ചിത്രം- കൊല്ലം: മധ്യവയസ്കനെ കൊലപ്പെടുത്താൻ ശ്രമിച്ചയാളെ പൊലീസ് പിടികൂടി. പാരിപ്പള്ളി തെങ്ങുവിള വീട്ടിൽ ആർ. അജിത്ത് (46-അജി) ആണ് പിടിയിലായത്. കഴിഞ്ഞ രാത്രി എഴിപ്പുറം മൂഴിക്കര കോളനിയിലെ താമസക്കാരനായ ബേബിയുടെ വീടിന് മുന്നിലെ റോഡിൽ ഇയാൾ പച്ചക്കറി വേസ്റ്റ് ഉപേക്ഷിച്ചു. ബേബി ഇത് ചോദ്യം ചെയ്താണത്രെ പ്രകോപനത്തിന് കാരണം. മുതുകിനും തോളിനും കഴുത്തിനും ചെവിക്ക് താഴെയും വെട്ടേറ്റ ബേബിയെ ഗുരുതരാവസ്ഥയിൽ പാരിപ്പള്ളി മെഡിക്കൽ കോളജ് ആശുപത്രിയിൽ തീവ്രപരിചരണ വിഭാഗത്തിൽ പ്രവേശിപ്പിച്ചു. പാരിപ്പള്ളി ഗുൽനാർ സർവിസ് സ്റ്റേഷനടുത്തുനിന്നാണ് പ്രതിയെ പിടികൂടിയത്. പാരിപ്പള്ളി ഇൻസ്പെക്ടർ എ. അൽജബാറിൻെറ നേതൃത്വത്തിൽ സബ് ഇൻസ്പെക്ടർ ജയിംസ്, എ.എസ്.ഐ ബിജു, സി.പി.ഒമാരായ നൗഷാദ്, മനോജ് എന്നിവരടങ്ങിയ സംഘമാണ് പിടികൂടിയത്. പ്രതിയെ റിമാൻഡ് ചെയ്തു. ചിത്രം- പെൺകുട്ടിയെ കടന്നുപിടിച്ചയാൾ അറസ്റ്റിൽ കൊല്ലം: പെൺകുട്ടിയെ കടന്നുപിടിച്ചയാൾ പൊലീസ് പിടിയിലായി. പൂതക്കുളം ഈഴംവിള ആദിത്യ ഭവനിൽ വി. മണിക്കുട്ടൻ (48) ആണ് പിടിയിലായത്. പതിനാറുകാരിയായ പെൺകുട്ടി തനിച്ചാണെന്ന് മനസ്സിലാക്കിയാണ് ഇയാൾ വീട്ടിലെത്തിയതത്രെ. പെൺകുട്ടി ശബ്ദമുയർത്തി വീട്ടിന് പുറത്തേക്ക് ഓടി രക്ഷപ്പെട്ടു. അമ്മയോട് വിവരങ്ങൾ പറഞ്ഞതിനെതുടർന്ന് സ്റ്റേഷനിലെത്തി പരാതി നൽകുകയായിരുന്നു. പൊലീസ് മണിക്കൂറുകൾക്കുള്ളിൽ ഇയാളെ പൂതക്കുളത്തുനിന്ന് പിടികൂടി. പരവൂർ ഇൻസ്പെക്ടർ നിസാറിൻെറ നേതൃത്വത്തിൽ സബ് ഇൻസ്പെക്ടർ നിതിൻ നളൻ എ.എസ്.ഐ രമേശൻ, എസ്.സി.പി.ഒ ശോഭ, സി.പി.ഒമാരായ ജയപ്രകാശ്, ലിജൂ എന്നിവരടങ്ങിയ സംഘമാണ് പിടികൂടിയത്. ഇയാളെ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.