തോരാമഴ...

നീ​ലേ​ശ്വ​രം: ജില്ലയിൽ ശമനമില്ലാതെ മഴ തുടരുന്നു, വിവിധയിടങ്ങളിൽ മഴക്കെടുതിയും. കാ​ര്യ​ങ്കോ​ട് പു​ഴ ക​വി​ഞ്ഞ​തി​നെ തു​ട​ർ​ന്ന് 12 കു​ടും​ബ​ങ്ങ​ളെ മാ​റ്റി​പ്പാ​ർ​പ്പി​ച്ചു. പൊ​ടോ​തു​രു​ത്തി​യി​ൽ അ​ഞ്ചു കു​ടും​ബ​ങ്ങ​ളെ ബ​ന്ധു​വീ​ടു​ക​ളി​ലേ​ക്ക് മാ​റ്റി. ചാ​ത്ത​മ​ത്ത് ഏ​ഴു കു​ടും​ബ​ങ്ങ​ളെ​യും ബ​ന്ധു​വീ​ടു​ക​ളി​ക്ക് മാ​റ്റി താ​മ​സി​പ്പി​ച്ചു. ചാ​ത്ത​മ​ത്ത് ഒ​രു കു​ടും​ബ​ത്തി​ലെ നാ​ലു​പേ​രെ ചാ​ത്ത​മ​ത്ത് ആ​ല​യി​ൽ ഭ​ഗ​വ​തി ക്ഷേ​ത്ര ഓ​ഡി​റ്റോ​റി​യ​ത്തി​ലു​ള്ള ക്യാ​മ്പി​ലേ​ക്ക് മാ​റ്റി. തേ​ജ​സ്വി​നി​യു​ടെ തീ​ര പ്ര​ദേ​ശ​മാ​യ ചാ​ത്ത​മ​ത്ത്, പൊ​ടോ​തു​രു​ത്തി ഭാ​ഗ​ങ്ങ​ളി​ലാ​യി അ​മ്പ​തോ​ളം കു​ടും​ബ​ങ്ങ​ൾ വെ​ള്ള​പ്പൊ​ക്ക ഭീ​ഷ​ണി​യി​ൽ ഇ​പ്പോ​ഴും താ​മ​സി​ക്കു​ന്നു​ണ്ട്.

പൊ​ടോ​തു​രു​ത്തി കാ​യ​ക്കീ​ൽ ഭ​ഗ​വ​തി​ക്ഷേ​ത്രം ശ്രീ​കോ​വി​ലി​ന് സ​മീ​പ​ത്ത് വെ​ള്ളം ക​യ​റി. അ​മ്പ​തോ​ളം, തെ​ങ്ങ്, ക​വു​ങ്ങ്, വാ​ഴ എ​ന്നി​വ​ക്ക് നാ​ശം സം​ഭ​വി​ച്ചി​ട്ടു​ണ്ട്. കാ​ര്യ​ങ്കോ​ട് പു​ഴ​യി​ലെ ജ​ല​നി​ര​പ്പ് ഉ​യ​രാ​ൻ തു​ട​ങ്ങി​യെ​ങ്കി​ലും വ്യാ​ഴാ​ഴ്ച രാ​ത്രി പ​ന്ത്ര​ണ്ടോ​ടെ വെ​ള്ളം ഇ​റ​ങ്ങി​യ​തി​നാ​ൽ കൂ​ടു​ത​ൽ നാ​ശം സം​ഭ​വി​ച്ചി​ല്ല. കാ​ര്യ​ങ്കോ​ട് ദേ​ശീ​യ​പാ​ത വി​ക​സ​ന പ​ദ്ധ​തി​യു​ടെ ഭാ​ഗ​മാ​യി പു​തി​യ പാ​ലം പ​ണി​യു​ന്ന​തി​ന് വേ​ണ്ടി പു​ഴ​യി​ൽ മ​ണ്ണി​ട്ട് ബ​ണ്ട് ഉ​യ​ർ​ത്തി​യ​താ​ണ് ജ​ല​നി​ര​പ്പ് ക്ര​മാ​തീ​ത​മാ​യി ഉ​യ​രു​ന്ന​തി​ന് കാ​ര​ണ​മാ​യി ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്. ഇ​ട്ട മ​ണ്ണ് ഭാ​ഗി​ക​മാ​യി മാ​ത്ര​മേ എ​ടു​ത്തു​മാ​റ്റി​യി​ട്ടു​ള്ളൂ എ​ന്ന് നാ​ട്ടു​കാ​ർ​ക്ക് പ​രാ​തി​യു​ണ്ട്. മേ​ലെ​യു​ള്ള മ​ണ്ണ് മാ​ത്ര​മേ മാ​റ്റി​യി​ട്ടു​ള്ളൂ. അ​ടി​ഭാ​ഗ​ത്ത് ഉ​റ​ച്ചു​നി​ൽ​ക്കു​ന്ന ക​ല്ലും മ​ണ്ണും മാ​റ്റാ​തി​രി​ക്കു​ന്നി​ട​ത്തോ​ളം പു​ഴ​യി​ൽ ജ​ല​നി​ര​പ്പ് മ​ഴ ക​ന​ക്കു​മ്പോ​ൾ ഇ​നി​യും ഉ​യ​രാ​ൻ സാ​ധ്യ​ത​യു​ണ്ട്.

