പ്രവീണ്‍, മുഹമ്മദ് അസറുദ്ദീന്‍
നീലേശ്വരം: എം.ഡി.എം.എയുമായി രണ്ടുപേര്‍ അറസ്റ്റില്‍. തൈക്കടപ്പുറം സ്റ്റോര്‍ ജങ്ഷനില്‍ നിന്നും സ്‌കൂട്ടറില്‍ കടത്തുകയായിരുന്ന 3.93 ഗ്രാം എം.ഡി.എം.എയുമായി തൈക്കടപ്പുറം എ. മുഹമ്മദ് അസറുദ്ദീന്‍ (25), പടന്നക്കാട് അനന്തംപള്ളയിലെ വി.വി. പ്രവീണ്‍ (21) എന്നിവരെയാണ് നീലേശ്വരം സി.ഐ കെ. പ്രേംസദൻ, എസ്.ഐ ശ്രീജേഷ് എന്നിവരടങ്ങിയ സംഘം അറസ്റ്റു ചെയ്തത്. മയക്കുമരുന്ന് കടത്തുന്നതായി രഹസ്യവിവരം ലഭിച്ചതിന്റെ അടിസ്ഥാനത്തിൽ പൊലീസ് തൈക്കടപ്പുറം റോഡ് ജങ്ഷനില്‍ വാഹനപരിശോധന നടത്തിക്കൊണ്ടിരിക്കെ വന്ന സ്‌കൂട്ടര്‍ പൊലീസ് കൈകാട്ടി നിര്‍ത്തിയപ്പോള്‍ രണ്ടുപേരും ഓടിരക്ഷപ്പെടാന്‍ ശ്രമിക്കുകയായിരുന്നു.
എന്നാല്‍ പൊലീസ് ഇവരെ പിന്തുടര്‍ന്ന് പിടികൂടി. ഇവരെ പരിശോധിച്ചപ്പോഴാണ് അസറുദ്ദീന്റെ പോക്കറ്റിൽ നിന്നും മയക്കു മരുന്ന് കണ്ടെത്തിയത്. ഇവര്‍ സഞ്ചരിച്ച സ്‌കൂട്ടറും നാല് മൊബൈല്‍ഫോണുകളും പൊലീസ് കസ്റ്റഡിയിലെടുത്തു. കെ. ഗിരീഷ്, പി. പ്രഭേഷ്, കെ. അമല്‍, ഡ്രൈവര്‍ കെ. സന്തോഷ്, ഹോംഗാര്‍ഡ് കെ. ഗോപി എന്നിവരും മയക്കുമരുന്ന് പിടികൂടിയ സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.