പൂട്ട്​ വീണ്​ തൊടുപുഴ നഗരത്തിലെ രണ്ട് ശൗചാലയങ്ങൾ

തൊ​ടു​പു​ഴ: ഏ​റെ യാ​ത്ര​ക്കാ​ർ ഉ​പ​യോ​ഗി​ക്കു​ന്ന ന​ഗ​ര​സ​ഭ​യു​ടെ ര​ണ്ട് ശൗചാലയങ്ങൾ അ​ട​ഞ്ഞു കി​ട​ക്കു​ന്നു. തൊ​ടു​പു​ഴ ന​ഗ​ര​സ​ഭ ഓ​ഫി​സി​ന് എ​തി​ര്‍വ​ശ​ത്തെ മു​നി​സി​പ്പ​ല്‍ പാ​ര്‍ക്കി​ലെ സ്ത്രീ​സൗ​ഹൃ​ദ ശൗചാലയങ്ങളും ജ്യോ​തി സൂ​പ്പ​ര്‍ ബ​സാ​റി​ന് എ​തി​ര്‍വ​ശ​ത്തെ ടാ​ക്‌​സി സ്റ്റാ​ന്‍ഡി​ലേ​യും പൊ​തു ശൗചാലയങ്ങളുമാ​ണ് ദി​വ​സ​ങ്ങ​ളാ​യി അ​ട​ഞ്ഞു കി​ട​ക്കു​ന്ന​ത്. യാ​ത്ര​ക്കാ​രും വി​വി​ധ ആ​വ​ശ്യ​ങ്ങ​ൾ​ക്കാ​യി എ​ത്തു​ന്ന​വ​രും ആ​ശ്ര​യി​ച്ചി​രു​ന്ന ന​ഗ​ര ഹൃ​ദ​യ​ത്തി​ലെ ശൗചാലയങ്ങളായി​രു​ന്നു ഇ​വ.

പാ​ർ​ക്കി​ലെ​ത്തു​ന്ന​വ​ർ​ക്കും സ​മീ​പ​ത്തെ സ​ർ​ക്കാ​ർ ഓ​ഫി​സു​ക​ളി​ലേ​ക്കെ​ത്തു​ന്ന​വ​ർ​ക്കു​മൊ​ക്കെ ആ​ശ്ര​യ​മാ​യി​വു​ന്നു മു​നി​സി​പ്പ​ൽ ഓ​ഫി​സി​ന്​ മു​ന്നി​ലെ ശു​ചി​മു​റി അ​വ​ധി​ക്കാ​ല​മാ​യ​തി​നാ​ല്‍ പാ​ര്‍ക്കി​ലും കു​ടും​ബ​ത്തോ​ടെ ആ​ളു​ക​ള്‍ എ​ത്തു​ന്ന​തി​നാ​ല്‍ വ​ലി​യ തി​ര​ക്ക​നു​ഭ​വ​പ്പെ​ടു​ന്നു​ണ്ട്.

ടാ​ക്‌​സി സ്റ്റാ​ന്‍ഡി​ലെ ശു​ചി​മു​റി പൊ​തു​ജ​ന​ങ്ങ​ള്‍ക്കു പു​റ​മെ ഡ്രൈ​വ​ര്‍മാ​രും ഉ​പ​യോ​ഗി​ക്കു​ന്ന​താ​ണ്. ഇ​തി​നു സ​മീ​പ​ത്തെ​ങ്ങും മ​റ്റ് ശൗചാലയങ്ങളി​ല്ല. ഗാ​ന്ധി​സ്‌​ക്വ​യ​റി​നു സ​മീ​പം ടൗ​ണ്‍ ഹാ​ളി​നോ​ടു ചേ​ര്‍ന്നാ​ണ് പി​ന്നെ ഒ​രു ശൗചാലയങ്ങളുള്ള​ത്. ഇ​വി​ടെ വ​രെ ന​ട​ന്ന് എ​ത്തി​യാ​ലേ ഇ​ത് ഉ​പ​യോ​ഗി​ക്കാ​ന്‍ ക​ഴി​യു. എ​ന്നാ​ല്‍ ഇ​വി​ടം സാ​മൂ​ഹ്യ വി​രു​ദ്ധ​രു​ടെ താ​വ​ള​മാ​ണ്. സാ​മൂ​ഹ്യ വി​രു​ദ്ധ ശ​ല്യ​ത്തെ​ക്കു​റി​ച്ച്​ പ​ല ത​വ​ണ വി​ഷ​യം അ​ധി​കൃ​ത​രു​ടെ ര​ശ​ദ്ധ​യി​ൽ​​പ്പെ​ടു​ത്തി​യെ​ങ്കി​ലും ഇ​ത്​ പ​രി​ഹ​രി​ക്കു​ന്ന​തി​നാ​വ​ശ്യ​മാ​യ ന​ട​പ​ടി​ക​ളു​ണ്ടാ​യി​ട്ടി​ല്ല. ഇ​വി​ടെ സ്ത്രീ​ക​ള്‍ ഉ​ള്‍പ്പെ​ടെ​യു​ള്ള​വ​ര്‍ക്ക് എ​ത്താ​ന്‍ ക​ഴി​യാ​ത്ത സാ​ഹ​ച​ര്യ​മാ​ണ്. അ​റ്റ​കു​റ്റ​പ്പ​ണി​ക്കെ​ന്ന പേ​രി​ലാ​ണ് ശൗചാലയങ്ങൾ അ​ട​ച്ച​ത്.

എ​ന്നാ​ല്‍ അ​റ്റ​കു​റ്റ​പ്പ​ണി ന​ട​ത്തു​ന്ന​തി​നാ​വ​ശ്യ​മാ​യ യാ​തൊ​രു ന​ട​പ​ടി​യും ന​ഗ​ര​സ​ഭ അ​ധി​കൃ​ത​രു​ടെ ഭാ​ഗ​ത്തു നി​ന്നു​ണ്ടാ​യി​ട്ടി​ല്ല. ജ്യോ​തി ബ​സാ​റി​നു എ​തി​ര്‍വ​ശ​മു​ള്ള ശൗചാലയങ്ങൾ ന​ട​ത്തി​പ്പി​ന് ക​രാ​ര്‍ കൊ​ടു​ക്കു​ന്ന​തി​ല്‍ സാ​ങ്കേ​തി​ക പ്ര​ശ്‌​ന​മു​ണ്ടാ​യെ​ന്നും പാ​ര്‍ക്കി​ലെ ശൗ​ചാ​ല​യം ന​ഗ​ര​സ​ഭ ധ​ന​കാ​ര്യ​ക​മ്മി​റ്റി യോ​ഗ​ത്തി​ല്‍ ച​ര്‍ച്ച ചെ​യ്ത് അ​റ്റ​കു​റ്റ​പ​ണി​ക​ള്‍ പൂ​ര്‍ത്തി​യാ​യ ശേ​ഷം തു​റ​ന്നു​കൊ​ടു​ക്കാ​നാ​ണ് തീ​രു​മാ​നം. ര​ണ്ടു ശൗചാലയങ്ങളുടെയും അ​റ്റ​കു​റ്റ​പ​ണി​ക​ള്‍ ന​ട​ന്നു വ​രി​ക​യാ​ണെ​ന്നും ഉ​ട​ന്‍ ത​ന്നെ തു​റ​ന്നു കൊ​ടു​ക്കു​മെ​ന്നും ന​ഗ​ര​സ​ഭ ചെ​യ​ര്‍മാ​ന്‍ സ​നീ​ഷ് ജോ​ര്‍ജ് പ്ര​തി​ക​രി​ച്ചു.