മ​ര​ക്കൊ​മ്പ് ഒ​ടി​ഞ്ഞു; വൈ​ദ്യു​തി​യും ഗ​താ​ഗ​ത​വും ത​ട​സ്സ​പ്പെ​ട്ടു

മൊ​ഗ്രാ​ൽ: വെ​ള്ളി​യാ​ഴ്ച വെ​ളു​പ്പി​നു​ണ്ടാ​യ ശ​ക്ത​മാ​യ കാ​റ്റി​ലും മ​ഴ​യി​ലും മൊ​ഗ്രാ​ൽ നാ​ങ്കി റോ​ഡി​ൽ മ​ര​ക്കൊ​മ്പ് ഒ​ടി​ഞ്ഞ് വൈ​ദ്യു​തി ലൈ​നി​ന് മു​ക​ളി​ൽ പ​തി​ച്ച​ത് വൈ​ദ്യു​തി ത​ട​സ്സ​ത്തി​ന് കാ​ര​ണ​മാ​യി. ഒ​പ്പം, നാ​ങ്കി റോ​ഡി​ൽ ഗ​താ​ഗ​ത ത​ട​സ്സ​വും.പു​ല​ർ​ച്ച ത​ന്നെ വാ​ർ​ഡ് മെം​ബ​ർ റി​യാ​സ് മൊ​ഗ്രാ​ൽ കെ.​എ​സ്.​ഇ.​ബി അ​ധി​കൃ​ത​രെ വി​വ​ര​മ​റി​യി​ച്ച് ഈ ​ഭാ​ഗ​ത്തെ വൈ​ദ്യു​തി​ബ​ന്ധം വി​ച്ഛേ​ദി​ച്ചു. രാ​വി​ലെ എ​ട്ടോ​ടെ വാ​ർ​ഡ് മെം​ബ​റു​ടെ നേ​തൃ​ത്വ​ത്തി​ൽ ത​ഖ്വാ ന​ഗ​ർ പ്ര​ദേ​ശ​വാ​സി​ക​ൾ മ​ര​ക്കൊ​മ്പു​ക​ൾ മാ​റ്റി ഗ​താ​ഗ​ത​വും തു​ട​ർ​ന്ന് വൈ​ദ്യു​തി ബ​ന്ധ​വും പു​നഃ​സ്ഥാ​പി​ച്ചു.

