ജീ​വ​ന​ക്കാ​രി​ല്ല; താ​ളം​തെ​റ്റി പൊ​ന്നാ​നി വി​ല്ലേ​ജ് ഓ​ഫി​സ്

പൊ​ന്നാ​നി: സം​സ്ഥാ​ന​ത്ത് ജ​ന​സം​ഖ്യാ​നു​പാ​ത​ത്തി​ന്‍റെ കാ​ര്യ​ത്തി​ൽ ഏ​റെ മു​ന്നി​ലു​ള്ള പൊ​ന്നാ​നി ന​ഗ​രം വി​ല്ലേ​ജ് ഓ​ഫി​സി​ൽ ആ​വ​ശ്യ​ത്തി​ന്​ ജീ​വ​ന​ക്കാ​രി​ല്ലാ​ത്ത​ത്​​ ബു​ദ്ധി​മു​ട്ടാ​കു​ന്നു. ഒ​മ്പ​ത് ജീ​വ​ന​ക്കാ​ർ വേ​ണ്ടി​ട​ത്ത് നാ​ല്​ പേ​രാ​ണു​ള്ള​ത്.

ഓ​ഫി​സി​ലെ പ​രി​ച​യ​സ​മ്പ​ന്ന​നാ​യ വി​ല്ലേ​ജ് അ​സി​സ്റ്റ​ന്‍റ്​ ദേ​ശീ​യ​പാ​ത ഭൂ​മി ഏ​റ്റെ​ടു​ക്ക​ൽ വി​ഭാ​ഗ​ത്തി​ലാ​ണ് ജോ​ലി ചെ​യ്യു​ന്ന​ത്. ഈ ​ഉ​ദ്യോ​ഗ​സ്ഥ​നെ വി​ല്ലേ​ജ് ഓ​ഫി​സി​ലേ​ക്ക് തി​രി​കെ കൊ​ണ്ടു​വ​ര​ണ​മെ​ന്ന് ഉ​ത്ത​ര​വു​ണ്ടാ​യി​ട്ടും ദേ​ശീ​യ​പാ​ത വി​ഭാ​ഗം വി​ട്ടു​ന​ൽ​കു​ന്നി​ല്ല. കൂ​ടാ​തെ, ജ​ന​സം​ഖ്യ കൂ​ടി​യ ക​സ​ബ വി​ല്ലേ​ജ് ഓ​ഫി​സാ​യ​തി​നാ​ൽ അ​നു​വ​ദി​ച്ച ക്ല​ർ​ക്ക് താ​ലൂ​ക്ക് ഓ​ഫി​സി​ലാ​ണ് സേ​വ​ന​മ​നു​ഷ്ഠി​ക്കു​ന്ന​ത്.

ഒ​രു വി​ല്ലേ​ജ് ഓ​ഫി​സ​ർ, ര​ണ്ട് വി​ല്ലേ​ജ് അ​സി​സ്റ്റ​ന്‍റ്, മൂ​ന്ന് വി​ല്ലേ​ജ് ഫീ​ൽ​ഡ് അ​സി​സ്റ്റ​ൻ​റ്, ഓ​ഫി​സ് അ​റ്റ​ൻ​ഡ​ർ, പാ​ർ​ട് ടൈം ​സ്വീ​പ്പ​ർ എ​ന്ന​താ​ണ് ഓ​ഫി​സി​ലെ സ്റ്റാ​ഫ് പാ​റ്റേ​ൺ. ഇ​തി​ൽ മൂ​ന്ന് പേ​ർ വ​ർ​ക്ക് അ​റേ​ഞ്ച്മെ​ന്‍റി​ലാ​ണ് ജോ​ലി ചെ​യ്യു​ന്ന​ത്. ര​ണ്ട് വി​ല്ലേ​ജ് അ​സി​സ്റ്റ​ന്‍റി​ന്‍റെ​യും ര​ണ്ട് ഫീ​ൽ​ഡ് അ​സി​സ്റ്റ​ന്‍റി​ന്‍റെ​യും കു​റ​വു​ണ്ട്. അ​മ്പ​തി​നാ​യി​ര​ത്തി​ല​ധി​കം പേ​രാ​ണ് പൊ​ന്നാ​നി ന​ഗ​രം വി​ല്ലേ​ജ് ഓ​ഫി​സി​ന് കീ​ഴി​ലു​ള്ള​ത്. ജ​ന​സം​ഖ്യ​വ​ർ​ധ​ന​യും ജീ​വ​ന​ക്കാ​രു​ടെ കു​റ​വും മൂ​ലം യ​ഥാ​സ​മ​യം സേ​വ​ന​ങ്ങ​ൾ ന​ൽ​കാ​നാ​കാ​തെ ജീ​വ​ന​ക്കാ​ർ കു​ഴ​യു​ക​യാ​ണ്.

