സപ്ലൈകോ ഔട്ട്​ലെറ്റുകളിൽ സബ്​സിഡി സാധനങ്ങളില്ല

തൊ​ടു​പു​ഴ: സ​പ്ലൈ​കോ ഡി​പ്പോ​യി​ൽ സ​ബ്സി​ഡി ഇ​ന​ങ്ങ​ൾ ഒ​ന്നു​മി​ല്ല. കു​റ​ഞ്ഞ നി​ര​ക്കി​ൽ ല​ഭി​ക്കു​ന്ന സാ​ധ​ന​ങ്ങ​ൾ തീ​ർ​ന്ന​തോ​ടെ സാ​ധാ​ര​ണ​ക്കാ​ർ ദു​രി​ത​ത്തി​ലാ​യി. ഡി​പ്പോ​യി​ൽ നി​ന്ന് ഔ​ട്ട്​​ലെ​റ്റു​ക​ളി​ലേ​ക്കു​ള്ള വി​ത​ര​ണം ഇ​ല്ലാ​താ​യ​തോ​ടെ വി​ൽ​പ​ന കേ​ന്ദ്ര​ങ്ങ​ളെ​ല്ലാം കാ​ലി​യാ​യാ​ണ്. മി​ക്ക വി​ൽ​പ​ന​കേ​ന്ദ്ര​ങ്ങ​ളി​ലും ഓ​ണ​ത്തി​ന് എ​ത്തി​യ സ​ബ്സി​ഡി സാ​ധ​ന​ങ്ങ​ളി​ൽ പ​ഞ്ച​സാ​ര, ക​ട​ല, ക​ടു​ക്, പ​രി​പ്പ് എ​ന്നി​വ ര​ണ്ടാ​ഴ്ച മു​മ്പു​വ​രെ സ്റ്റോ​ക്ക് ഉ​ണ്ടാ​യി​രു​ന്നു. എ​ല്ലാം തീ​ർ​ന്ന​ത്​ അ​റി​യാ​തെ എ​ത്തു​ന്ന ഉ​പ​ഭോ​ക്താ​ക്ക​ൾ നി​രാ​ശ​രാ​യി മ​ട​ങ്ങു​ക​യാ​ണ്.

സ​ബ്സി​ഡി ഉ​ൽ​പ​ന്ന​ങ്ങ​ൾ വാ​ങ്ങാ​നാ​ണ് സാ​ധാ​ര​ണ​ക്കാ​ർ സ​പ്ലൈ​കോയെ ആ​ശ്ര​യി​ക്കു​ന്ന​ത്. സ്റ്റോ​ക്ക് എ​ത്തു​ന്ന​ത് വൈ​കു​ന്തോ​റും കൂ​ടി​യ വി​ല​യി​ൽ പു​റ​ത്തു​നി​ന്ന്​ സാ​ധ​ന​ങ്ങ​ൾ വാ​ങ്ങി ജ​ന​ങ്ങ​ൾ സാ​മ്പ​ത്തി​ക ബു​ദ്ധി​മു​ട്ടി​ലാ​കു​ന്ന സ്ഥി​തി​യാ​ണ്. അ​തേ​സ​മ​യം സാ​ധ​ന​ങ്ങ​ൾ എ​ന്ന്​ ല​ഭി​ക്കു​മെ​ന്ന കാ​ര്യ​ത്തി​ൽ അ​ധി​കൃ​ത​ർ​ക്ക്​ കൃ​ത്യ​മാ​യ മ​റു​പ​ടി​യി​ല്ല. സ​ബ്സി​ഡി ഇ​ന​ത്തി​ൽ ന​ൽ​കു​ന്ന 13 സാ​ധ​ന​ങ്ങ​ളും ഒ​രു​മി​ച്ച് സ്റ്റോ​റു​ക​ളി​ൽ എ​ത്താ​താ​യ​ത്​ സ​പ്ലൈ​കോ ഔ​ട്ട്​​ല​റ്റു​ക​ളി​ൽ വി​ൽ​പ​ന തീ​ർ​ത്തും കു​റ​യു​ന്ന​തി​നും കാ​ര​ണ​മാ​യി​ട്ടു​ണ്ട്. പ​ല ഘ​ട്ട​മാ​യാ​ണ്​ സാ​ധ​ന​ങ്ങ​ൾ കു​റ​ച്ചെ​ങ്കി​ലും എ​ത്തു​ന്ന​ത്. ഇ​തു​മൂ​ലം ആ​ദ്യം എ​ത്തി​ക്കു​ന്ന സാ​ധ​ന​ങ്ങ​ൾ അ​ടു​ത്ത സാ​ധ​ന​ങ്ങ​ൾ വ​രു​മ്പോ​ഴേ​ക്ക്​ തീ​രു​ന്ന സ്ഥി​തി​യു​മു​ണ്ട്. വി​ത​ര​ണം ചെ​യ്യു​ന്ന സാ​ധ​ന​ങ്ങ​ളു​ടെ വി​ല ല​ഭി​ക്കാ​ത്ത​തി​നാ​ൽ ഓ​ർ​ഡ​ർ ന​ൽ​കു​ന്ന​തി​ലും കു​റ​ഞ്ഞ അ​ള​വി​ലാ​ണ്​ വി​ത​ര​ണ​ക്കാ​ർ സ​പ്ലൈ​കോ​യി​ലേ​ക്ക്​ സാ​ധ​ന​ങ്ങ​ൾ എ​ത്തി​ക്കു​ന്ന​ത്.