കണ്ണൂർ രജിസ്ട്രാറെ പ്രഫസറാക്കാൻ വി.സി വഴിവിട്ട് പ്രവർത്തിച്ചതായി രേഖ

ക​ണ്ണൂ​ർ: ക​ണ്ണൂ​ർ സ​ർ​വ​ക​ലാ​ശാ​ല ര​ജി​സ്ട്രാ​റു​ടെ ചു​മ​ത​ല വ​ഹി​ക്കു​ന്ന​യാ​ളെ പ്ര​ഫ​സ​റാ​ക്കാ​ൻ വൈ​സ് ചാ​ൻ​സ​ല​ർ വ​ഴി​വി​ട്ട് പ്ര​വ​ർ​ത്തി​ച്ച​താ​യ രേ​ഖ​ക​ൾ പു​റ​ത്ത്. പ്ര​ഫ​സ​റാ​വാ​ൻ മ​തി​യാ​യ എ.​പി.​ഐ (അ​ക്കാ​ദ​മി​ക് പെ​ർ​ഫോ​മ​ൻ​സ് ഇ​ൻ​ഡി​ക്കേ​റ്റേ​ഴ്സ്)​സ്കോ​ർ ഇ​ല്ലെ​ന്ന റി​പ്പോ​ർ​ട്ട് ത​ള്ളി വി.​സി നേ​രി​ട്ട് ഇ​ട​പെ​ട്ട​തി​ന്റെ വി​വ​രാ​വ​കാ​ശ രേ​ഖ​ക​ളാ​ണ് പു​റ​ത്തു​വ​ന്ന​ത്. ഇ​ദ്ദേ​ഹ​ത്തെ സ്ഥി​രം ര​ജി​സ്ട്രാ​റാ​ക്കി നി​യ​മി​ക്കാ​നു​ള്ള നീ​ക്കം പു​രോ​ഗ​മി​ക്കു​ന്ന​തി​നി​ടെ​യാ​ണ് പ്ര​ഫ​സ​ർ നി​യ​മ​ന​ത്തി​ലെ ക്ര​മ​ക്കേ​ടു​ക​ൾ പു​റ​ത്താ​യ​ത്.

സ​ർ​വ​ക​ലാ​ശാ​ല സ്റ്റാ​റ്റി​സ്റ്റി​ക്സ് വി​ഭാ​ഗ​ത്തി​ലെ ഡോ. ​ജോ​ബി കെ. ​​ജോ​സാ​ണ് ര​ജി​സ്ട്രാ​ർ ഇ​ൻ​ചാ​ർ​ജ്. ഇ​ദ്ദേ​ഹ​ത്തി​ന്റെ പ്ര​ഫ​സ​ർ സ്ഥാ​ന​ക്ക​യ​റ്റ​ത്തി​നു​ള്ള രേ​ഖ​ക​ൾ പ​രി​ശോ​ധി​ച്ച എ.​പി.​ഐ സ്കോ​ർ സ​മി​തി നി​ശ്ചി​ത യോ​ഗ്യ​ത​യി​ല്ലെ​ന്ന് ക​ണ്ടെ​ത്തി​യാ​ണ് ആ​ദ്യം റി​പ്പോ​ർ​ട്ട് ന​ൽ​കി​യ​ത്. 2020 ജൂ​ലൈ ഏ​ഴി​ന് ചേ​ർ​ന്ന എ.​പി.​ഐ സ്കോ​ർ വെ​രി​ഫി​ക്കേ​ഷ​ൻ സ​മി​തി​യാ​ണ് ഈ ​തീ​രു​മാ​ന​മെ​ടു​ത്ത​ത്. വൈ​സ് ചാ​ൻ​സ​ല​ർ പ്ര​ഫ. ഗോ​പി​നാ​ഥ് ര​വീ​ന്ദ്ര​ന്റെ നി​ർ​ദേ​ശ​പ്ര​കാ​രം വീ​ണ്ടും ക​മ്മി​റ്റി ചേ​ർ​ന്നെ​ങ്കി​ലും യോ​ഗ്യ​ത​യി​ല്ലെ​ന്ന മു​ൻ നി​ല​പാ​ട് ആ​വ​ർ​ത്തി​ച്ച് റി​പ്പോ​ർ​ട്ട് സ​മ​ർ​പ്പി​ച്ചു. ഇ​രു റി​പ്പോ​ർ​ട്ടും അ​നു​കൂ​ല​മ​ല്ലെ​ന്ന് ക​ണ്ട​തോ​ടെ പ്ര​ഫ​സ​ർ സ്ഥാ​ന​ക്ക​യ​റ്റ​ത്തി​ൽ തീ​രു​മാ​ന​മെ​ടു​ക്കാ​ൻ സി​ൻ​ഡി​ക്കേ​റ്റ് സ​മി​തി​ക്ക് വി.​സി രൂ​പം ന​ൽ​കി. സ​മി​തി​യു​ടെ ശി​പാ​ർ​ശ​പ്ര​കാ​രം രൂ​പ​വ​ത്ക​രി​ച്ച മ​റ്റൊ​രു സ​മി​തി​യു​ടെ റി​പ്പോ​ർ​ട്ടി​ൽ പ്ര​ഫ​സ​ർ സ്ഥാ​ന​ക്ക​യ​റ്റം അം​ഗീ​ക​രി​ച്ച് ഉ​ത്ത​ര​വു​മി​റ​ക്കി. ഈ ​സ​മി​തി​യി​ലെ സ​യ​ൻ​സ് ഡീ​ൻ സ്ഥാ​ന​ക്ക​യ​റ്റ​ത്തി​നെ​തി​രെ ശ​ക്ത​മാ​യി രം​ഗ​ത്തു​വ​ന്നു. യു.​ജി.​സി നി​ബ​ന്ധ​ന​ക​ൾ​ക്ക് വി​രു​ദ്ധ​മാ​ണ് സ്ഥാ​ന​ക്ക​യ​റ്റ​മെ​ന്ന സ​യ​ൻ​സ് ഡീ​നി​ന്റെ വി​യോ​ജ​ന​ക്കു​റി​പ്പു​ള്ള രേ​ഖ​ക​ളും പു​റ​ത്തു​വ​ന്നു.