ദി​നം​പ്ര​തി വി​വി​ധ സേ​വ​ന​ങ്ങ​ൾ​ക്കാ​യി നൂ​റു​ക​ണ​ക്കി​ന്​ ആ​ളു​ക​ളാ​ണ്​ വി​ല്ലേ​ജ് ഓ​ഫി​സി​നെ ആ​ശ്ര​യി​ക്കു​ന്ന​ത്. ന​ഗ​ര​സ​ഭ​യു​ടെ​യും ഫി​ഷ​റീ​സ് വ​കു​പ്പി​ന്‍റെ​യും വി​വി​ധ ആ​നു​കൂ​ല്യ​ങ്ങ​ൾ​ക്കു​ള്ള വ​രു​മാ​ന സ​ർ​ട്ടി​ഫി​ക്ക​റ്റി​ന് മാ​ത്രം നി​ര​വ​ധി പേ​രാ​ണ് ഇ​വി​ടെ എ​ത്തു​ന്ന​ത്. കൂ​ടാ​തെ ക​ട​ൽ​ക്ഷോ​ഭ​മു​ൾ​പ്പെ​ടെ പ്ര​കൃ​തി ദു​ര​ന്ത​ങ്ങ​ൾ​ക്ക് സ​ഹാ​യം ല​ഭി​ക്ക​ണ​മെ​ങ്കി​ലും വി​ല്ലേ​ജ് ഓ​ഫി​സി​ൽ​നി​ന്നു​ള്ള സ​ർ​ട്ടി​ഫി​ക്ക​റ്റ് അ​നി​വാ​ര്യ​മാ​ണ്.

പു​ന​ർ​ഗേ​ഹം പ​ദ്ധ​തി​യു​ടെ ഭാ​ഗ​മാ​യി സ്ഥ​ല പ​രി​ശോ​ധ​ന ഉ​ൾ​പ്പെ​ടെ​യു​ള്ള​തി​നാ​ൽ കു​റ​ഞ്ഞ ജീ​വ​ന​ക്കാ​രു​മാ​യു​ള്ള ഓ​ഫി​സ്​ പ്ര​വ​ർ​ത്ത​നം ഏ​റെ ബു​ദ്ധി​മു​ട്ടി​ലാ​ണ്. പൊ​ന്നാ​നി, പു​തു​പൊ​ന്നാ​നി, വെ​ള്ളീ​രി, പ​ള്ള​പ്രം ,പു​ന്ന​ത്തി​രു​ത്തി, ക​ട​വ​നാ​ട് എ​ന്നീ ആ​റ് ദേ​ശ​ങ്ങ​ളും പൊ​ന്നാ​നി ന​ഗ​രം, പു​ന്ന​ത്തി​രു​ത്തി, ക​ട​വ​നാ​ട് എ​ന്നീ മൂ​ന്ന് അം​ശ​വു​മാ​ണ് പൊ​ന്നാ​നി വി​ല്ലേ​ജി​ന് കീ​ഴി​ലു​ള്ള​ത്. പൊ​ന്നാ​നി ന​ഗ​ര​സ​ഭ​യി​ലെ 65 ശ​ത​മാ​നം ജ​ന​സം​ഖ്യ​യും ഈ ​വി​ല്ലേ​ജി​ന് കീ​ഴി​ലാ​ണ് വ​രു​ന്ന​ത്. മു​പ്പ​തി​ലേ​റെ വാ​ർ​ഡു​ക​ൾ ഉ​ൾ​പ്പെ​ടു​ന്ന​തും പൊ​ന്നാ​നി വി​ല്ലേ​ജി​ലാ​ണ്. തീ​ര​ദേ​ശ മേ​ഖ​ല​കൂ​ടി ഉ​ൾ​പ്പെ​ടു​ന്ന വി​ല്ലേ​ജി​ൽ തി​ര​ക്ക് വ​ർ​ധി​ച്ച സാ​ഹ​ച​ര്യ​ത്തി​ലാ​ണ് വേ​ണ്ട ജീ​വ​ന​ക്കാ​രെ നി​യ​മി​ക്ക​ണ​മെ​ന്ന ആ​വ​ശ്യം ശ​ക്ത​മാ​വു​ന്ന​ത്.