ആര്യങ്കോട് കണ്ടെത്തിയ പുലിയുടേതെന്ന് കരുതുന്ന കാൽപാടുകൾ
ഇരിട്ടി: പടിയൂർ പഞ്ചായത്തിലെ ആര്യങ്കോടിൽ പുലിയുടെ കാൽപാടുകൾ കണ്ടതിനെ തുടർന്ന് നാട്ടുകാർ ഭീതിയിൽ. ബുധനാഴ്ച പുലര്‍ച്ച ആര്യങ്കോട് ടൗണിലേക്ക് വന്നവരാണ് സ്‌റ്റേഡിയത്തിനു സമീപത്തെ പൊന്തക്കാടിനു സമീപത്തായി പുലിയെ കണ്ടതായി പറയുന്നത്.
പ്രദേശവാസികള്‍ നടത്തിയ അന്വേഷണത്തില്‍ പുലിയുടേതെന്ന് സംശയിക്കുന്ന നിരവധി കാല്‍പാടുകളും കണ്ടെത്തി. നാട്ടുകാര്‍ വിവരം നല്‍കിയതിനെത്തുടര്‍ന്ന് പഞ്ചായത്ത് അധികൃതര്‍ പ്രദേശം സന്ദര്‍ശിച്ചു. വനംവകുപ്പിനെയും അറിയിച്ചിട്ടുണ്ട്.
കാട്ടുപന്നികള്‍ ഉള്‍പ്പെടെയുള്ള വന്യമൃഗങ്ങളുടെ ശല്യംമൂലം കൃഷിചെയ്യാനാകാതെ ബുദ്ധിമുട്ടുന്നതിനിടയിലാണ് പുലിഭീതി. പ്രദേശം ചെങ്കല്‍മടകളാലും കുറ്റിക്കാടുകളാലും നിറഞ്ഞതിനാല്‍ തിരച്ചില്‍ ദുഷ്‌കരമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.