എ.​പി.​ഐ വെ​രി​ഫി​ക്കേ​ഷ​ൻ ക​മ്മി​റ്റി ഒ​രി​ക്ക​ൽ സ്ഥാ​ന​ക്ക​യ​റ്റം ത​ട​ഞ്ഞാ​ൽ പി​ന്നീ​ട് ആ​റു​മാ​സം ക​ഴി​ഞ്ഞ ശേ​ഷ​മേ പു​തി​യ സ​മി​തി രൂ​പ​വ​ത്ക​രി​ക്കാ​ൻ പാ​ടു​ള്ളൂ​വെ​ന്ന ച​ട്ട​വും വി.​സി അ​ട്ടി​മ​റി​ച്ചെ​ന്നാ​ണ് പ്ര​ധാ​ന ആ​രോ​പ​ണം. ഒ​രാ​ളു​ടെ പ്ര​മോ​ഷ​നു​വേ​ണ്ടി സ​ർ​വ​ക​ലാ​ശാ​ല​യി​ൽ കേ​ട്ടു​കേ​ൾ​വി​യി​ല്ലാ​ത്ത​താ​ണ് ഇ​ത്ത​രം ഇ​ട​പെ​ട​ലു​ക​ൾ. സ​ർ​വ​ക​ലാ​ശാ​ല​യി​ലെ 1999ലെ ​ഓ​ർ​ഡി​ന​ൻ​സ് ഭേ​ദ​ഗ​തി ചെ​യ്യാ​നു​ള്ള പ്ര​പ്പോ​സ​ൽ ചാ​ൻ​സ​ല​ർ​ക്ക് സ​മ​ർ​പ്പി​ച്ച വേ​ള​യി​ൽ ര​ജി​സ്ട്രാ​ർ ത​സ്തി​ക മ​നഃ​പൂ​ർ​വം ഒ​ഴി​വാ​ക്കി​യ​താ​യി കേ​ര​ള പ്രൈ​വ​റ്റ് കോ​ള​ജ് ടീ​ച്ചേ​ഴ്സ് അ​സോ​സി​യേ​ഷ​ൻ ക​ണ്ണൂ​ർ മേ​ഖ​ല ക​മ്മി​റ്റി ആ​രോ​പി​ച്ചു. വൈ​സ് ചാ​ൻ​സ​ല​റു​ടെ അ​ടു​പ്പ​ക്കാ​ര​നാ​യ നി​ല​വി​ലെ ര​ജി​സ്ട്രാ​ർ ഇ​ൻ ചാ​ർ​ജി​നെ സ്ഥി​രം ര​ജി​സ്ട്രാ​റാ​ക്കി മാ​റ്റാ​നു​ള്ള നീ​ക്ക​മാ​ണ് ന​ട​ക്കു​ന്ന​തെ​ന്നും ക​മ്മി​റ്റി കു​റ്റ​പ്പെ​ടു​ത്തി.