വീ​ണ്ടും ക​ര​യി​ടി​ച്ചി​ൽ; ബ​ണ്ട് പൊ​ളി​ക്കാ​ൻ നി​ർ​ദേ​ശം

നീ​ലേ​ശ്വ​രം: മാ​ട്ടു​മ്മ​ൽ ക​ടി​ഞ്ഞി​മൂ​ല പു​ഴ​യോ​ര​ത്ത് ക​ര​യി​ടി​ച്ചി​ൽ വീ​ണ്ടും വ​ർ​ധി​ച്ചു. വെ​ള്ളി​യാ​ഴ്ച രാ​വി​ലെ ക​ര ഭാ​ഗം വ്യാ​പ​ക​മാ​യി വീ​ണ്ടും ഇ​ടി​ഞ്ഞ് പു​ഴ​യി​ലേ​ക്കൊ​ഴു​കി. ഇ​തോ​ടെ നാ​ട്ടു​കാ​ർ പ്ര​തി​ഷേ​ധ​വു​മാ​യി രം​ഗ​ത്തെ​ത്തി. കോ​ട്ട​പ്പു​റം, മാ​ട്ടു​മ്മ​ൽ, ക​ടി​ഞ്ഞി​മൂ​ല പു​ഴ​ക്ക് കു​റു​കെ നി​ർ​മി​ക്കു​ന്ന പു​തി​യ പാ​ലം നി​ർ​മാ​ണ​ത്തി​ന്റെ ഭാ​ഗ​മാ​യാ​ണ് ക​ര​യി​ടി​ച്ചി​ൽ രൂ​ക്ഷ​മാ​യ​ത്. പാ​ലം നി​ർ​മാ​ണ​ത്തി​ന്റെ ഭാ​ഗ​മാ​യി പു​ഴ​യി​ൽ ബ​ണ്ട് നി​ർ​മി​ച്ചി​രു​ന്നു. ഇ​തോ​ടെ പു​ഴ​യി​ൽ ഒ​ഴു​ക്കു​നി​ല​ക്കു​ക​യും പ​രി​സ​ര പ്ര​ദേ​ശ​ങ്ങ​ളി​ൽ വെ​ള്ളം ക​യ​റാ​ൻ തു​ട​ങ്ങു​ക​യും ചെ​യ്തു.

നാ​ട്ടു​കാ​ർ പ്ര​തി​ഷേ​ധ​വു​മാ​യി രം​ഗ​ത്തു​വ​ന്ന​തോ​ടെ ക​രാ​റു​കാ​ര​ൻ നി​ർ​മി​ച്ച ബ​ണ്ടി​ന്റെ ക​ര​യോ​ടു​ചേ​ർ​ന്ന ഭാ​ഗം പൊ​ളി​ച്ചു​നീ​ക്കി. മു​ന്ന​റി​യി​പ്പി​ല്ലാ​തെ ബ​ണ്ട് പൊ​ളി​ച്ചു​നീ​ക്കി​യ​തോ​ടെ നി​ര​വ​ധി​യാ​ളു​ക​ളു​ടെ ഭൂ​മി പു​ഴ​യെ​ടു​ത്തു. 25 സെ​ന്റ് ഭൂ​മി ക​ര​യി​ടി​ച്ചി​ലി​ൽ ന​ഷ്ട​മാ​യി. ഇ​തോ​ടെ നാ​ട്ടു​കാ​ർ സം​ഭ​വം ന​ഗ​ര​സ​ഭ അ​ധി​കൃ​ത​രു​ടെ ശ്ര​ദ്ധ​യി​ൽ​പെ​ടു​ത്തി. സം​ഭ​വ മ​റി​ഞ്ഞ് റ​വ​ന്യൂ​വ​കു​പ്പ് ഉ​ദ്യോ​ഗ​സ്ഥ​ർ സ്ഥ​ലം സ​ന്ദ​ർ​ശി​ച്ചു. കാ​ഞ്ഞ​ങ്ങാ​ട് സ​ബ് ക​ല​ക്ട​ർ സൂ​ഫി​യാ​ൻ അ​ഹ​മ്മ​ദ്, ഹോ​സ്ദു​ർ​ഗ് ത​ഹ​സി​ൽ​ദാ​ർ എം. ​മാ​യ, ദു​ര​ന്ത​നി​വാ​ര​ണ ചാ​ർ​ജു​ള്ള ഡെ​പ്യൂ​ട്ടി ത​ഹ​സി​ൽ​ദാ​ർ പി.​വി. തു​ള​സീ​രാ​ജ്, പി.​പി. മു​ഹ​മ്മ​ദ് റാ​ഫി, എം.​കെ. വി​ന​യ​രാ​ജ് എ​ന്നി​വ​ർ പ്ര​ദേ​ശം സ​ന്ദ​ർ​ശി​ച്ചു. പു​ഴ​യി​ൽ നി​ർ​മി​ച്ച ശേ​ഷി​ക്കു​ന്ന ബ​ണ്ട് എ​ത്ര​യും പെ​ട്ടെ​ന്ന് പൊ​ളി​ച്ചു​നീ​ക്കാ​ൻ സ​ബ് ക​ല​ക്ട​ർ ക​ർ​ശ​ന നി​ർ​ദേ​ശം ന​ൽ​കി. ഉ​ത്ത​ര​വ് പാ​ലി​ച്ചി​ല്ലെ​ങ്കി​ൽ ക​ർ​ശ​ന ന​ട​പ​ടി​യെ​ടു​ക്കു​മെ​ന്നും മു​ന്ന​റി​യി​പ്പ് ന​ൽ​കി.

