വിൽക്കാൻവെച്ച മദ്യവുമായി കോസ്റ്റൽ പൊലീസിെന്റ
പിടിയിലായ ബാലകൃഷ്ണൻ
നീലേശ്വരം: അനധികൃതമായി വിൽപനക്കെത്തിച്ച 10 ലിറ്റർ മദ്യം അഴിത്തല കോസ്റ്റൽ പൊലീസ് പിടികൂടി. തൈക്കടപ്പുറം- പുറത്തേക്കൈ ഭാഗങ്ങൾ വ്യാപകമായി അനധികൃത മദ്യവിൽപന നടത്തിവരുന്ന എം.കെ. ബാലകൃഷ്ണനെയാണ് (66) ശനിയാഴ്ച ഉച്ചക്ക് 12ന് കോസ്റ്റൽ പൊലീസ് സംഘം പിടികൂടിയത്.
രഹസ്യവിവരത്തെ തുടർന്ന് കോസ്റ്റൽ എ.എസ്.ഐ വി.വി. സന്തോഷ്, സീനിയർ സിവിൽ പൊലീസ് ഓഫിസർമാരായ എൻ.വി. രഞ്ജിത്ത് കുമാർ, ഇ. രതീഷ്, കോസ്റ്റൽ വാർഡൻ അനുകേത് മോഹൻ എന്നിവർ ചേർന്നാണ് അനധികൃത മദ്യവിൽപന പിടികൂടിയത്. പ്രതിയെ നീലേശ്വരം പൊലീസിന് കൈമാറി. പത്തുവർഷത്തിലധികമായി തീരദേശം കേന്ദ്രീകരിച്ച് മദ്യവിൽപന നടത്തുന്ന ആളാണ് ഇയാളെന്ന് പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.