മട്ടാഞ്ചേരി: ലക്ഷദ്വീപിൽനിന്ന് 362 യാത്രക്കാരുമായി മൂന്ന് കപ്പലുകൾ കൂടി കൊച്ചിയിലെത്തി. കവരത്തി, കോറൽ, അറേബ്യൻ സീ എന്നീ കപ്പലുകളാണ് തിങ്കളാഴ്ച തുറമുഖത്ത് എത്തിയത്. കവരത്തിയിൽ 75, കോറലിൽ 119, അറേബ്യൻ സീയിൽ 168 എന്നിങ്ങനെയാണ് യാത്രക്കാർ.
30 പേരാണ് മലയാളികൾ. ലക്ഷദ്വീപ് സ്വദേശികൾ 97 പേരും ഇതര സംസ്ഥാനങ്ങളിൽ നിന്നുള്ള 232 പേരുമുണ്ട്. ഇവരിൽ പുരുഷൻമാർ 329, സ്ത്രീകൾ 33. ലക്ഷദ്വീപ് ഗ്രീൻ സോണായതിനാൽ ഇവർക്കെല്ലാം ഗൃഹനിരീക്ഷണമാണ്.
കപ്പലിൽനിന്ന് ആരോഗ്യ പരിശോധനക്ക് ശേഷമാണ് യാത്രക്കാരെ പുറത്തിറക്കിയത്. മലയാളികൾ ട്രെയിൻ മാർഗം അവരവരുടെ ജില്ലകളിലേക്ക് തിരിച്ചു. ഇതര സംസ്ഥാനക്കാരും ട്രെയിനിലും വിമാനത്തിലുമായി നാട്ടിലേക്ക് തിരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.