ശ​ക്ത​മാ​യ മ​ഴ; കു​ടും​ബ​ങ്ങ​ളെ മാ​റ്റി

പ​ട​ന്ന: ക​ഴി​ഞ്ഞ ര​ണ്ടു ദി​വ​സ​മാ​യി തു​ട​രു​ന്ന ശ​ക്ത​മാ​യ മ​ഴ​യും കാ​റ്റും മൂ​ലം പ​ട​ന്ന​യി​ൽ നി​ര​വ​ധി നാ​ശം. വെ​ള്ള​ക്കെ​ട്ടി​ൽ ദു​രി​ത​ത്തി​ലാ​യ കൂ​വ​ക്കൈ​യി​ലെ യ​ശോ​ധ, നാ​രാ​യ​ണി, ജാ​ന​കി, ജ​യ​ശ്രീ എ​ന്നീ നാ​ല് കു​ടും​ബ​ങ്ങ​ളി​ലെ 13 പേ​രെ പ​ഞ്ചാ​യ​ത്ത് പ്ര​സി​ഡ​ന്റ് പി.​വി. മു​ഹ​മ്മ​ദ് അ​സ് ല​മി​ന്റെ നേ​തൃ​ത്വ​ത്തി​ൽ തൊ​ട്ട​ടു​ത്തെ എ​സ്.​വി. ജ​മീ​ല ക്വാ​ർ​ട്ടേ​ഴ്സി​ലേ​ക്ക് മാ​റ്റി​പ്പാ​ർ​പ്പി​ച്ചു.

ഓ​രി​യി​ലെ ടി.​വി. മ​ധു​വി​ന്റെ വീ​ടി​ന്റെ അടുക്കള ഭാ​ഗം ത​ക​ർ​ന്നു. കൈ​പ്പാ​ട്ടി​ലെ ബി.​എ​സ്. സു​ഹ​റ​യു​ടെ വീ​ടി​ന് മു​ക​ളി​ൽ തെ​ങ്ങു​വീ​ണ് മേ​ൽ​ക്കൂ​ര ത​ക​ർ​ന്നു. പി.​കെ.​സി. നാ​സ​ർ ഹാ​ജി, പി.​വി. ഖൈ​റു​ന്നി​സ എ​ന്നി​വ​രു​ടെ വീ​ട്ടു​മ​തി​ൽ ത​ക​ർ​ന്നി​ട്ടു​ണ്ട്.

