വെള്ളരിക്കുണ്ട് വായിക്കാനത്തെ മണ്ണിടിച്ചിൽ
നീലേശ്വരം: ശക്തമായ കാറ്റിലും മഴയിലും മലയോരത്ത് വ്യാപക നാശം. വെള്ളരിക്കുണ്ട് പാലാവയൽ തയ്യേനിക്കടുത്ത് വായിക്കാനത്ത് ഉരുൾപൊട്ടലും മണ്ണിടിച്ചിലുമുണ്ടായി. ഷാജി കണിയറ, സതീഷ് കണിയറ, ബെന്നി കടപ്പാറയിൽ എന്നിവരുടെ വീടിനു ഭാഗികമായ നാശനഷ്ടമുണ്ടായി.
വനത്തിനടുത്ത് ചെറിയതോതിലുണ്ടായ ഉരുൾപൊട്ടലിൽ വെള്ളം ജനവാസകേന്ദ്രങ്ങളിലേക്ക് കുത്തിയൊലിച്ചു. വീടുകളുടെ ഭിത്തി തകർന്നു. വായിക്കാനം കൊയിലമ്പാറയിലെ ലൂക്കോസ് കടപ്രയിലിന്റെ ഓടുമേഞ്ഞ വീടിന്റെ പിറകുവശം പൂർണമായി തകർന്നു. ഈ സമയത്ത് ലൂക്കോസും കുടുംബവും വീട്ടിനുള്ളിൽ ഉണ്ടായിരുന്നെങ്കിലും ശബ്ദം കേട്ട് വീട്ടിൽനിന്ന് പുറത്തേക്കിറങ്ങിയതിനാൽ വൻ ദുരന്തം ഒഴിവായി.
വീടിന്റെ അടുക്കളയും ഹാളും തകർന്നുവീണു. സുരക്ഷ കണക്കിലെടുത്ത് കുടുംബങ്ങളെ രാത്രിതന്നെ ബന്ധുവീടുകളിലേക്ക് മാറ്റിപ്പാർപ്പിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.