ദേശീയപാത നീലേശ്വരം കരുവാച്ചേരിയിലുള്ള പൊതുമരാമത്ത് അസി. എൻജിനീയർ കാര്യാലയം
നീലേശ്വരം: പൊതുമരാമത്ത് റോഡ് വിഭാഗം അസി. എൻജിനീയറുടെ കാര്യാലയം അപകടാവസ്ഥയിൽ. ദേശീയപാതയിൽ നീലേശ്വരം കരുവാച്ചേരിയിലെ ഓഫിസ് കെട്ടിടം ഏതുനിമിഷവും തകർന്നുവീഴാൻ പാകത്തിലാണ്. സ്ത്രീകൾ ഉൾപ്പെടെയുള്ള ജീവനക്കാർ ജീവൻ പണയംെവച്ചാണ് ജോലിയെടുക്കുന്നത്. ഓഫിസ് പരിസരം കാടുമൂടിക്കിടക്കുന്നതുമൂലം ഇഴജന്തുക്കളുടെ ശല്യം വേറെ.
ടാറിങ് അമർത്താൻ ഉപയോഗിക്കുന്ന ലക്ഷങ്ങൾ വിലയുള്ള റോഡ് റോളർ കാടുമൂടിക്കിടന്ന് തുരുമ്പെടുക്കുകയാണ്. ഓഫിസ് ബോർഡുകൾ പഴകി കാട്ടുവള്ളികൾ പടർന്ന് പൊതുജനങ്ങൾക്ക് വായിക്കാൻ പറ്റാത്ത അവസ്ഥയാണ്. ജീവനക്കാർ ഉപയോഗിക്കുന്ന കിണറും മലിനമായി കിടക്കുന്നു. കാലപ്പഴക്കംമൂലം ഇടിഞ്ഞുവീഴാൻ പാകത്തിലുള്ള കെട്ടിടത്തിൽനിന്ന് ഓഫിസ് മാറ്റിസ്ഥാപിക്കണമെന്നാണ് ജീവനക്കാർ പറയുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.