വി​വി​ധ വാ​ർ​ഡു​ക​ളി​ൽ​പെ​ട്ട തെ​ക്കെ​ക്കാ​ട്, കാ​ന്തി​ലോ​ട്ട്, ഓ​രി, ഗ​ണേ​ഷ് മു​ക്ക്, വ​ട​ക്കെ​പു​റം, കാ​വു​ന്ത​ല, കൈ​പ്പാ​ട്, മാ​ട്ടു​മ്മ​ൽ, ബ​ദ​ർ ന​ഗ​ർ, പ​രു​ത്തി​ച്ചാ​ൽ, പ​യ്യ​ളം, മാ​ച്ചി​ക്കാ​ട്, കൊ​ക്കാ​ക​ട​വ് തു​ട​ങ്ങി​യ പ്ര​ദേ​ശ​ങ്ങ​ളി​ലെ​ല്ലാം മി​ക്ക​വീ​ടു​ക​ളും വെ​ള്ള​ത്തി​ന​ട​യി​ലാ​ണ്. മി​ക്ക​വീ​ടു​ക​ളും ഇ​ൻ്റ​ർ​ലോ​ക്ക് പാ​കി​യ​തും വ​യ​ലു​ക​ളും തോ​ടു​ക​ളും നി​ക​ത്ത​പ്പെ​ട്ട​തും ഓ​വു​ചാ​ൽ ത​ട​സ്സ​വും പു​ഴ ക​വി​ഞ്ഞൊ​ഴു​കു​ന്ന​തു​മാ​ണ് വെ​ള്ള​ക്കെ​ട്ട് രൂ​ക്ഷ​മാ​കാ​ൻ കാ​ര​ണം. മു​തി​ര കൊ​വ്വ​ലി​ൽ നേ​ര​ത്തെ വെ​ള്ളം ഒ​ഴു​കി​പ്പോ​യി​രു​ന്ന സ്വ​കാ​ര്യ​വ്യ​ക്തി​യു​ടെ വീ​ട്ടു​പ​റ​മ്പി​ൽ ച​ര​ലി​റ​ക്കി​യ​തി​നാ​ൽ പ​ത്തോ​ളം കു​ടും​ബ​ങ്ങ​ൾ ദു​രി​ത​ത്തി​ലാ​ണ്. താ​ൽ​ക്കാ​ലി​ക​മാ​യി മ​ണ്ണ് നീ​ക്കാ​ൻ വി​സ​മ്മ​തി​ച്ച​തി​നാ​ൽ ദു​ര​ന്ത​നി​വാ​ര​ണ ആ​ക്ട് പ്ര​കാ​രം ന​ട​പ​ടി​ക്കാ​യി ക​ല​ക്ട​ർ​ക്ക് റി​പ്പോ​ർ​ട്ട് ചെ​യ്തു. ചൊ​ക്കി​ക്ക​ണ്ടം വെ​ള്ള​ക്കെ​ട്ടി​ന് കാ​ര​ണ​മാ​യ മൈ​മ റോ​ഡ് സൈ​ഡ് മ​ണ്ണി​ട്ട സ്ഥ​ലം പൊ​ളി​ച്ചു​മാ​റ്റാ​ൻ ന​ട​പ​ടി സ്വീ​ക​രി​ച്ചു. വീ​ട്ടി​ന​ക​ത്ത് വെ​ള്ളം ക​യ​റി​യ ഉ​ദി​നൂ​ർ സെ​ൻ​ട്ര​ലി​ലെ ടി.​കെ. ഗി​രി​ജ​യു​ടെ വീ​ട്ടി​ന​ക​ത്തെ വെ​ള്ളം നാ​ട്ടു​കാ​രു​ടെ സ​ഹ​ക​ര​ണ​ത്തോ​ടെ മോ​ട്ടോ​ർ വെ​ച്ച് അ​ടി​ച്ചു നീ​ക്കി.

എം. ​സു​മേ​ഷ്, ടി.​കെ.​എം. റ​ഫീ​ഖ്, പി.​വി. അ​നി​ൽ കു​മാ​ർ, പി. ​പ​വി​ത്ര​ൻ, വി. ​ല​ത, ടി. ​വി​ജ​യ​ല​ക്ഷ്മി, കെ.​വി. ത​മ്പാ​യി, സി.​വി. വി​നോ​ദ്, എ​ച്ച്.​സി. ബാ​ബു അ​പ്യ​ൽ, ഗോ​വി​ന്ദ​ൻ ഭ​ട്ട​തി​രി തു​ട​ങ്ങി​യ​വ​രും പൊ​തു​പ്ര​വ​ർ​ത്ത​ക​രും ദു​രി​ത സ്ഥ​ല​ങ്ങ​ൾ സ​ന്ദ​ർ​ശി​ച്ചു. മു​പ്പ​തി​ൽ​പ​രം വീ​ടു​ക​ൾ വെ​ള്ള​ത്തി​ന​ടി​യി​ലാ​യ ദു​രി​ത​മ​ക​റ്റാ​ൻ വ​ട​ക്കേ​പ്പു​റം ഗോ​പാ​ല​ൻ പീ​ടി​ക പ​രി​സ​ര​ത്ത് 75 മീ​റ്റ​ർ ഓ​വു​ചാ​ൽ അ​ടി​യ​ന്ത​ര​മാ​യി സ്ഥാ​പി​ക്ക​ണ​മെ​ന്നും വ​ട​ക്കേ​പ്പു​റം ഓ​വു​ചാ​ൽ ത​ട​സ്സം നീ​ക്കാ​ൻ വൃ​ത്തി​യാ​ക്ക​ണ​മെ​ന്നും പി.​ഡ​ബ്ല്യൂ.​ഡി എ​ക്സി​ക്യൂ​ട്ടി​വ് എ​ൻ​ജി​നീ​യ​ർ​ക്ക് അ​യ​ച്ച ക​ത്തി​ൽ പ​ഞ്ചാ​യ​ത്ത​ധി​കൃ​ത​ർ ആ​വ​ശ്യ​പ്പെ​ട്ടു.