ങ​ളും ഡി​സ്​​പോ​സ​ബി​ൾ പ്ലേ​റ്റും ഗ്ലാ​സു​മൊ​ക്കെ പേ​രി​നു മാ​ത്ര​മു​ള്ള ബി​ന്നു​ക​ൾ​ക്ക്​ പു​റ​ത്താ​ണ്​ കി​ട​ക്കു​ന്ന​ത്. ആ​വ​ശ്യ​ത്തി​ന്​ ശു​ചീ​ക​ര​ണ തൊ​ഴി​ലാ​ളി​ക​ൾ ഇ​ല്ലാ​ത്ത​തും കു​ടി​വെ​ള്ളം ഒ​രു​ക്കാ​ത്ത​തും ​സ​ഞ്ചാ​രി​ക​ൾ​ക്ക്​ പ്ര​ശ്ന​ങ്ങ​ൾ സൃ​ഷ്ടി​ക്കു​ന്നു.

മൂ​ന്നാ​ർ-​ബോ​ഡി​മെ​ട്ട്​ റോ​ഡി​ന്‍റെ ഭം​ഗി​ക​ണ്ട്​ മ​യ​ങ്ങി​യാ​ൽ മാ​ത്രം പോ​ര. ജി​ല്ല​യി​ലെ മ​റ്റ്​ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ലെ സ്ഥി​തി​യും വ​കു​പ്പ്​ മ​ന്ത്രി നേ​രി​ൽ ക​ണ്ട​റി​യാ​ൻ ഒ​ന്നി​റ​ങ്ങ​ണ​മെ​ന്നാ​ണ്​ വാ​ഗ​മ​ൺ ക​ണ്ടു​മ​ട​ങ്ങു​ന്ന സ​ഞ്ചാ​രി​ക​ൾ പ​റ​യു​ന്ന​ത്.