അറസ്റ്റിലായ മുഖ്താർ, ഹബീബ്, സമദാനി
കാസർകോട്: യുവാവിനെ കാറിൽ തട്ടിക്കൊണ്ടുപോയി മർദിച്ച കേസിൽ മൂന്നു യുവാക്കൾ അറസ്റ്റിൽ. ബംബ്രാണയിലെ മുഹമ്മദ് മുസ്തഫ എന്ന മുക്താർ (28), ഉളിയത്തടുക്ക ബിലാൽ നഗറിലെ ഹബീബ് (36), അബ്ദുൽ സമദാനി (28) എന്നിവരെയാണ് കാസർകോട് എസ്.ഐ ഷേക്ക് അബ്ദുൽ റസാക്ക്, സിവിൽ പൊലീസ് ഓഫിസർ കെ.ഷിജു എന്നിവർ അറസ്റ്റ് ചെയ്തത്.
ഫെബ്രുവരി 20 ന് ഉച്ചക്കാണ് കേസിനാസ്പദമായ സംഭവം. വാഹന ഇടപാടുമായി ബന്ധപ്പെട്ട വിഷയമാണ് തട്ടിക്കൊണ്ടുപോകുന്നതിലേക്ക് എത്തിച്ചത്. വിദ്യാനഗർ സ്വദേശി സുബൈറിനെയാണ് വിദ്യാനഗറിൽ നിന്നും സംഘം തട്ടിക്കൊണ്ടുപോയത്. സിറ്റിസൺ നഗറിൽ കൊണ്ടുപോയി ഇയാളെ മർദിക്കുകയായിരുന്നു.
പിന്നീട് കിദൂർ ഭാഗത്തേക്ക് കൊണ്ടുപോവുകയും അവിടെ വെച്ചും മർദിച്ച് കുമ്പളയിൽ വാഹനത്തിൽനിന്ന് ഇറക്കിവിടുകയുമായിരുന്നു. സുബൈർ പൊലീസിൽ നൽകിയ പരാതിയെ തുടർന്നാണ് അറസ്റ്റ്. പ്രതികളെ കോടതി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.