ചന്ദനമരം കടത്താൻ ശ്രമിച്ച സംഘത്തിലെ ഒരാൾ പിടിയിൽ

ചിത്രം - കടയ്ക്കൽ: ചന്ദനമരം മുറിച്ചുകടത്താനെത്തിയ സംഘത്തിൽപെട്ട ഒരാളെ നാട്ടുകാർ പിടികൂടി പൊലീസിൽ ഏൽപിച്ചു. കുളത്തൂപ്പുഴ തിങ്കൾകരിക്കകം ചന്ദനക്കാവ് ചെറുകര മിച്ചഭൂമി ചരുവിള പുത്തൻവീട്ടിൽ ഷുക്കൂർ (42) ആണ് പിടിയിലായത്. ശനിയാഴ്ച വെളുപ്പിന് പുതൂകോണത്ത് നാട്ടുകാർ ഇയാളെ പിടികൂടി കടയ്ക്കൽ പൊലീസിന് കൈമാറുകയായിരുന്നു. സംഘത്തിലുണ്ടായിരുന്ന മറ്റൊരാൾ രക്ഷപ്പെട്ടു. പുതൂക്കോണം സനൽ ഭവനിൽ സനലി​ൻെറ വീട്ടിലെ കിണറിന് പിന്നിൽ ഒളിച്ചിരിക്കുകയായിരുന്ന മോഷ്​ടാക്കൾ. എറണാകുളത്തുനിന്ന്​ വെളുപ്പിന് വീട്ടിലെത്തിയ സനലിനെയും സഹോദരനെയും കണ്ട് രക്ഷപ്പെടാൻ ശ്രമിക്കുകയായിരുന്നു. തുടർന്ന് നടന്ന മൽപിടുത്തത്തിനൊടുവിൽ ഷുക്കൂറിനെ കീഴ്പ്പെടുത്തിയെങ്കിലും രണ്ടാമൻ രക്ഷപ്പെട്ടു. കൈവശമുണ്ടായിരുന്ന വെട്ടുകത്തി കൊണ്ട് ഇവർ സഹോദരങ്ങളെ ആക്രമിക്കുകയും ചെയ്​തു. സനലി​ൻെറയും സഹോദരൻ ശ്യാമി​​ൻെറയും കൈക്ക്​ പൊട്ടലുണ്ട്. പുതുക്കോണം ബിന്ദു ഭവനിൽ വിനോദി​ൻെറ വീട്ടുമുറ്റത്ത് നിന്ന ചന്ദനമരം വ്യാഴാഴ്ച വെളുപ്പിന് മുറിച്ചു കടത്താൻ ശ്രമം നടന്നിരുന്നു. മരംമുറിച്ചെങ്കിലും ശബ്​ദം കേട്ട് വീട്ടുകാർ ഉണർന്നതിനാൽ മോഷ്​ടാക്കൾ രക്ഷപ്പെട്ടു. തുടർന്ന് വനം വകുപ്പ് അധികൃതരെത്തി മേൽ നടപടികളെടുത്തിരുന്നു. ഷുക്കൂറി​ൻെറ പക്കൽനിന്ന്​ വെട്ടുകത്തി, മരംമുറിക്കാനുള്ള വാൾ, കയർ എന്നിവ കണ്ടെടുത്ത​തോടെയാണ്​ ഈ മോഷണസംഘത്തിൽ ഉൾപ്പെട്ടതാണ് ഇയാളെന്ന്​ സംശയമുയർന്നത്​. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.