ദുബൈയിലെ അധ്യാപക അവാർഡ് ജിഷ തേജസിന്

നീലേശ്വരം: ദുബൈയിലെ മികച്ച അധ്യാപക അവാർഡിന് നീലേശ്വരം പള്ളിക്കരയിലെ ജിഷ തേജസിന് ലഭിച്ചു. ദുബൈ ഇന്ത്യൻ കോൺസുലേറ്റാണ് അവാർഡ് നൽകുന്നത്. പത്തു വർഷമായി ദു​ൈബ ഇന്ത്യൻ ഹൈസ്കൂളിലെ അധ്യാപികയാണ് ജിഷ. കുട്ടികളെ വിദ്യാഭ്യാസത്തി​െൻറ പ്രാധാന്യം മനസ്സിലാക്കി മികച്ച രീതിയിൽ പഠനത്തിൽ പ്രാപ്തരാക്കിയതിനാണ് അവാർഡ് ലഭിച്ചത്. അധ്യാപക ദിനത്തിൽ ദു​ൈബ ഇന്ത്യൻ കോൺസൽ ജനറൽ ഡോ. അമൻപുരി അവാർഡ് ജിഷക്ക് നൽകി.2021ൽ ദു​ൈബയിൽ നടക്കുന്ന ഇന്ത്യൻ കോൺസലി​െൻറ ശിക്ഷക് പർവ് പരിപാടിയിൽ പ്രത്യേക ക്ഷണം ലഭിച്ചു. മാത്രമല്ല, ഇന്ത്യൻ സ്വാതന്ത്ര്യ ദിനാഘോഷത്തിൽ ഇന്ത്യൻ കോൺസുലേറ്റിലെ എല്ലാ പരിപാടികളിലും ഭാഗമാകാനും ജിഷക്ക് അവസരം ലഭിച്ചു. നീലേശ്വരം പള്ളിക്കര പാലരെ കീഴിൽ ക്ഷേത്രത്തിനു സമീപത്തെ റിട്ട. പി.ഡബ്ല്യു.ഡി എൻജിനീയർ ടി. കുഞ്ഞിരാമൻ - വിജയലക്ഷ്മി ദമ്പതികളുടെ മകളാണ്. കണ്ണൂർ സ്വദേശിയായ ഭർത്താവ് ദീപക് ദുബൈയിൽ വക്കീലായി പ്രാക്ടീസ് ചെയ്യുന്നു. ദുബൈ ഇന്ത്യൻ സ്കൂൾ വിദ്യാർഥികളായ ദേവ്നാഥ്, ധൻവീർ എന്നിവർ മക്കളാണ്.