പേരാവൂർ: മദ്യവുമായെത്തിയ കണ്ടെയ്നർ ലോറി പാൽചുരത്ത് അപകടത്തിൽപെട്ട സംഭവത്തിൽ ലോറി ഡ്രൈവറെ പേരാവൂർ എക്സൈസ് കസ്റ്റഡിയിലെടുത്തു. ബംഗളൂരു സ്വദേശി കിരൺ കുമാറിനെയാണ് (26) കസ്റ്റഡിയിലെടുത്തത്. വഴിതെറ്റിച്ച് മദ്യം കൊണ്ടുവന്നതിനാണ് ഡ്രൈവറെയും ലോറിയും പിടികൂടിയത്.
ഹൈദരാബാദിൽ നിന്ന് കണ്ണൂർ വിമാനത്താവളത്തിലേക്ക് മദ്യവുമായി വന്ന ലോറിക്ക് കൂട്ടുപുഴ ചെക്ക്പോസ്റ്റ് വഴിയാണ് റൂട്ട് അനുവദിച്ചിരുന്നത്. എന്നാൽ, ബാവലി ചെക്ക്പോസ്റ്റ് വഴി വന്ന ലോറി വ്യാഴാഴ്ച പാൽചുരം വഴി പോകുന്നതിനിടെയാണ് അപകടത്തിൽപെട്ടത്.
ഉച്ച 12ഓടെ പാൽചുരത്തിലെ ആശ്രമം വളവിലായിരുന്നു സംഭവം. ലോറിയുടെ പകുതിയിലേറെ ഭാഗം റോഡരികിലെ കാട്ടിലേക്ക് തെന്നിമാറി മൺതിട്ടയിൽ ഇടിച്ചുനിന്നു. ഇതിന് താഴെ വലിയ കൊക്കയാണ്. ഡ്രൈവർ അത്ഭുതകരമായി രക്ഷപ്പെടുകയായിരുന്നു. 602 കെയ്സ് വിദേശ മദ്യമായിരുന്നു ലോറിയിൽ ഉണ്ടായിരുന്നത്. കൂട്ടുപുഴ ചെക്ക്പോസ്റ്റുവഴി ലോറി കടത്തിവിടാത്തതിനാലാണ് ബാവലി വഴി വന്നതെന്നാണ് ഡ്രൈവർ പറയുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.