സ്വ​ത്ത് ത​ർ​ക്കത്തിൻെറ പേ​രി​ൽ ആസിഡ് ആക്രമണം: ഒരു പ്രതി കൂടി അറസ്​റ്റിൽ

പേ​രാ​വൂ​ർ: മ​ണ​ത്ത​ണ​യി​ൽ സ്വ​ത്ത് ത​ർ​ക്ക​ത്തി‍െൻറ പേ​രി​ൽ മാ​ന്തോ​ട്ടം കോ​ള​നി​ക്കു സ​മീ​പ​ത്തെ ബി​ജു ചാ​ക്കോ​വി​നെ ആ​സി​ഡ് മു​ഖ​ത്തൊ​ഴി​ച്ച്​ അ​ക്ര​മി​ച്ച കേ​സി​ലെ ര​ണ്ടാം പ്ര​തി​യെ​യും പേ​രാ​വൂ​ർ പൊ​ലീ​സ് അ​റ​സ്​​റ്റ്​ ചെ​യ്തു. മ​ണ​ത്ത​ണ വ​ള​യ​ങ്ങാ​ടി​ലെ വെ​ള്ളാ​യി ക​ട​വ​ത്തും​ക​ണ്ടി ശ്രീ​ധ​ര​നെ​യാ​ണ് (58) അ​റ​സ്​​റ്റ്​ ചെ​യ്ത​ത്. കേ​സി​ലെ ഒ​ന്നാം പ്ര​തി​യും ബി​ജു​വി​െൻറ ര​ണ്ടാ​ന​ച്ഛ​നു​മാ​യ മ​ങ്കു​ഴി ജോ​സി​നെ വെ​ള്ളി​യാ​ഴ്ച ത​ന്നെ അ​റ​സ്​​റ്റ്​ ചെ​യ്തി​രു​ന്നു. പേ​രാ​വൂ​ർ സ​ർ​ക്കി​ൾ ഇ​ൻ​സ്പെ​ക്ട​ർ എം.​എ​ൻ. ബി​ജോ​യി​യു​ടെ നേ​തൃ​ത്വ​ത്തി​ലാ​ണ് കേ​സ​ന്വേ​ഷ​ണം. വി​വി​ധ വ​കു​പ്പു​ക​ൾ പ്ര​കാ​രം ജാ​മ്യ​മി​ല്ല കേ​സാ​ണ് ഇ​രു​വ​ർ​ക്കു​മെ​തി​രെ ര​ജി​സ്​​റ്റ​ർ ചെ​യ്തി​രി​ക്കു​ന്ന​ത്.

പ്ര​തി​ക​ളെ പേ​രാ​വൂ​ർ പൊ​ലീ​സ്​ കൂ​ത്തു​പ​റ​മ്പ്​ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ്​ ചെ​യ്തു. ആ​സി​ഡ് ആ​ക്ര​മ​ണ​ത്തി​ൽ ഗു​രു​ത​ര​മാ​യി പ​രി​ക്കേ​റ്റ ബി​ജു ചാ​ക്കോ കോ​ഴി​ക്കോ​ട്ട്​ സ്വ​കാ​ര്യ ആ​ശു​പ​ത്രി തീ​വ്ര​പ​രി​ച​ര​ണ വി​ഭാ​ഗ​ത്തി​ൽ ചി​കി​ത്സ​യി​ലാ​ണ്. വെ​ള്ളി​യാ​ഴ്ച പു​ല​ർ​ച്ച അ​ഞ്ച​ര​യോ​ടെ​യാ​യി​രു​ന്നു അ​ക്ര​മ സം​ഭ​വം. മ​ണ​ത്ത​ണ​യി​ലെ കു​ള​ത്തി​ൽ കു​ളി​ക്കു​ന്ന​തി​നാ​യെ​ത്തി​യ ബി​ജു​വി​നെ ബ​ക്ക​റ്റി​ൽ ആ​സി​ഡു​മാ​യി കാ​ത്തു​നി​ന്ന് ജോ​സ് ക​രു​തി​ക്കൂ​ട്ടി അ​ക്ര​മി​ക്കു​ക​യാ​യി​രു​ന്നു​വെ​ന്നാ​ണ് പൊ​ലീ​സി​ന് ല​ഭി​ച്ച വി​വ​രം. കു​ടും​ബ​വ​ഴ​ക്കി​നെ തു​ട​ർ​ന്ന് വ്യ​ക്തി വൈ​രാ​ഗ്യ​മാ​യി​രു​ന്നു ആ​ക്ര​മ​ണ​ത്തി​ലേ​ക്ക് ന​യി​ച്ച​ത്.