ധനലക്ഷ്മി ആഭരണ
നിർമാണത്തിൽ
ചെറുവത്തൂർ: വയനാടിന് കൈത്താങ്ങേകാൻ ധനലക്ഷ്മി നിർമിച്ച ആഭരണങ്ങൾ വിൽപനക്ക്. ഉരുൾപൊട്ടലിൽ ഉറ്റവരെ നഷ്ടപ്പെട്ട കുട്ടികൾക്ക് എന്തെങ്കിലും ചെയ്യണമെന്ന ആഗ്രഹത്താലാണ് കുട്ടമത്ത് ഗവ. ഹയർ സെക്കൻഡറിയിലെ പത്താം ക്ലാസ് വിദ്യാർഥിനിയായ സി. ധനലക്ഷ്മി തന്റെ കഴിവ് ഉപയോഗിച്ച് ആഭരണങ്ങൾ നിർമിച്ചത്. ആഭരണം വിൽപന നടത്തി കിട്ടുന്ന തുകയെല്ലാം സ്കൂളിന്റെ പേരിൽ വയനാടിന് നൽകണമെന്നാണ് മിടുക്കിയുടെ ആഗ്രഹം.
നിമിഷനേരംകൊണ്ട് കരകൗശല വസ്തുക്കൾ നിർമിക്കുന്ന ധനലക്ഷ്മി സംസ്ഥാന സർക്കാറിന്റെ ഉജ്ജ്വലബാല്യം പുരസ്കാരജേതാവ് കൂടിയാണ്. സംസ്ഥാന സ്കൂൾ പ്രവൃത്തിപരിചയ മേളകളിലെല്ലാം നിരവധി തവണ സമ്മാനം നേടിയ ധനലക്ഷ്മി അറിയപ്പെടുന്ന മജീഷ്യ കൂടിയാണ്. നിരവധി സിനിമകളിലും ടി.വി സീരിയലുകളിലും അഭിനയിച്ചിട്ടുണ്ട്. വലിയപൊയിലിലെ ബിനോയ്- സജ്ന ദമ്പതികളുടെ മകളാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.